[~Jenaan~]

اروى عبدالله مشكله انك ترفعتي عن الرد انتي لو ماقلتي انه تقربلك وانك موظفه كان احسن لك

لعلها خيره انك ماتوظفتي عندنا <ناقصين يكفي موظفات الشؤون

بس ياليت تترفعين عن المشاهده
لان الموضوع كلش مايخصك انتي موظفه ومقتنعه بوظيفتها بعد يعني مو حاسه بالظلم
الموضوع للمحرومين من طموحاتهم بسبب الظلم وللمسؤلين الظالمين اللي يفهمون كلمة حسبنا الله
وللمسؤلين الثقه اللي يمكن ياخذون حق
المظلوم ويرجعون الحق لأصحابه

[رباه فرجك]

اقتباس المشاركة الأساسية كتبها ~jenaan~ [size=5][color=darkred][color=navyتغبط واستفاد من وجود الواسطه في كلية الشريعه بس فيه احد يعترف وفيه احد ينكر مثل اروى عبدالله وغيره اللي ينحرم من الوظيفه والدراسه يقولون له يمكن خيره طيب الظالم واللي يرضى برزق يجي من الغش والتدليس هذا وش بتقولون له ليه ماتقولون حررررررررررررررررررررررررررررررام عليكم خافوا الله ليه اللف والدوران واللي يقول ادعي ربك بالرزق حلو بس الرب سبحانه كريم وعادل ويكره الظلم ليه ماندعي انه ياخذ حق كل مظلوم؟؟ حسبنا الله ونعم الوكيل الكاتبه عارفه ان الرزاق بالسماء والمشكله اللحين مو الرزق مشكلة الاخت ومشكلتنا اكبر وهي الطموح والحق والتعليم اللي انحرمت منه وهي مستحقه وبينحرم منه الكثير بسبب الواسطه انا طالبه بكلية الشريعه وزميلتي قريبة مسؤلة كلية الشريعه تقولي ان قريبتي توظف معارفه وكل اللي تسويه انه ترفع اوراقها للرجال وهم اللي يوافقون يعني تتحايل ع نفسه وعنده قناعه ان هذا اللي تسويه مو حرام لان حضرتها تثق بقريباته اللي يقهر ان واضح وشي عايشينه ونشوفه ومع ذلك للحين فيه من المستفيدين ينكر يااختي الشمس ماتغطى بالمنخل شي ماتجرأ ينكره الكبار تنكرونه انتم ياالمستفيدين عشنا وشفنا

الشطارة صارت كيف تأخذ حق الاخرين وما حد يقدر عليك
مسؤلات كلية الشريعة كل وحده ارد ى من الثانية
لو عندك موضوع
روحي للشئون وهم يقولون لك روحي للوكيلة الوكيلة تقول ارجعي للقسم لازم تأخذين لفه على الكلية علشان تخلصين موضوعك

[إليـن اليـوم..!]

يا خووووفي آنصدم من هالجآمعةة , آدري آنها زفت آلزفت بس الشكوووى لله م حد حووولك , المفروض تسمى جامعة الواسطات .

بس يآ آختي آدعي عليهم وآلله ما بيخلي حقك وتعبك وسهرك هذا تصرف بعض الناس رآحت الذمة والخوف من آلله والضمير وكل هالي يصير من هالتصرفآت حرآآآآآآآآآآآآم وما يصلح والمفروض تطرح المعدلات لكل الطلاب والطالبات عموما والاحقية باكمال الدراسة حتى نعيش صورة الوآقع والا انا غلطان ؟؟

ولا تتحطمين لاننا عارفين انك اجدر منهم , الى الآمام

[إليـن اليـوم..!]

اقتباس المشاركة الأساسية كتبها عطــر الأمــاكن اختي الكريمه: ماعليك الا ان تكتبي خطاب الى صاحب الشأن(مدير الجامعه) توضحين من خلاله كل ماحصل لك مع الاثباتات وذكر الاسامي . وبعده اما ان يحل امرك او تحفظين هذا الأمر لديك وتراسلين برنامج الثامنه مع الاستاذ داؤود ليتم نشر غسيلهم وفضح هؤلاء امام الملاء . زمن الضعف والسكوت ولى وذهب.. اليوم زمن الإعلام. طالبي بحقك ولا تستسلمي وبالأخير سيكون النصر حليفك ان شاء الله. الله ييسر امرك ويكتب لك الخير.

