[زمررده]

 السلام عليكم ورحمته الله وبركاته
اولا أنا عضوه جديده بصراحه كنت ازور المنتدى واتصفح فيه
حيل شدني أني اكون عضوه فيه
أنا عندي مشكله واتمنى أنكم تتفاعلون معي 
مشكلتي مع اخت زوجي ---------مدري شلون أبدى 
اختي زوجي هي القعده وصغيره في العمر أنا يوم شفتها حبيته وطبعا من كلام اخوها 
قبل الزواج عنها مع العلم أني مالي الا اشهر متزوجه المهم خالتي اللي هي ام زوجي 
كبيره بالعمر ومريضه الله يشفيها ويشفي كل مسلم وبالمستشفى مابين تنقل من هنا والرياض 
اخته جلست عندي حوالي شهر لان اخوها الوحيد والباقي بنات وفشله ع قواتهم البنت تقعد عند ولد الناس الا هو رجل اخته أجلست عندي وبالعكس أنا حبيت انها تجلس عندي عشان 
اعرفها اكثر وآمون عليها وخصوصا  انها كبري 20 سنه يعني أفكارنا حول بعض 
البنت مره طيبه معي بس انصدمت لمى كشفتها تكلم  مره باليل طلعت اشرب ماء 
واسمع ضحكها ومن الفضول اللي بي تصنت بتاكد ودخلت عليها بصراحه حركه غير أراديه
من ماتوقعت ابد أني اسوي كذا بس من شدت صدمتي هي خافت وقعدة تصيح وقالت لي كيف لتعرفه عليه وقالت أني ودي ما اكلمه بس هو يغصبني لانه معه صورتي بصراحه ماصدقت وقالت لا تعلمين اخوي قلت بشرط أني أخذ الجوال طبعا معه اثنين وهذا محد يدري عنه والحين معي الجوال بس مدري احس سويت غلط المفروظ اقول لخوها بس الوضع اللي إحنا فيه زفت خالتي مريضه وبالمستشفى وتوها مسويه عمليه ومو وقته ابد اقوله أزوده وهو مو ناقص مدري 
واخوها مره متعاطف معه ما الومه لانه أبوها مات ولاشافته الله يرحمه ويسكنه الفرودس الاعلى والمسلمين اجمعين وأمها تعبانه بس لدرجه مره بذكر موقف صاري المفروض مااقوله بس 
عشان أوضح لكم اكثر مره كان عندنا أرجال في البيت وكانت تدري جت تصرخ مره جاء 
اخوها ويهاوش من صرخت قالت هي اللي هي أنا دافعت عن نفسي بس اخوها كان معه مصدق انها أنا حتى واضح وضوح الشمس صوتها الله يستر عليها بح يعني فيه فرق شي يقهر للمشكله متخاف أني ماسكن عليها شي قلت لخوها مو أنا والله احلف لك وفيه فرق بين صوتي وصوته رد ه إيه ادري انها هي بس حرام مسكينه يتيمه ومتاثره بامه أنا مدري وش اسوي المهم انه يدري انه مو أنا بس تخيلو لو بقوله بينقلب ضدي هذا اللي خائفه منه أنا قلت الموقف ادري بايخ بس عشان احطكم بالصورة  


اسكت ع السالفه مادام الجوال معي بس غلط اللي اسويه والله محتاره 
مو وقته ابد أني اقول لخوها وبعدين لو بقوله وش اقوله اختك تكلم صعبه 
ولو بسكت ما راح ارتاح لو بيدري بيقولي ليه ساكته 
وأقول ان شاء الله البنت ماتعودله بس مدري عجزت ارتاح ماقدرت أنسى السالفة 
الله يفرجها عليكم دنيا واخره افيدوني 
 

[زمررده]

اسفه على الاخطاء الاملائيه كنت اكتب وانا متوتره

[زمررده]

وعليكم السلام والرحمه
اختي تغريد الله يجزاك خير ع الحل بس والله أني اكلم الهيئه صعبه وبعدين أنا بنت ضعيفه وخصوصا بموقفي هذا وفكرت أني اقول لخوي يتفاهم معه بس مستحيل يبي ياخذ ع البنت فكره والمشكله البنت ولا همه وما اتوقع انها تبي تكلم عشان تقطع العلاقة او عشان نتفق ع مكان عشان الهيئه تمسكه والله ما كانه مسويه شي وانا بحاله ما يعلم الا الله عنه امين الله يعيني
سامحيني ماردين عليك بالخاص لأني توي جديده والله يجزاك الجنه ويحفظك من كل مكروه

[❤.. Ťạġħřęęḋ]

حل جميل..
بانك تقولين لاخوك.
لو اخذ فكره موب حلوهـ..شخص واحد افضل من مليون شخص
وان شاءالله ان اخوتس يتحفظ بهالشئ
..
او
ارسال لللحقير رسالهـ..
فيها دعاء عليهـ طويل وان الله يرد كيده في نحره
يجعله لا ينام الليل...

[تهاني...]

