[بريداوية كووول]

السلام عليكم قبل اي شئ
انا اسكن بحي الضاحي ومن الطبيعي اذا اوجعتن ضروسي ارووح للمستوصف اعالج
لكن من الطبيعي ان الدكتووره الي اعالج عندها فاشله بمعنى الكلمه لدرجه ان كل اللي يعالجن عندها مايرجعن مره ثانيه
الشئ الغريب صارلها اكثر من سنه محد قدم به اي شكوى والله اني حشيت ضرسي عنده ماتحملت الوجع رحت ازينه بمستوصف خاص قالتلي الدكتووره انتي حاشيته عند السودانيه والله مشهوره ومشيه اسواق المستوصفات الاهليه اما تصرفونها ولا اخلي حريم الحي يصرفنه بكيفهن؟! 

[م ع م]

كثير من يشتكي منها حسب ماسمعت

[N.C.I.S]

طيب لو سمحتي الدكتورة اللي رحتي لها بمستوصف الضاحي الحكومية ولا عيادة اجمل الرجاء الاجابة

[لامستحيل مع قدرة الله]

كان الله بعونك

[المواطن]

فعلا كلامك صحيح

مستوصف الضاحي

دكاترة الاسنان فيه مستهترين بالمراجعين وفوق ذالك دايم لانجدهم في مكاتبهم وزين ان لقيته بعد الظهر أن ماعطوك موعد بعد ......


الشرهه على هادي العنزي مدير المستوصف المفروض مايسكت لهم ،، تاركن صلب عمله المكلف به ومسوي نفسه صحفي على غفله يلاحق القضايا والصحف الالكترونيه وهذا الكلام عنه لاينتقص من شخصه فهو انسان محترم

الله المستعان

[متابعه بصمت66]

مشكلة الصحه عندنا سبحان الله ياهي اتفاقيه او صدفه كلهم نفس الطبع اهمال وفساد والمسؤلين متعاونين هم والدكاتره والممرضين على كذا يعني كلن يغطي عن الثاني ماعمرنا شفنا وخاصه بالصحه مسئول مهتم ويشتغل بذمه
من الربيعه الى عامل النظافه بمستوصف حكومي

[من الضاحي]

وين راح مدير المستوصف

اللي مرشح نفسة للمجلس البلدي

كان ناوي يصلح احوال بريدة

وهو اصلا ماقدر يصلح المستوصف اللي تحت ادارتة

[اسد بريدة]

تكفون
تكفون
تكفون
تكفون



ياناااااس واقفه على ضروسكم
روحو ناظروا الشوارع اللي كسرت ركب المواتر
روحو ناظروا الوضايف اللي تفتح النفس
مانقول
ألا صبر جميل والله المستعان

[N.C.I.S]

اقتباس المشاركة الأساسية كتبها من الضاحي وين راح مدير المستوصف اللي مرشح نفسة للمجلس البلدي كان ناوي يصلح احوال بريدة وهو اصلا ماقدر يصلح المستوصف اللي تحت ادارتة

ياحبيبي لا تقعد تشتكي هنا روح لمدير المستوصف وقدم شكوتك واذا كل واحد راح وقدم الشكوى صدقوني راح تختفي الدكتورة يغيرونها.
بس روحو للمدير وقدمو شكوى مو قاعدين ببيوتكم وتقدمون شكاويكم بالنت لانها ماراح توصل له خلونا نكون واقعين شوي
،،،،،،

[سليمان ابوراكان]

الحل لازم تسبب مشكله في المستوصف وتضرب الدكتور عشان ياصل صوتك يفوق ياتحت اخر حل مجرد راي

[المستنير,]

اطباء الاسنان في اغلب المراكز الصحية الحكومية ما ينفعون
دكتورة الجنوب {{{{{ رعــــــــــــــــــــــب }}}}
حظ المراكز الخاصـــــــــــــــــــــ *****ــــــــــــــــة
ما تلاحظون انهم بزود
واسعارهم في زيادة

كان الله في عون المواطن

[بعض الكـــلام.]

الحمد لله اني ماتهووووووووورت ورحت لمه..

[شهر اغسطس]

اقتباس المشاركة الأساسية كتبها من الضاحي وين راح مدير المستوصف اللي مرشح نفسة للمجلس البلدي كان ناوي يصلح احوال بريدة وهو اصلا ماقدر يصلح المستوصف اللي تحت ادارتة

رد والا كل الردود ... يسلم راااسك

[كفالة غرام]

اقتباس المشاركة الأساسية كتبها من الضاحي وين راح مدير المستوصف اللي مرشح نفسة للمجلس البلدي كان ناوي يصلح احوال بريدة وهو اصلا ماقدر يصلح المستوصف اللي تحت ادارتة

والله انك صادق
في كل مكان يترزز هذا الادمي
اقسم بالله ماعمري رجعة المستوصف لقيت موظفية كلهم اخرته الاحد الي راح

دخلت توجهت الملفات مافي احد رح دور الفراش عشان يفتح الباب ويعطيك الملف بعد معنات
الحين توجه لي الدكتور يقول جب وصفه من وين الموظف مهو موجود اقسم بالله الوصفه انا الي كتب اسمي عليه و رقم ملفي ودخلت على الدكتور قضين توجه لي الصيدليه افلقني اذا لقيته تلقاه في الادارة يطق حنك تروح لمه الصيدلي وين [[رح وانا اجيك ]] يبي يكمل السالفه

لا زيدكم من الشعر بيت دكتور الاسنان مهو موجود قلت متى يجي قل بعد شهر او شهرين
حسبي الله ونعم الوكيل على كل ظالم