ارفعيه لآمير المنطقة او نآئبه
عميد الجامعة لو يعرف كآن اشرف على كل صغيره وكبيرة .

[عبدالرحمن القصيمي]

تأملوا في أسماء المعيدين والموظفين في هذه الكلية العظيمة .
كلية أهل الجنة

[الفجــــــــر]

اقتباس المشاركة الأساسية كتبها عبدالرحمن القصيمي كلية أهل الجنة

هههههههههههه اللهم لا شماته

[مراقب امن]

اوصاف هذي جامعة تقتل المواهب وتحاربهم منشان إخوان واخوات الموظفين اكتبي تحت بحثك او رسالتك الشكوئ الله على الواسطة التي قتلت طموحي

[عناآقيد أمل]

انا اختي قدمت ماعندها وااسطه ولاهم يحزنون وقبلوها الحمدلله والله ماعندها واسطه الاربي سبحانه....
وانا ان شاء الله بقدم وماعندي واسطه وراح يقبلونن باذن الله - ادعي ربك وماتهتمين..

خلك قويه ولاتشاورين احد .. مشكلتنا نحتاج الى جرعات من اللسان الطويل الصريح عشان يتادبون...

[ارض جو]

اختي الكريمه اولا : اهنئك على حرصك في البحث عن مايزيد قربك من ربك ودينك ثانيا : الواسطه لاشك انها تلعب لعب داخل اغلب القطاعات نسأل الله ان يبطل كيد كل من حرم صاحب حق من الوصول الى حقه ثالثا : وهو الاهم احرصي على امرين الاول الاخلاص في طلب العلم لوجه تعالى الثاني الالحاح في الدعاء وتحري اوقات الاجابه خاصة اخر الليل
ان ييسر امرك ويسخرلك القلوب القاسيه والنفوس العاصيه وعليك بالصدقه واعلمي ان الخلق كلهم لو اجتمعوا ان ينفعوك بشيءلم ينفعوك الابشيء قد كتبه الله لك ولو اجتمعوا على ان يضروك بشيءلم يضروك الابشيء قد كتبه الله عليك جفت الاقلام وطويت الصحف

[شئون]

تغيّر الوضع الآن , فهناك التعليم الموازي , ويشرفنا تقدم أي طالب علمٍ وطالبة على برامج الماجستير التابع لأم القرى والذي تستضيفه كليات بريدة الأهليّة .

وعلى فكرة لايشترط لكليات الشريعة والدعوة توفل أو قدارت فقط يشترط في كلية التربية .

[عمر الأحمد]

الشكوى لله آختي الفآضلة لكن تأكدي آنه مآتم قبولك لأسبآب مثل تدني النسبة مثلآ

[حافزاوي]

اوصاف لايكون عندك احساس انك الوحيده الي مظلومة كلنا اكلين تبن وماقلنا شي

[الزنقب]

الواسطه لا ينكرها الا غافل او متغابي او مستفيد

هي موجوده وبكثرة جدا لان مجتمعنا مجتمع عائلي نفعي

( كلن يحوز النار لقريصه ) ومقولة ( الي مابه خير لاهله مافيه خير )

هاتان المقولتان تشكلان الخلفيه الثقافيه والفكريه للمجتمع السعودي او النجدي على الاقل ..

فكل واحد يسعى لنفع قرابته واهله ومعارفه وهذا شي

يمارسه اكثر الناس .. او نفع من يرتجي منه مصلحة ومنفعه

جريا على قاعده ( شدي واقطع لك )




وفي المستشفيات والدوائر الحكوميه تسهل لك الاجراءات

اذا كنت تعرف احد


وكثير من الوظائف نالها اصحابها بالواسطه .. وكثير من الدارسات

العلياء نالها اصحابها بالواسطه ...

واعرف كثير من اصدقائي واقربائي حصل لهم هذا الشي


انكر البدهي والمعلوم من المجتمع بالضروره يدل على ثقب عظيم

في جدار التجارب

واذا قراء مثل هذا النفي المسؤلون يضحكون وبشده .. لان الغفله

تكون للاغرار الذين لم يخالطوا الناس ويعرفوا النظام غير المكتوب

الذي يسير كثير من الجامعات والدوائر الحكوميه


تحياتي

[حافزاوي]

اشوا انهم ماقبلوك شكل سالفتك ماتنتهي ريحي ملايكتك وجلسي ابيتكم
انا لو اني بالشريعه ويمر عي ثنتين مثلك شققت خلاقيني وانهبلت....