 |
|
|
|
|
19-02-2012, 04:41 PM
|
#1 |
|
عـضـو
تاريخ التسجيل: Feb 2012
البلد: بريدة
المشاركات: 25
|
الإسلام في بريدة
أبو صالح و أبو راشد قاعدين يطالعون الأخبار في بلدتهم بريدة في القصيم. ]
أبو راشد:وش قاعد تفكر فيه يا بو صالح؟ أبو صالح : أفكر بهالدين العظيم اللي انتشر من أقصى الأرض اللى أقصاها. ناظر هالمسلمين الصينيين. - و الله أنك صادز (صادق) يا أبو صالح.  - بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القران و الأحاديث.  و الله أنك صادز يا أبو صالح.  - و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج.  - و الله أنك صادز يا أبو صالح. - و موب بعد كل الخليج. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية.  - و الله أنك صادز يا أبو صالح. - بس عندك بعد أهل الشرقية فيهم شيعة و حريمهم ما يغطون ووجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد. الدين الصدز موجود هنيا عندنا في الوسطى و القصيم.  - و الله أنك صادز يا أبو صالح. - بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيا ببريدة . - و الله أنك صادز يا أبو صالح. - بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا ولا دش واحد.  - و الله أنك صادز يا أبو صالح. - بس الله يهديهم الجيران موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت. - و الله أنك صادز يا أبو صالح. بس أشوفك يا بو راشد هالأيام ما تخشع زين في صلاة الفجر!!!  ^ ^ ^ ^ الموضوع فقط للضحك لايجيني واحد شاطح يقول ياشييعي يارافضي تراي مسلم سني
__________________
سبحان الله .. |
|
|
|
19-02-2012, 06:56 PM
|
#2 |
|
عـضـو
تاريخ التسجيل: Mar 2010
البلد: بريدة
المشاركات: 1,705
|
بارك الله فيكم
|
|
|
|
|
20-02-2012, 12:42 AM
|
#3 | |||||||||||||||||||
|
عـضـو
تاريخ التسجيل: Feb 2012
البلد: بريدة
المشاركات: 25
|
وبارك فيك , بس ماظنتي لها علاقه بالموضوع واضح انك تبي تزود مشاركاتك ههههههههههههه
__________________
سبحان الله .. |
|||||||||||||||||||
|
|
|
|
20-02-2012, 12:47 AM
|
#4 |
|
عـضـو
تاريخ التسجيل: Oct 2011
البلد: بريدة
المشاركات: 645
|
هلا حبيبي موضوعك منتـثــر
* تكفى سو له تنسيق علشــان آقراه << مشكلة ..
__________________
. |
|
|
|
|
08-03-2012, 10:37 AM
|
#5 |
|
عـضـو
تاريخ التسجيل: Oct 2011
البلد: قلب بريدة
المشاركات: 104
|
هههههههههههههههههههههههههههههههههههههههههههههههههه ههههههههه
حلووووةةة ايي وش ورااهم الا تشحييط بنفسههــــــم ههههههه |
|
|
|
 |
| الإشارات المرجعية |
|
|
النمط المتتابع
