[أحن امرأه بالعالم]

اقتباس المشاركة الأساسية كتبها انسياب الماء السلام عليكم خواتي الغاليات بنات بريدة طلبتكم افزعولي انااول طفل كان مشاء الله سليم ودايم افحصه بالالتراساوند رباعي الابعاد والحمدلله ولاني بكرية اخذت من العاشراسبوع ولماجيت اولد نزلت المويه والرحم لسى بطيئ وماعندي طلق ابداوعطوني تحاميل طلق 3 والابرة حقت الطلق برضوه وتعب البيبي وتدخل في ولادتي طبيبة وطبيب واستشاري وممرضتين والحمدلله ع كل حال جلس البيبي تعبان لانه صارفيه نقص اكسجين في اللراس وضمرت الخلايا وتوفى بعد 20يوم من ولادتي وكانت ولادتي في مستشفى الرس العام الطبيبه مصريه جداقاسيه والاطباءالرجال مصريين حنونين والممرضه السعوديه حبوووووبه والفلبينيه جداسيئه انااعرف انه قضاءوقدروالحمدلله على كل حال الله يعوضني ويخلف علي بخير واللحين اناحامل الحمدلله والشكر ومشاءالله بالشهورالاخيرة وابي اسالكم عن مستشفى الحبيب في بريدة ومين الافضل من الطبيبات اخلاق وصبروتراعي الوالد وتحس فيها لان اللي فيها ولادة مسكينه حتى الكلمة ماتقدرتنطقهامن الالم وماهي حمل منافخ ومنازرواسلوب سئ كانه بيدينانطلع الطفل هذابيدربي سبحانه وماابي اسمع هذي الكلمات المستفزة يالله استعجلي-ليه رحمك ينفتح ببط-تبين تولدين يالله شدي حيلك- اووف لسى رحمك 5س -ليه طلقك برد؟؟؟؟اجل هوبكيفي ؟؟ بعض الاطباء والممرضين قلوبهم متحجره يعاملون المريض كانه جدارمجردمن الاحساس

اختي الله يخلف عليك ويعوضك ويارب

بقولك على نقطه بما انك قلتي ان ولادتك تعسرت وهالشي سبب نقص اوكسجين لطفلك حبيت انبهك على حاجه قبل ماتقررين انك تولدين ولاده طبيعيه للمره ثانيه؟
هل تأكدتي ان الحوض عندك طبيعي؟ لان اغلب حالات نقص الاكسجين تكون من ضيق الحوض عشان كذا حبيتي نصيحه تأكدي ولا تضرين نفسك والجنين للمره الثانيه واطلبي ولادتك تكون قيصري...

تحياتي...