[بريد1111وي]

اقتباس المشاركة الأساسية كتبها يمقن ليش تستغرب ان اغلب المشاريع لشركة الرواف انت ما تدري منهو الشريك

أنا دريت من هو الشريك ذاك اليوم وعرفت السر

وانا أقول ليه كذا طلعت السالفة هيك

[شهر اغسطس]

ليته بعد كل هالمده يطلع بجودة عالية , إلا تلاقيه محفرررر وبعد كم سنة حفريات وترقييييييييييع

ضعف جودة المشاريع فساد وظلم يا امانة القصيم

[حاني الروح]

اقتباس المشاركة الأساسية كتبها اخو دريحم ليتهم يضعون بلوحة اعلانية كمافي مبنى مدينة التمور وسوق الخضار الجديد غرب مدينة التمور ويوضح فيه مايلي :- 1-اسم الشركة المنفذة 2-مدة العقد 3-بادية العقد 3- نهاية العقد 3-تمديد العقد اولى والثانية والثالثة والرابعة والخامسة .......!!! الخ 4-قيمة العقد 5-الاشراف الهندسي حتى يطلع على بيانات العقود اصغر مواطن عندة ذر احساس بمسؤولياته تجاة مدينته

نجد كثير من المشاريع فيها هذه اللوحات .. ولكن الفساد و التأخير والمماطله مازال موجودا ..

اقتباس المشاركة الأساسية كتبها بريد1111وي انا برد عليك بمثال بسيط جدا وقطرة من بحر الفساد عندك كبري نهاية طريق الملك عبدالله بالدايري الشمالي تاريخ تسليم الكبري مكتوب باللوحة اللي عنده 1430 أفتتح الكبري بـ 1433 قبل شهر أفتتح غير متساوي 3 سنوات متأخر المشروع وش تقول ي عزيزي ترانا ماحنا بهايم نفهم وندري أنه فساد وأتركك عنك التطبيل اللي تشوفه تأخير حفريات وش تقول به حفرية صغيره تجلس سنتين ولنا مثال بحفريات اللي عند صناعية الرواف جلست سنتين والان اعادة زفلتت طريق الطرفية قبل الخماسية كم له مصكوك الشارع ...!!! 5 شهور لأجل زفلته بس ....!!!! أقول كيف حالك أنت طيب ؟؟؟

لا لا ياعزيزي لاتتهم .. إذا ماعندك تسجيل فديو أو إثبات ورقي وختم من المواصلات
و البلدية والأمانة فـ هذا ليس فسادا ..
هذا التأخير اللي تشوفه يعتبر من الإتقان : (
حسبنا الله ونعم الوكيل بس .

اقتباس المشاركة الأساسية كتبها ريحان ايه ياحبيبي التأخير هذا علشان يستفيد من الميزانية كل سنة !! والله انها اكبر مهزلة ان يستغرق هذا المشروع اكثر من 5 سنوات !!! وعجبى من المسؤليين ليش ساكتين !!! ليش اغلب المشاريع لشركة الرواف !!!!!!!! اكثر من علامة استفهام ؟؟؟ الشعب مايحتمل هذي التعقيدات وصرنا على الفوهة !!!

ليست مهزله بل جريمة ..
شركات مهزلة ولعب و خلفها ظهر ..

اقتباس المشاركة الأساسية كتبها شهر اغسطس ليته بعد كل هالمده يطلع بجودة عالية , إلا تلاقيه محفرررر وبعد كم سنة حفريات وترقييييييييييع ضعف جودة المشاريع فساد وظلم يا امانة القصيم

هنا المشكلة . لو المشروع إنتهى بالكامل لـ تغاظينا عن المدة الطويلة ..
لكنهم إلى الآن يحوسون بالشارع .!!

[دنيا السراب]

شدلي واقطع لك


ليش الرواف بس هو الي مسيطر ع اغلب المشاريع الحكوميـه


ومن المستفيد من ذلك

هل هي فائده ماليه

هل هي توجه عنصري للرواف عشانه من بريده

لماذا لاتوكل هذه المهام لشركات قويه مثل بن لادن وغيره

[Leader.20]

يا رجال ما فوقهم أحد يأدبهم
الطاسة ضايعة الحلوى متقاسمينا جميع لسنا ساذجين لهذه الدرجة

[عبدالله]

للظلم نهاية...................

[هاتريك]

طريق الملك فهد له أكثر من خمس سنوات .. والأسباب واضحة وأيضاً الشركة المنفذة الكل يعلم لمن ..
ولاداعي لتكرار الحديث عن الموضوع ، وبالمناسبة الفساد بكل مكان حتى بجامعة القصيم ..