شوفي ياختي بعد هذي

اقتباس عشان أوضح لكم اكثر مره كان عندنا أرجال في البيت وكانت تدري جت تصرخ مره جاء اخوها ويهاوش من صرخت قالت هي اللي هي

اشكـ بعقليته = اقصد انه من قوم الــ / مهناش = افحصوه عند الدكتور الحبيب شوفو عنها

[❤.. Ťạġħřęęḋ]

اقتباس المشاركة الأساسية كتبها تهاني... ,,, شوفي ياختي بعد هذي [center]اشكـ بعقليته = اقصد انه من قوم الــ / مهناش = افحصوه عند الدكتور الحبيب شوفو عنها/center]

نعم فعلا انا شكيت انه تعاني من مشاكل نفسيه
بس ماحبيت اقوله بالرد الاول

[Galaxy-22]

لا انتبهي ترسلين رساله زي ما قالت تغريد
احسسه تكبر وبتصير فوق راسك


انا اقوولك اذا عندك رقم ما احد يعرفه او اذا تقدرين تشترين رقم بطاقه وترسلين لزوجك انه ينتبه لاخته ويشوف جواله
وانتي رجعي الجوال له علشان لشاف زوجك الجوال واكيد فيه رسايل منه راح يتاكد ان اخته مسويه غلط وبكذا انتي سويتي اللي عليك بس انتبهي سوي هالحركه بعد فتره. علشان ما تدري انه انتي اللي علمتي اخوووه. والله يعينك

[غــــ م ــــوض]

غلطتي يوم دخلتي علية اساسا ،، وكملتي غلطتك بأخذك الجوال منه

اوووول شي واللي لازم تسوينه تخلصي من الجوال لايطيح بيد زوجك بعدين تصير فوق راسك

خصوصا انك توك عروس ماراح يصير عارفك وكذا

ثاني شي امسكي وحدة من خواته الكبار العاقلة منهن واشرحي له الوضع ونبهيه مايدري احد وبيني له ان اللي صار ماكأنه صار من ناحيتك

وانتبهي ترسلين اي رساله لهالحقير اي رساله

وبكذا أديتي اللي عليك وحملتي المسؤليه لاخته


وبس

[غــــ م ــــوض]

نسيت شي

انتي اذا جلستي معه لحالك انصحيه

وحسسيه انك خايفة عليه

قولي له المفروض بهالوقت من الليل تقومين تصلين لك ركعتين تدعين الله انه يشفي اميمتك
ويقومه بالسلامة

وحثيَّه على التوبة ،،


الله يهديه لطريق الصواب ويستر عليك ويعينك

[إيهام]

بمانها تبلتك وقالت لزوجك انك انتي مصرخه
لاتستبعدينها تقوله ان الجوال خاص فيك
تخيلي موقف زوجك لاطاح الجوال بيده وفيه ارقام اولاد


طلعي نفسك من السالفه بحيث انك تسلمين الجوال وحده من خواتها عاقله
وتفكيرها متزن وواثقه منها انها بتحل المشكله وتقوليلها السالفه كيت وكيت

وبالمناسبه تقولي انك ماسكه عليها شي لا ياماما مامعك اي دليل يثبت انها صاحبة الجوال
الا اذا فيه رسائل باسمها هذا اذا هي مااستعملت اسم مستعار لها
تصرفك خطأ وممكن تكوني في محل شك وتهمه


لكم ودي

[abum]

السلام عليكم
اختي زمردة
انصحك بالاتفاق مع اخت زوجك على الاتصال بالهيئة واخبارهم بالذي يكلمها والصورة التي معه
حتى يحضروه وياخذوا الصورة منه ويحذروه من معاودة الاتصال فيها مرة ثانية .
ثم عليكي بتحذيرها وتخويفها من الله .
وقولي لها هذه المرة سوف استر عليك وانسى ماعملتي بشرط أن تتوبي عنه أم ان رجعتي فسوف أخبر أخاك .

[نون العين]

يختي باين إن البنت مهيب طبيعيه هذي نتيجة فقد الحنان و قل الاهتمام

إذا تبين الـأجر اعتبريها أختك مو أخت زوجك و تقربي منها .. حسسيها بإهتمامك و خليك جديه أكثر قولي لها قدامك حل من أثنين يا إني أساعدك و أفكك من توابع المكالمات اللي ممكن توديك بدواهي أو أعلم أخوك و هو يتصرف معاك لـأن اللي قاعده تسوينه أكبر غلط !!

خليها تعطيك جوالها و طنشي الـإتصالـات اللي راح تجي عليه فتره و لو وصل تهديد لـا قدر الله الهيئه موجوده و تعرف شلون تتعامل مع هالقضايا

و إذا تشوفين إن زوجك حكيم و حنون و يقدر يتحكم بأعصابه قولي له و خلي الموضوع بينكم هو يتصرف بمعرفته

بس أهم شي البنت ما تتأذى عاملوها باللين و الموده عشان ما تجيكم بعناد و يحدث مالـا تُحمد عقباه

أرجع و أقول اعتبريها حسبة أختك مبين إنها في حاله نفسيه يُرثى لها

[مـغـتـرب]

هذه مواضيع حساسة
ولايُستشار فيها أي أحد
فالعمل السليم يكون في استشارة أهل العلم والحكمة ,لأن الحل الخاطئ في مثل هذه المواضيع له توابع كبيرة
اتمنى من الاخت أن تستشير من تثق بعقله وسداد رأيه
وفقكم الله