[سحابة بيضاء]

القصيدة التي تحكي وضع ومعاناة الشعب السعودي
يتردد ان كاتبها هو الشاعر زياد بن نحيت ولكن هو انفى وصرح انها منسوبة له
ويقال ان كاتبها الشاعر فايز العديم الشمري
ماعلينا من اللي كاتبها صح لسانه وجزاه الله خير قصيدة تحكي الواقع
http://www.youtube.com/watch?v=kH1VM...eature=related
وش صار فينا وش حصل يالله عسى مقسوم خير
هذي نوايانا لكن المساله تبغى نقاش
امورنا و اوضاعنا و موضوعنا هذا خطير
والمساله ماهي بحافز والا تدبيرة معاش
احدن ينام و نومته على مخدات الحرير
واحدن ع فرشه ينام ولا لقي غيره فراش
كم كم واحد يسكن بقصر وعلي بابه خفير
وياكم واحد يسكن بعشه وسقفه بلا كاش
قدر المواطن مايساوي عندهم حبة شعير
و نظراتهم فيها حقاره كننا جمعة حشاش
الملحجه رزت بشوت هذا خوي وهذا وزير
بافستقه باكندره باملعقه مع باكراش
صارو على عيال الحمايل سلطه وشر وشرير
ماوفرو للعاطلين الا البقايا والعراش
نشوفهم وماهمم غير المناصب لا تطير
و صورهم ... لاسطع ضو الافلاش
الصادرات من البلد متواصله سيره يسير
ويوجد في شعب المملكه جوعه تفتش بالقشاش
هنا هنا واقصد هنا في بقيق يوجد كم بير
اعظم بلد نفطي ولكن زبدة الموضوع ماش
ياناس خافو ربكم ماعندكم ذرة ضمير
ابسط حقوق الشعب طارت كلها مثل الفراش
نعم نعم هذي ادانه للفقيره والفقير
وهذي الصراحه و الصريح يكتفونه بالخياش
ابتعدي الخط الاحمر لو يصير اللي يصير
ماعندي شي اخسره لامن وظيفه اومعاش
شهادتي بليتها وماها طلع احلى عصير
شكرا يابو متعب وخلفي رددو عاش عاش
يكذب عليك اللي يقول انا نعيش بالف خير
وبطانتك تكذب و تسلب والثمينه يابلاش
تكفي يابو متعب ترى عقارب الساعه تسير
وان ثارت الدنيا بطل مفعول الاندهاش

... لشاعر فايز العديم