[مـراقـب الـوقـت]

مساء الخير
يعني كل هالفوضاء الي سووها وبالاخير يطلعون بكفاله عادي كانهم ما سوو شي
المفروض يكونون عبره لغيرهم
هذي تصرفات اطفال الي يسهر لامن البلد تمزق ملابسه بدال ما يقاله مشكور سبحان الله

[ولد الهلي]

اقتباس المشاركة الأساسية كتبها متى يابريدة ؟ يجب أن نعترف أن المسؤولين ( بالإمارة والمرور والشرطة ) للأسف عجزوا عن إيقاف (( أطفال طريق النهضة )) أتذكر قبل سنوات عندما كنا في سن المراهقة كنا نجتمع في طريق الملك عبد الله بالمسطحات الخضراء إذا صارت الساعة 12 في الليل تأتي دورية الشرطة فينزل العسكري فيسلم ثم نرد السلام فيسألنا وش عندكم هنـــــــــــــــــــــــــــــــــا ؟؟؟ قبل أن نجيب كل شخص منا ينظر الى الآخر لأننا نعرف أن الجواب لن يفيد وأن الكف والطراق هو النتيجه الحتمية وإذا كان أبن حلال قالنا : أقلبوا وجيهم لا أشفوكم جالسين هنا في السابق لم نكن نعلم لماذا كل هذه الشده ولكن الآن في هذا الزمن (( زمن أطفال النهضة عرفت السبب )) أسأل الله أن يقيض الله لنا أسد مخلصاً كأيام العقيد / يحيى الهباش حفظه الله عندما كنا نهابه ونحن لا نعرفه ولم نشاهده الآمن في بريدة أصبح أضحوكة في يد شباب طائش والسبب هو دلعكم أيها المسؤولون فقد جلبتوهم من خارج المدينة الى وسط المدينة ووضعتم لهم المسطحات الخضراء والميادين في طريق النهضة لتفحيط مللنا في بريدة ستي من المطالبة بمنع الجلوس بالمسطحات الخضراء بطريق النهضه ولكن لا مجيب ؟؟؟؟؟ في هذا الحي أصبحنا لا نعرف لذة النوم ولا نأمن على أطفالنا بسببكم وبسبب تدليعكم لهؤلاء الأطفال

ياعزيزي .. إذا كنت مخفه وكلن يصفقك عشانك قاعد بالثيّل .. فهذا شي راجع لك ولكرامتك ..
لكن الحين الناس تعرف الحقوق اللي له واللي عليه .. يجي عسكري يقول قم لاتقعد هنا !!! بيت أبوه هو ..

وإذا أنت تخاف على أطفالك بسبب كثرة الشباب المفروض تتطالب بزيادة الدوريات الأمنية في الحيّ ..


من واقع الشباب اتكلم .. تعاملهم بعناد ,, و الله ماتلقى منه إلا العناد ...


المشكلة بالمرور .. ليتهم يوظفون رجال بدل هالأطفال الموجودين الآن ..
أطفال همّهم الاسترجال على الناس بتوزيع القسايم وحجز السيارات ...




لمن يعاني من صعوبات الفهم .. انتقادي للمرور لايعني انتقاد الأمن العام ...

//

[أبو بسام 99]

البطاله هي الداء الخبييث الذي ينخر في جسد الأمة لو وظفوا و استغلوا أوقاتهم لما وجدتهم يسرحون ويمرحون في دياج الليل بأوضاع يذهلٌٌ منها العقل وتبكي العين حرقة على أوضاعهم في تسأول عن ما كان لديهم أهل ؟؟

[راجيه عفو ربي]

الله يهديهم ،الله المستعان إلى هالدرجه وصلت يعتدون على رجل الامن !! ياشباب خافوا ربكم ماينفعكم يوم القيامه لاصديق ولاغيره ،،ماينفعك الا عملك الصالح .
والله لولا الله ورجال الامن كان صار لنا ماصار لغيرنا من الدول ،،..
وصدق المولى عز وجل ( الاخلاء يومئذ بعضهم لبعض عدو إلا المتقين)
ياشباب يكفي استهتار بأمن الدوله ،أحمدوا ربكم على النعمه اللي انتم فيها رغم ان فيه تقصير مع المواطنين لكن هذا من المسؤولين ربي يهديهم وألا يخلف علينا خير منهم.. ونداء لأولياء الامور ربوا عيالكم التربيه الصالحه بالله عليكم كيف يخطي ويعتدي على رجل الامن ويطلع بكفاله هذي تربيه !!
ياشباب أينكم من حديث الرسول صلى الله عليه وسلم(عينان لاتمسهما النار عين بكت من خشية الله وعين باتت تحرس في سبيل الله) عيونهم ساهره في الليل والنهار وأنتم تغطون في نوم عميق وأحلام بائسه دعواتنا لكم بالهدايه والصلاح ولرجال امننا المخلصين بالنصر والفلاح في الدارين.. تحيه اوجهها لصقر الامن نـــــــايف بن عبدالعزيز بأن يوجه بعقوبه كل مفسد من الشباب المعتدين على أمننا..

