[سـمو]

اقتباس المشاركة الأساسية كتبها اموت ببريده وين العمال والله مهزلة ما صارت وزارة التربية والتعليم وزارة التربية والتعليم والنظافة

.

أخيتي الفاضلة : أموت ببريدة

أسعد الله صبآحك بكل خير

أيتها الفاضلة ليس من العيب تعويد الطفل أن ينظف المكآن الذي يجلس فيه سبع ساعات من يومه تقريبا

وقد يكون هو السبب في رمي تلك الأوراق أو ماشابهها ، هدئي من روعك وانظري للموقف من جوانبه

الإيجابية وسترتاحين وصدقيني ليس قصد المدرسين إذلال أو استغلال الطالب بهذا التصرف بالعكس

هذا جانب من التربية على النظافة والاهتمام بها .

حفظ الله لكِ أبنائك وجعلهم قرة عين لكِ .



.

[ملامح دافئه]

أيه أحسن خليهم ينظفون خليهم يتعودون

[اخو دريحم]

هي مستغربة اول مرة ينظفوا الفصل.....................!!!!

[النجمه العاليه]

بالعكس شي ايجابي خلوهم يعتمدون على انفسهم بالنظافه

[عبدالإله الجميلي]

.....

[سُـقيا]

اقتباس المشاركة الأساسية كتبها نعناعه ياجماعة الخير ميخالف ينظفون الفصل .. المصلى .. ماختلفنا .. بس فيه مدارس تخليهم ينظفون << دورات المياه >> والجميع بـ كرآمة .. واللذي رفع السماء حاصلة لي أنا شخصيا قبل سنوات .. لكن اقولها : حسبي الله عليها من مديرة وحسبي الله عليها من معلمة .. صآر له 12 سنه بس إلى هاللحين تقرقع بقليبي ياعمري أنا .

خخخخخخخخخخخ الصراحه رحمتس أجل تقرقع
عادي يابنت الحلال حلليه واعتبريه اماطه الأذى
واستانسي وعيشي حياتس ياحلوووه

[ديــــــمه]

عمل الطلاب في المدارس إيجاابي ولكن بحدود .....
والمفروض يحطون بالأسبوع نشاط يكون ترتيب الفصل ...
ولنا ببعض المدارس قدوه...
وجهه نظري

[توب تو]

في جميع الدول الطلاب ينظفون المدرسة . بلاش الدلع الزائد للاولاد والبنات . اذا لم تستطيعي تعليمهم في البيت على المحافظة على النظافة . فالمدرسة تعلمهم ذلك .
بل يجب ان تكون يومياً على الطلاب ان ينظفوا الفصول والساحات حتى دورات المياه . فمن وسخها هم / هن اذن فلن يقوموا بتنظيفها .

[( فنانه تشكيليه )]

ههههههههههه ياحليلي تذكرت يوم ان المدرسه يجيبون لنا فيري , واسفنجات , ومساحات , وصار ذاك اليوم (يوم عالمي)
لتنضيف المدرسه الجدران , والطاولات , والكراسي , والارضيه , هههههههههه اكرفونا كرف الله يهديهم

[❤.. Ťạġħřęęḋ]

شئ غصب...
اذكر بالابتدائي ننظف الساحه كاملهـ..موب بس الفصل...
شكرا للوزارهـ..


تغريد..*

[إلى متى نشرب بكاسات جبن]

والله مايوصخ المدرسة الى من هالاشكال

ولا سمعتي بالمثل
دع المكاان افضل مما كان

مايموتون لو شالو وصخهم
مادريتي بعد ان االنظاافة من الايمان

لاتفشليننا عند مدير التعليم ياخزيااااااااه بس تفاهه !

[sali7]

اقتباس المشاركة الأساسية كتبها متى يابريدة ؟ أتمنى من كل معلم يدخل للفصل يكون أول دقيقتين لتنظيف الفصل حتى يتعود الطلاب على الإهتمام بالمرافق العامة ونظافة الأماكن الي يعشون فيها والإعتماد على النفس وياليت تكون حصة النشاط ولو لمرة في الفصل الاول ومرة بالفصل الثاني تكون الحصة تزيين و تجميل للفصل .

مـــــاتـبــي تـــــــــــــــو............

[بهآليل]

بَ العكس شئ زين انه ينظف فصله , تربيه حسنه .. مب عيب وشي جميل ايضا انوة ينظف المكان اللي خرب فيه وصراحة اللي يسوي كذا اعطيه شهادة شكرر , واتمنى كل اطفال وكبار المدارس والكليات يطبقون ذا الشئ , والمفروض انك تربين ولد ك ع ـكذا .. وشكرا

[صوت البحر]

في برنامج خواطر حلقة متميزة راح تعجبكم عن النظافة لكن احب اقول لكم ان الطلاب مايعرفون قدر النظافة من جميع النواحي في الملبس او المدرسة او الشارع او المسجد والمدارس ماقصروا معهم لكن الاهل هم السبب لان الاولاد عندهم العاملة وكل شئ فوق راسه والاطفال ماغير اكل وشرب حتى في المدارس تجدهم يرمون الخبز في الارض وكل من مر داس على النعمة من هو المسؤول ؟