 |
|
|
|
|
16-10-2005, 03:45 PM
|
#1 |
|
عـضـو
تاريخ التسجيل: Oct 2005
البلد: Dh,Saudi Arabia
المشاركات: 6
|
بريدااوي شيـعي !
السـلام عليـكم .
يالله حي صويلح وفطيمة وكل الزقرت  تعالوا قربوا لم المكيف .. وشلوونكم ؟؟ عسـاكم بخير ؟؟ لا صـار الواحد عايشن عمره كله بالشرقيـة .. و يروح للقصيم أول مره بحياته .. راح ينبهر  ويقول انا ببريدة ولا لوس أنجلس :D ..((1)) وش هالقمبّره يا عردزي ؟؟ جاء هذا السؤال مدرعم من جدتي التي تملك 90 ربيعاً :D أنا بلّمت .. وش قمبرته ؟وش عردزي ؟ و المشكلة عمّاني حولي وكلن ساكن ألعن أبو الجحده :D سكت .. قلت .. ايه وعطيتها ابتسامه معناته الله يعظم أجرتس هدي اللعب شوي :D .. لما قامت تـبي تهجد .. نقز صالح .. ابن الخمس عشر ربيعاً .. وقال وراك ضحكت ؟؟ قلت أندري عن جدتك ذي :D وش قاعده تقول ؟ قال ما تعرف وش معناة قمبره ؟ قلت ولا " يا عردزي " طلعت القمبره هي القذله .. بس طنزه ويا عردزي .. يا عرقي :D الله يعظم أجرتس يوه .. غطيتي على اللبنانيات بالمدح << طراه تؤبرني :D ((2)) على أحد جدران الحارة .. كتب بخط كبير : أبـــريه ( المرعب ) كل يوم أمر من الشارع واستغرب وش هالإسم .." إبريــه " مع ترقيق الراء :D بس هالمره مع ولد عمي .. ابن الـ18 ربيعاً .. قلت وشو ابريه ؟ وقف السيارة وقعد يضحك نص ساعة  وكل مره يقول عدها طلعت تنطق كذا .. أوبرييه :D مع تغليظ الراء ((3)) مره كنت بايعها بقوه وطلعت لحالي :D بروح اشتري فلافل بالإشارة .. أشوف واحد معه هايلوكس ومغبرها ..ومركب أخوياه قعدت أناظر الموتر .. وشوي يناظرن جيت ناظرته :o ياخي أحس إني بديرتي وكل هذولا أخواني  يعني مافيه حساسيه ولا شي :D وفتحت الإشارة .. والحبيب يطاردن من شارع لشارع  ويكبببس صراحة انا خفت لأنه جاني من قبل تحذير من أصحاب الهايلوكسات .. خلهم يخمطون عليك .. يفحطون .. يسوون اللي يبون  دقيت على ولد عمي عساه يفكنـا .. جاني وقفت عنده .. شوي ويطلع راعي الهايلوكس معه عجرا ومعه ربعه ... وش يبي ذا  راح ولد عمي يكلمه .. يقول لييش يناظرن ؟؟ وش يبي ؟؟ فراسه هوشه ؟؟  << يجرب الإيقونات المهم .. الزكرتي راكب راسه يبي يجلدن :D ومعه اخوياه اللي كنهم صفة كتكات أبو أربع عصيان :D واحد منهم منزل الشماغ إلى خشمه مسوي حركه << ما تاب يبي ينجلد :D المهم .. راح قالهم ولد عمي إني شيعي :D وبروح أشتكي عليهم :D أشوفهم قمطوا وركبوا سيارتهم وراحوا ((4)) جزااك الله خيير ! استغفر الله .. بلاني الله بمطوع .. نشششبه :D موب لنه مطوع .. بس ياخي حقنه :D يعني جزاه الله خير كل يوم والثاني مهديني أشرطه وأناشيد .. بس يوقف بالحلق :D مره وداني لشباب المكتبة  .. لعب كوره وسعه صدر .. بس ياخي واحدن منهم مااااااش :D شكله زميل مهنه :D .. ريحته دخان وعطر قلت أبلحقه بعد الكوره وأشوف وين يروح .. طلع يتّكي ورى الهايلوكس :D ويدخّن .. سلمت عليه وجلست جمبه :D أنواع السوالف .. طلع هالبريداوي فااااصل :D بس مربي لحية عشان أبوه :D ..  نشف ريقي :D انشالله بنزل موضوع متكامل عن رحلتي :D بالصور :D نشوفكم بعد الفطور .. والله الله صلوا التراويح موب تجلسون على المسنجر :D أخوكم أيوه
__________________
قـَاوَم هبوب العاصفـة !! وهدتـه " نسـمه" رقيقه ظالمـه ! ما بقـلبها رحمه ! caffeine_sa@hotmail.com |
|
|
|
16-10-2005, 03:56 PM
|
#2 |
|
عـضـو
تاريخ التسجيل: May 2005
البلد: بريدة
المشاركات: 876
|
هههههههههههههههههه ..
