[عذيب]

يقولون بريده ديرت مقاريد وحسودين ومتفتفين وماهنا شي شين إلا قالوه ببريده
وهالسنه مير الله يدفع البلاء صارت بريده زحمه وصار الواحد ماوده يطلع من البيت
أو الأستراحه

[هلاالي]

من سبك حبك !!

[عذيب]

اقتباس المشاركة الأساسية كتبها هلاالي من سبك حبك !!

لاعادت على هالحب

[عُيُوْنِ الْقَصِيْمِ]

الزحمه بكل مكان

الزحمه تلقاه عندالمطاعم وأجهزة الصرف ومغاسل السيارات

اما تقولي الواحد مايقد يروح للاستراحه يمكن ان سواقتك راكده

عشان كذا تحس انه زحمه شف انصحك بالسواقه لاصرت مسرع

وقدامك واحد انشب وراه وتكبيس لين يفتح الخط الدنياء فواضاء مايفتح الخط

واذا صرت عند اشاره واحد سادن اليمن دفه دفه لين يمشي

والدورات خلك جزووم موب تاقف والناس يخطمون من عندك

بس انتبه خلك غشيم على سنع

وسلامتك

[رهين الذكريات]

اقتباس المشاركة الأساسية كتبها عُيُوْنِ الْقَصِيْمِ الزحمه بكل مكان الزحمه تلقاه عندالمطاعم وأجهزة الصرف ومغاسل السيارات اما تقولي الواحد مايقد يروح للاستراحه يمكن ان سواقتك راكده عشان كذا تحس انه زحمه شف انصحك بالسواقه لاصرت مسرع وقدامك واحد انشب وراه وتكبيس لين يفتح الخط الدنياء فواضاء مايفتح الخط واذا صرت عند اشاره واحد سادن اليمن دفه دفه لين يمشي والدورات خلك جزووم موب تاقف والناس يخطمون من عندك بس انتبه خلك غشيم على سنع وسلامتك

عيون القصيم شكلك طاره ماشاء الله

[بريـدة]

اقتباس المشاركة الأساسية كتبها عُيُوْنِ الْقَصِيْمِ بس انتبه خلك غشيم على سنع وسلامتك

كيف ينتبه وتبيه غشيم على سنع ههههههههههه

الله يرجك شكلك فله

ننتظر جديدك في هالمتخرمات

[Lady.roone]

اقتباس المشاركة الأساسية كتبها عذيب يقولون بريده ديرت مقاريد وحسودين ومتفتفين وماهنا شي شين إلا قالوه ببريده وهالسنه مير الله يدفع البلاء صارت بريده زحمه وصار الواحد ماوده يطلع من البيت أو الأستراحه

كـــلــن يــشــوف الــنــاس بــعــيــن طــبــعــه
يـعـنــي اي أحــد يــقــول عــن بــريــده
شــي مـو زيــن فـهــو يــتــكــلــم عــن نـفـســه

[عُيُوْنِ الْقَصِيْمِ]

اقتباس المشاركة الأساسية كتبها بريـدة كيف ينتبه وتبيه غشيم على سنع ههههههههههه الله يرجك شكلك فله ننتظر جديدك في هالمتخرمات

قصدي اوب يصير غشيم يصدم العالم فهمت يعني اول مايلقاء فتحه بالدوار وينتبه انه ماجاء احد يزرق معه

[عُيُوْنِ الْقَصِيْمِ]

اقتباس المشاركة الأساسية كتبها رهين الذكريات عيون القصيم شكلك طاره ماشاء الله

اعجبك ان شاء الله بس انت تجود

[نوتيلا زماني]

اقول ياحول يالي ماله بريده وبس

[بريداوي 7]

ماوده يطلع من البيت او الاستراحه " حسيت نفسي بالرياض " والله ما اشوف زحمه الوضع عادي ،،ولاتنسى القرى والمحافظات القريبه لبريده عشان الاسواق بموسم الاجازه والزواجات ،،
لازم يمرون على بريده ، اما زحمه مرره لا والله مافيه زحمه ،

[الكيان الاحمر]

من سبك حبك كلام سليم

[رولكس]

اصبر والله بتشوف عجب العجاب بالزحمة ، وأضف لذلك ضيق الشوارع ، وكثرة المبزرة اللي يتعودون ويطامرون بالشوارع .. اصبر والله لأوريك .. <<< هذا يتوعد

عموماً من الخطأ الجسيم اللي جالس يصير ببريدة جميع الخدمات جامعينها حولنا يجب أن تفرق على المحافظات والمراكز ، بحيث نفتك من هالعالم اللي تقول كل شيء ببريدة قوه نسكن به ، حتى الأسواق بها قوه نتقضى منه ..
تصدقون أهل عنيزة يتركون المول حقهم ويجون للنخيل والعثيم ، يعني السالفة طب ببريدة وخذ اللي تبي .. وعقب ما جانا الحرس الوطني وهو كمل الناقص .. يعني يجب على المجلس البلدي يقف للزحف السكاني المتجه لبريدة عبر توصيل الخدمات للمحافظات والمراكز .. وبالأخير بريدة الشعير الماكول المذموم .. والله يريد بنا خير

واللي يقول ما به زحمه ملاحظة ببريدة أقول له والله إنك غلطان ، سابقاً كنا نتجنب شارع الخبيب من بعد عصر الخميس إلى آذان العشاء الجمعة الآن كثرت الشوارة اللي نتجنبها في فتراة متقاربة في اليوم ، بدليل ناخذ طريق الرمال لقلة الحركة والإشارات وناخذ امتداد الثمانين باتجاه البصيرية بدلا من الخبيب وإشارة العويضة ونتجه عبر العجيبة للسوق بدل ما نروح للصناعة ، حتى إشارة كبري الثمانين أزمة وكثير منكم لديه أماكن لا تخطر على البال وإلا أقول لك رح لدوار النافورة ياتنطق يا إنك تخطم وتصدم أو تصدم ... والله المستعان

أحس إني ارتحت شوي يوم فضفضت بموضوعك ، عموماً ستهدأ الحركة شوي بعد الاختبارات في الفترة الصباحية وتزداد في المسائية حتى صباح العيد نسأل الله أن يبارك لنا في رجب وشعبان ويبلغنا رمضان .. ويهلك بشار الدجاجة

[ابو مروان]

تكلمت مع واحد من اهل حائل يسكن في بريدة قلت له لماذا تركت ديرة اهلك واتيت هنا قال هربا من الحسد اللهم اعصمنا من الحسد