 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
05-01-2012, 12:32 AM
|
#1 |
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
بين والجيب والكــورولا .. ؟؟
.
. . [poem="type=1 font="bold large 'traditional arabic', arial, helvetica, sans-serif""]أنا أشهد إن الجيب ياناس فلّة = مركوب راعين القنص والسـلاطين .كامل وصوف ولايعيّر بعلة = كنّه هنوفٍ توها دون عشرين شيكٍ مصدق بالطواري تفلّه = كنزك إلى من الدهر بيّن بشين وعزي لمن شاف الغثا والمذلّة = ركبت مركوب الشباب الصغارين شريت عقب الجيب كسرة كروله = وصرنا على ماقال طايح فراشين لاني شريت اللي يقوم بمحله = ولاني شريت اللي بديلٍ يكفين يالله طلبتك من عناها تحلّه = وتعيضنا بالجيب مايملأ العين لكزس جديد تو جا بالمجلة = يعلن عنه ماشيف وسط الميادين أبي إلى من المزون المهلة = هلت على داري من الوبل يومين نخيت من يسكن بذيك المظلة = وعبيت له بنزين خمسة وتسعين جيب محمل باللوازيم كلّه =ومكمله شخص عزيز على يمين اللي إلى سولف حشا ماتملّه = رفيق دربٍ بالشدايد مع اللين ورقيت في ذيك الطعوس المطلّة = على فياض كنها رسم تلوين ماطبها مخلوق من قبل لله = تسمع بها للطير عزفٍ وتلحين ونار السمر شبيت وأركيت دلّة = وحمست ماأظنه على الكيف يكفين ودارات سوالفنا بدقه وجلّه = وكتبت لي من زين الأمثال قافين بيتٍ مثبت بالحجج والأدلة = أقول غير الجيب ماعاد يغرين وصلاة ربي عد طلع الأهلة = وعداد ماطافوا على البيت داعين[/poem] . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|
|
05-01-2012, 12:45 AM
|
#2 |
|
عـضـو
تاريخ التسجيل: Jan 2011
البلد: في حي ( الساحة المفتوحة ) من مدينة ( بريدة ستي )
المشاركات: 2,272
|
أضحك الله سنك أخي حفيد اعقيل  أجل بعد الرفيع الشاخص اللي مالي العين تركب الطامنة اللي كل شيء يطره ، الطمع مشكلة وبيعة الجيب بالشتاء ولو كان به زود ، إلا تستاهل وإقعد تفرج على الكاشتين والمستانسين ، وتعال يافلان مرن ،،، وتكفى لاتنسان  لكن اصبر واحتسب ترا الناس حولك بكل ديره صابرين ، وانت اصبر وصابر نفسك على الهم ، وكلن على همه سرى .
__________________
 |
|
|
|
05-01-2012, 01:02 PM
|
#3 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
. . صدقت أخي غربة غريب .. وترى المسألة مهيب طمع لكني بديت أشوفه يتضوكع والقادم إن شاء الله أحلى .. أما الكشتات فالحمد لله إني ماقعدت ولاخميس ماكشت . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
05-01-2012, 02:55 PM
|
#4 |
|
كاتب مميّز
تاريخ التسجيل: Feb 2006
البلد: في مكتبتي
المشاركات: 1,537
|
أخي الكريم حفيد عقيل :
أصبت الوصف بقابلك الشعري الجميل والشيء من معدنه لا يُستَغرب .. وبالمقارنة بين الجيب والكورولا مقارنة ظالمة فلكلٍ ميزته قبل أيام دخلت سيارتي الباترول الورشة للصيانة , واستأجرت أكسنت ( هونداي ) صراحة صرت نكتة , من بعد الجيب والعز , صرت بهاللقمة اللي تنشب بقوطي بيبسي ! لكن الصراحة فيها ميزة الوذافة , تلبق بأي محل , تزرق بين السيارات بكل أناقة ورشاقة ,, حتى ولدي سليمان يحسبها لعبة , يقول : أبي وحدة ألعب بها بالحوش  وربي يعوضك أخي حفيد , وإن بغيت نصيحتي : خلك حول الباترول , واترك اللاندر كروزر , تراه قفش بس ,,, إلا إن كانت دراهمك واجد فازبن الجيب الليكزس .. وبالتوفيق ..
__________________
وَمِنْ عَجَبٍ أنَّ الفتَى وهْوَ عاقِلٌ ,,, يُطِيعُ الهَوَى فِيما يُنافِيه رُشْدُهُ يَفِرُّ منَ السُّلوان وهْوَ يُرِيْحُـهُ ,,, ويأوِي إلى الأشْجانِ وهي تَكُدُّهُ [ محمود سامي البارودي ]
|
|
|
|
05-01-2012, 03:44 PM
|
#5 |
|
عـضـو
تاريخ التسجيل: Jan 2011
البلد: بريدة
المشاركات: 104
|
مادحوك كثيرأخي فاانت لا تحتاج إلى ثنائي هنا....