أجل .. ماصارت .. رحله .. صارت مغامره .. ياحبيلك .. بعد .. دمت .. برعايه . الله .. وننتظر .. القصه .. كامله .
__________________
  إذا وترت امرأ فاحذر عداوتهُ ... من يزرع الشوك لا يحصد به العنبا |
|
|
|
|
16-10-2005, 11:00 PM
|
#3 |
|
عـضـو
تاريخ التسجيل: Sep 2005
البلد: بيت طينيه بخب المريدسية...!؟؟!
المشاركات: 210
|
سلام..
اجل فكك الله بكلمة شيعي.. اشونه ولد عمك ما قال انه نصراني.. جاي يدرس لغة الخبوب ببريده.. ههههاههههههاههههههاهههههههههها.. نبي القصه الجايه مغامره.. مثل انك دخلت تحت نخل واثل.. بالخبوب وضيعت.. ونبي القصه بلغة الخبوب.. ..طرار ويتشرط ههههه.. ....بس معليش.... ثانكيو. |
|
|
|
|
17-10-2005, 12:53 PM
|
#4 |
|
عـضـو
تاريخ التسجيل: Oct 2005
البلد: Dh,Saudi Arabia
المشاركات: 6
|
نبض المعاني
يالله حييه .. مشكور على الرد ومنور وربي , بس تبي الصدز والله كانت مغامره الخبي :D ترى حتى انا خبي بعد الخبوب لهم هلاقة بمكان اسمه البصر :D <<< هذا اللي يتسمع سواليف الشيبان :D أذكر بزفـة واحد من الشباب ... غنوا له : خبي شل بنتنا .. خبي شل بنتنا أقولك شي ؟ يا هملالي :o << كلمه جديده :D منوور وربي
__________________
قـَاوَم هبوب العاصفـة !! وهدتـه " نسـمه" رقيقه ظالمـه ! ما بقـلبها رحمه ! caffeine_sa@hotmail.com |
|
|
|
|
19-10-2005, 05:10 PM
|
#5 |
|
عـضـو
تاريخ التسجيل: Oct 2005
المشاركات: 1
|
إذا انت شيعي ممكن سوال؟؟؟؟؟؟؟؟؟؟؟؟
كم ينقسمون الشيعة ،،،،،،،،،،،،،، وانتم اسمكم رافضة وليش شيعة ؟؟ وتحياتي |
|
|
|
|
19-10-2005, 06:32 PM
|
#6 |
|
عـضـو
تاريخ التسجيل: Jan 2002
البلد: حيث أكون
المشاركات: 2,585
|
مغمرات جميلة وقصص في قمة الروعة
تسلم اخي الغالي ومزيدا من الإبدعات وبنتظار باقي المغامرات وتقبل أجمل تحية وأزكى سلام من محبك ابن الإسلام |
|
|
|
|
19-10-2005, 08:33 PM
|
#7 |
|
عـضـو
تاريخ التسجيل: Aug 2003
البلد: يحول ياللي ماله [بريد5]..!
المشاركات: 3,881
|
أعجبني الأسلووووووووب جداً
بإنتظار الباقي هيمو
__________________
°•.?.:GooD ByE:.?.•° |
|
|
|
 |
| الإشارات المرجعية |
|
|
النمط المتتابع