[حاني الروح]

اقتباس المشاركة الأساسية كتبها دنيا السراب شدلي واقطع لك ليش الرواف بس هو الي مسيطر ع اغلب المشاريع الحكوميـه ومن المستفيد من ذلك هل هي فائده ماليه هل هي توجه عنصري للرواف عشانه من بريده لماذا لاتوكل هذه المهام لشركات قويه مثل بن لادن وغيره

ياابن الحلال شركات لعب ومماطلة و مهازل ..
لكن لا أعلم .. هل كلامك حبٌا لإتقان المشاريع أم كرها لبريدة : ) .؟

اقتباس المشاركة الأساسية كتبها leader.20 يا رجال ما فوقهم أحد يأدبهم الطاسة ضايعة الحلوى متقاسمينا جميع لسنا ساذجين لهذه الدرجة

مطالباتنا و شكاوينا ستؤدبهم بإذن الله ..

اقتباس المشاركة الأساسية كتبها هاتريك طريق الملك فهد له أكثر من خمس سنوات .. والأسباب واضحة وأيضاً الشركة المنفذة الكل يعلم لمن .. ولاداعي لتكرار الحديث عن الموضوع ، وبالمناسبة الفساد بكل مكان حتى بجامعة القصيم ..

ليش لا داعي للتكرار .!!
إذا صمت أنت و أنا والثاني ولم نتحدث إذا كيف سيزول الفساد ..
بل الحل إن الجميع يتحدث ويكرر الموضوع حتى تتأدب هذه الشركات وتعرف أن خلفها أناس يشتكون

[سرج سابح]

_ صورة مع التحية لمكافحة الفساد

[ممدوح الطرس]

اقتباس المشاركة الأساسية كتبها هاتريك طريق الملك فهد له أكثر من خمس سنوات .. والأسباب واضحة وأيضاً الشركة المنفذة الكل يعلم لمن .. ولاداعي لتكرار الحديث عن الموضوع ، وبالمناسبة الفساد بكل مكان حتى بجامعة القصيم ..

[عمر الأحمد]

تفترج آن شششآء الله

والآ لآجيت للصدز .؟ طريق الملك فهد الي توه مفتوح ذآ ترآه خدم زوآر بريدهـ آكثر من آهله

بمعنىآ آنه خدم آهل ( الآسيآح + البكيريه + عنيزهـ ) < وبآقي المحآفظآت طبعآ وحنآ مآخدمنآ خدمة تذكر

بالعكس حنآ تعطلنآ يآخي شف الزحمه شلون عند آشآرة البرج وآشآرة سآمبآ الي قدآمه كله منين .؟

كله من آغلآق آهم وآكبر شآرع مسآند لشآرع الخبيب الي هو شآرع الـ40 < آكبر كآرثه تقفيل هالخط

لكن يالله وتسألون ليش زحمه عند آشآرة شآرع الثمآنين ،، كل هالمشآكل مآجتنآ الا من هالكوبري الي زينو به شي وحآسو آشيآآآآء ،، خل ذولي كلهن على جنب

شف شلون طريق الملك فهد خآطم على طريق الملك خآلد (( تحديدآ عند مخآبز السلمآن ))

آجل هذي سوآإت .؟ آول مره بحيآتي آشوف طريق خدمه يقطع شآرع عآإم بدون آشآرة ولآ حتى وسآئل تهديه
آنتبهو بس يآجمآعه ترى طريق الملك خآلد سسريع ،، يجيك الوآحد صآفطن الطبلون من الفآيزيه يبي يشري من مآك الي يحححول تقل ماشافو العيشه العالم تقل مابه الا هو يبيع ببريده قسم فشلتونآ

المهم آنتبهو ي نآإس ترى خطر هاك التقآطع ،،

وآسف ع الآطآإله

[حاني الروح]

إذا كان ليس لدي فكر لمَ تناقشني إذا .؟

دعواتي لك بالتوفيق والحصول على شهادة المحاماة الدولية وأن تكون مختومة ختم رسمي حتى لايتهمك أحد
وأن توفق في الحصول على الدكتوراه : )

[بهاجر مالي مقاعيد]

اقتباس المشاركة الأساسية كتبها حاني الروح إذا كان ليس لدي فكر لمَ تناقشني إذا .؟ دعواتي لك بالتوفيق والحصول على شهادة المحاماة الدولية وأن تكون مختومة ختم رسمي حتى لايتهمك أحد وأن توفق في الحصول على الدكتوراه : )

العقل اهم من الدكتوراه وكذلك عدم رمي الأتهامات الباطله ..

\
اول حديثي لك كان مجرد نقاش وتوضيح . واتفاق على سوء الشوارع
وبعد النقاش اتضح لي عدم الفائده لعدم تفهمك ولتهربك من الجواب واصرارك انني محامي واتهاماتك الباطله وعدم التراجع عنها .. رغم توضيحي لك !
اما اخر كلامي لك عليك بالهدوء والتفكير بعقل قبل ان تتهم احد ..

ادعو لك بالتوفيق .

[حاني الروح]

اللهم آمين و إياك ..
شرفتنا عزيزي : )