[مـرمـر]

الحمد لله الذي عافانا مما أبتلي به غيرنا وفضلنا على كثير ممن خلق تفضيلا ؛

وإن شاء الله رجال الأمن يقبضوا على البقية ؛

( والله يديم الأمن والأمان والإيمان على مملكتنا الحبيبة )

[نورالايمان]

الله يهديهم شيلو هالثيل مانبيه وقفت عليه وحطو بداله حصى وشوك عشان كلن ينام بيته

[al3almi]

أتمنى أن يصدر بحقهم أحكام علنيه رادعه لاتقل عن السجن 10 سنوات

[بسكــآتي أذلك]

اقتباس المشاركة الأساسية كتبها ميمو القصيم هل انت عبد؟!!

بصراحه مافهمت و تقصد من سؤالك ؟؟؟

اتمنى التوضيح لأني ماحب الالغاز ولا احب الرد على شي غير مفهوم

[✿برايداويهـ✿]

اللهـ يهديهـم

[بسكــآتي أذلك]

اقتباس المشاركة الأساسية كتبها ميمو القصيم هل انت عبد؟!!

انت وش قصتك بالضبط بكل موضوع ناط لي هل انت عبد ؟؟

ياخي وضح سؤالك او اذا كنت صغير بالسن اذا كبرت تعال ناقش واسأل اسأله لها معنى ...


من جد عالم مادري وش تبي بالضبط

[ميمو القصيم]

اقتباس المشاركة الأساسية كتبها بسكــآتي أذلك انت وش قصتك بالضبط بكل موضوع ناط لي هل انت عبد ؟؟ ياخي وضح سؤالك او اذا كنت صغير بالسن اذا كبرت تعال ناقش واسأل اسأله لها معنى ... من جد عالم مادري وش تبي بالضبط

لامانطيت لك ولا شي
بس ابسئلك هل انت عبد مملوك

لان العبد يكون له اسياد
فقط لاغير حبيت اسئلك

[الرحاله العربي]

طيب طريق مسكره مجموعه كبيره من الأوغاد تجي دوريه وحده (جيب ربع)!!!!
المفروض عشرين دوريه جايه والضرب بيد من حديد لأن هذه التصرفات تتكرر كثيرا من هؤلاء الأوغاد

[بسكــآتي أذلك]

اقتباس المشاركة الأساسية كتبها ميمو القصيم لامانطيت لك ولا شي بس ابسئلك هل انت عبد مملوك لان العبد يكون له اسياد فقط لاغير حبيت اسئلك

احتراماً لنفسي وللجميع بهذا الموقع ما ابي ارد عليك لأنك سفيه او صغير او عندك عقده نفسيه ..

بالاول كلنا عبيد لله ...

وثاني شي اسلوبك وكلامك يدل على تربتك .. احترم نفسك تحترم

مافيه احد قليل شر او ماله لسان .. لكن من الذوق والاحترام وعدم قلة الأدب والتفوه بكلام اكبر منك راجع كلامك زين وحطه في راسك وقبل تتكلم عن اي شي احسب لكل كلم تقولها الف حساب ...

لأن النار من شراره ... واذا انت تفهم الجمله هذي معنى هذا انك ذكي

[ميمو القصيم]

اقتباس المشاركة الأساسية كتبها بسكــآتي أذلك احتراماً لنفسي وللجميع بهذا الموقع ما ابي ارد عليك لأنك سفيه او صغير او عندك عقده نفسيه .. بالاول كلنا عبيد لله ... وثاني شي اسلوبك وكلامك يدل على تربتك .. احترم نفسك تحترم مافيه احد قليل شر او ماله لسان .. لكن من الذوق والاحترام وعدم قلة الأدب والتفوه بكلام اكبر منك راجع كلامك زين وحطه في راسك وقبل تتكلم عن اي شي احسب لكل كلم تقولها الف حساب ... لأن النار من شراره ... واذا انت تفهم الجمله هذي معنى هذا انك ذكي

انا الحين سبيتك او غلطت عليك لاسمح الله
الله يسامحك
باين الحقيقه الايام هذي تزعل
ولا تغلط علي لو سمحت