والنقد مفيد جداً للشاعر.... فابعض أبياتك ثقيله وهي متباينة في ذالك.ايضا من إبداع الشاعر وتمكنه بعده عن الألفاظ والكلمات العامية المستهلكة... هناك شطر بيت لاادري ماذا تقصد به وهو قولك: (ماطبها مخلوق من قبل لله) |
|
|
|
09-01-2012, 07:25 AM
|
#6 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
. . الأخت الفاضلة / وقــاري .. أشـكر لك كل ماخطه يراعكِ هنا وماقلتيه محل نظر إن شاء الله .. (ماطبها مخلوق من قبل لله) أي أنها لم تطأها السيارات والمرتادين فتفسد النبت والزرع أرض جميلة زاهية بربيعها وأزهارها . هكذا أردت .. . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
05-01-2012, 03:45 PM
|
#7 |
|
عـضـو
تاريخ التسجيل: Feb 2011
البلد: ًًً يســري بعـــروقي حبــي لهــا ًًًً مـابـدا شــوقـي الا بـهـــا ًًًً
المشاركات: 2,578
|
كلامات وأبيات جميلة جداً ,..
أنا من الناس اللي لآيمكن أن اتخيل نفسي أشتري سيارة صغيرة ,.. الجيب هو العزّ وبس ,.. كلمآتك هذي ذكرتني بابيات لازلت أحفظهآ .. يقول : [poem="type=1 color=#ff0000 font="bold medium arial, helvetica, sans-serif""]والله يالجيب لو البنّ مطعومك إني لأصب لك فنجالٍ من الدّلة تستهال الكيف والأنذآل يفدونك ياللي خوّيه من المشوآر ماملّه لاشفت حمر الطعوس ولمست متونك بتهوش هوشة شجاع ناسي الذلة[/poem] ولايهمك أبو سليمان يقولك باترول ... اشر لك جيب ربع  واستاااااانس .. والا اف جي ,..
__________________
آخر من قام بالتعديل ونـاسه; بتاريخ 05-01-2012 الساعة 03:51 PM. |
|
|
|
09-01-2012, 09:56 PM
|
#8 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
.. . الأخ الحبيب / وناســـة .. الجمال في حضورك يالغالي .. صدقت والله الجيب هو العــز أما الجيب الربع والإف جي فليست لي شكراً لك أخي العزيز .. . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
08-01-2012, 05:22 PM
|
#9 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
. . أبا ســليمان دائماً ماتعطـر متصفحي بوجود حرفك الأنيق أتمنى أن تكون القصيدة قد ارتقت إلى ذائقتك الرائعة الجيب مالنا عنه إن شاء الله والكورولا لو تدري هاللحين كان ( إحرنت ) ماتدري إننا نسبه . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
05-01-2012, 01:32 AM
|
#10 |
|
Guest
تاريخ التسجيل: Nov 2011
البلد: بــــريـــدة
المشاركات: 363
|
صح لسانك يالنشمي .. والله قصيدة يا رجل .. منتب سهل أثرك .. تصدق أكثر ما أسمع وأحب الشعر الوصفي والمدح ،، وجبتها على الطلب ،، ويا زينها لو كانت شيله بعد .. الحين سيارتي مليانه سيديات كلها شيلات وصفيه .. لكن أقولك أحد يبيع موتره في هذا الوقت .. لا تبيع إلا وأنت مأمن بداله موتر ،، والله يعينك الجيوب نيران مرتفعه شي مو معقول .. ويالغالي أنت ألحين مضبط ديوان لشعرك ،، وبعدين ما خفت أن قصيدك هذي تنسرق وتنسب لأحد ثاني .. والله يرزق الجيب الزين النظيف ويطعمك من خيره ويكفيك شره .. آخر من قام بالتعديل درع القصيم; بتاريخ 05-01-2012 الساعة 02:06 AM. |
|
|
|
06-01-2012, 02:23 PM
|
#11 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
. . صح بدنك يالغالي .. سـعادتي غامرة أن تكون القصيدة قد ارتقت إلى ذائقتك أما الديوان فمحدثك لايعتبر نفسه شـاعراً على الرغم من أن لدي العديد من القصائد المنشورة هنا وهناك .. أما السرقة فقد سرقمني قصائد كثيرة وبعضها طبع ضمن أحد الدواوين وكتبها بإسمه ولم يغيّر فيها أي حرف !!! الله يعين .. . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
05-01-2012, 01:42 AM
|
#12 |
|
عـضـو
تاريخ التسجيل: Oct 2011
البلد: .. {في مكآن أحبه `` عشت به من صغري} ..
المشاركات: 1,449
|
قصيـــدة جمــيله جـــداً أعجبتنـــي .. صــح لســانك أخي ( حفيــد إعقيـــل ) كل الشكــــر لك ولحـــروفك الرائعـــه شكـــراً لــك
__________________
. .. { .. كُــــل إبـــن أُنـــثــى و إن طــالت ســلامتـــه يـومـاً علـى آلـه حدبـــاء محمـــول ..} .. . |
|
|
|
07-01-2012, 04:50 PM
|
#13 | |||||||||||||||||||||||
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
. . الأخ الفاضل / صعب المحــال .. صح بدنك يالغالي .. الروعـــة والجمــال عندي في حضورك البهي .. شــــــكراً لك .. . .
__________________
.
. كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . |
|||||||||||||||||||||||
|
|
|
05-01-2012, 11:19 AM
|
#14 |
|
عـضـو
تاريخ التسجيل: Dec 2010
البلد: بريدة
المشاركات: 3,320
|
صدق ضرسك اخي
_ تخبرون لي فكسار 2012 ب 30 الف
__________________
|
|
|
|
| الإشارات المرجعية |
|
|
النمط المتشعب
