[نايف123]

زبائنه قليل هذا المستشفى وأتمنى إنهم يسمونه مستوصف وليس مستشفى

[سنكرس القصيم]

حيرتون طيب الوطني عندهم اماكانيات لو كان مثلا لا قدر الله نزيف والا شي

[سولاين]

ماشاء الله مستشفى القصيم الوطني ماشاء الله اهتمام وكل شي ماشاء الله عليهم الله يكثر منهم
وهذا الكلام عن تجربه حتى بالولاده مهتمين قووووووووة
الله يقومك بالسلامه

[سراب@]

والله
الضنايه وحده والالم نفسه!
سوئن بمستشفا خاص اوحكومي
عاد انتي والي نيك فيه
وما يسهل لك الا الله
وستخيري الله قبل كل شي
والله يفرجه لك

[الله معانا]

مساااااء الخير
اختي انا سجلت في المنتدى عشانك قلت بما أني مجربه الولاده فيه بعطيك رايي احسن من انك تاخذين رأي احد ماجربه مجرد انه سمع عنه
انا والده من 11 شهر فيه ولدت في 1 رمضان عند الدكتوره سميه بصراحه الدكتوره روعه مررره طبعا انا والده قيصري بطلب مني أنا لمن جيت في الثامن تعبت من الحمل وخصوصا اني بكر وخايفه قلت لها ابي عمليه ماابي طبيعي رفضت وقالت انتي كل شي عندك تمام الحوض والبيبي بس البيبي جالس واذا جا الطلق ان شاءالله بينقلب رفضت وجلست اصيح قلت ماابي طبيعي انا خايفه وزوجي كان معي واقنعها المهم حددت الموعد بواحد رمضان وولدت بنوته حلوه عنايتهم تمام اخر دلع تخيلي اول يوم ولدت يوم جا بالليل جو الممرضات يمشوني وودوني لدوره المياه الله يكرمك وسبحوني لاني عمليه وماكان عندي احد من اهلي ولازم احد يكون بالحمام ماقصروا ولبسوني ملابسي لمن طلعت طلبت بنتي جابوها وملبسينها ملابس حلووه ونظيفه عطيتهم ملابس لبنتي قلت اذا غيرتوا لها لبسوها
طبعا عندي شاشه اشوف بنتي وهي بالحضانه والدكتوره كل شوي تجي تشوفني وطلبت طبيبه اطفال عشان بنتي مارضت ترضع من صدري وجلست تعلمني وشلون امسك بنتي وارضعها تعرفين بكر وماأعرف شي
بس عيبهم الله يهديهم لمن دخلت غرفه العمليات فتحوا بطني وانا ماتبنجت كامل توا البنج خفيف وحسيت بالم في بطني كأني بموت ابي اصرخ او احرك يدي ماقدرت لان اعضائي تبنجت بس البطن ماتبنج كامل واحس ببطني وهو مفتوح بعدين ماعاد حسيت بشي الا وهم يصحوني ويقولون مبروك جالك بنت لكن الحمد لله لعل الالم تكفير لذنوبي ان شاءالله حمل المراه وولادتها مع الالم تكفير لها
وأي استفسار نا حاضره ادعوا لبنتي الله يخليها لي بعد شهر بالضبط بتكمل سنه

[ابوخاااالد]

نصيحه لوجه الله

لاتقربين مستشفى الحبيب

انا زوجتي ولدت فيه قبل اسبوعين

والله تبهذلت المسكينه

وتمنت انها ولدت في الحكومي افضل لها

لايوجد اهتمام ولا رعايه الا بالفلوس فقط

حاطين لك شوية ديكورات عشان يضحكون عليك

ونصابين لو تكحين قالوا ادفعي 500 ريال

وراح تفاجأين بفواتير بعد ماتحاسبينهم

قبل الخروج لازم يدفعونك حوالي 900 ريال لاشياء تافهه المفروض انها تكون شامله مع حساب الولادة

والدكتورة ماتجيك حضرتها الا بطلعة الروح

لان عندها زباين بالعيادة ماهي فاضيه لك لانك حاسبتيها وخلصتي وتبي تلحق على غيرك

معاناتنا معاها كثيرة لايسعني ان احصرها لك

باختصار: نصيحه لوجه الله ابتعدي عن الحبيب وبس .

[Qassime]

اقتباس المشاركة الأساسية كتبها سنكرس القصيم حيرتون طيب الوطني عندهم اماكانيات لو كان مثلا لا قدر الله نزيف والا شي

عندك الحبيب والوطني لآسمح الله جاك نزيف او أي شي بيحولونك سيدا ع الولآدهـ .. لذلك انا أشوف انك تاخذينه من قاصره وتروحين للولاده ..

واذا تعرفين احد بالولاده يبي يزبطك ويبسط عليك أمـوركـ ..


بالتوفيق ان شاء الله ..

[ام ندوري]

جربت الفريح عند الدكتوره نوال روووووووووووووعه

[سنكرس القصيم]

يعطيكم الف الف عافيه وماقصرتوا
الحبيب كنت متردده فيه لاني عارفه انهم الله يهديهم شفط فلوووس على لا شي

والفريح اسمع انه زين بس مستحيل اروح له يكفي المبنئ

بقى الوطني هو والا الوفاء ويارب تخيرن الخيره المباركه

[سنكرس القصيم]

حتى لو كان عندي واسطه بمستشفئ الولاده مردهم حوسه وقل نظافه لانهم مظغوطين مرررره وعاملات النظافه هم اللي يسنعوننا ونجلس بالكشك لحد مانروح لبيوتنا