[قـــصـــيـــة]

اقتباس المشاركة الأساسية كتبها مومطرس غير صحيح أن المرأة مظلومة في السابق فهم يعيشون على أمكانياتهم وثقافتهم بالرضى والقناعة فسابق كان هناك ظلم مقدر من الله سبحانه ولكن الخير فيهم عميم وشر محصور في زوايا ضيقة والأبلسة مساحة محيطها ضيق جداً فيهن زوجة التاجر والفقير والبنت المدللة والبنت المنكلة ولكن الفرق بين الماضي والحاظر أن الشر في الماضي ضيق المساحة والشر في الحاظر منفلت على أوسع نطاق إلا صحيح مايخلونها تعيش طفولتها 5 سنوات يقولون هذي مره (حرمه) !! حتى يزوجونها بدون شورها ! : ( الأب كرف بنته ليس لعداوة بل تربيه والله مايفقهها الا قليل على العموم بارك الله لك في حظورك ومشاركتك وسعداء بتواجدك عارفه ان الأب يبي مصلحتها لكن مب هذي طريقة لحد مايكرهها بالحياة يعني بيت زوجها ظلم وبيت ابوها ظلم فيه أساليب تخليها تروح لزوجها بنفسها ( قلت لك الحرمه زمان مظلومة! )

بإختصار رجال زمان مايعترفون بشي اسمه مراعاة مشاعر وأحاسيس للمرأة ..!

[فــ ـهـ ــد]

قصيه كفت ووفت الله يعطيها العافيه

شكر اخي مومطرس

[مومطرس]

اقتباس المشاركة الأساسية كتبها فــ ـهـ ــد قصيه كفت ووفت الله يعطيها العافيه شكر اخي مومطرس

شاكر مرورك أخي فهد

[حربي عابر دربي]

اقتباس سن المراهقة في العام 1405هـ

اذا قلنا انك يوم كنت بالمراهقة عمرك 18 + ( 1405 هـ - 1433 هــ ) وباليد واحد ورجع لبوك الي عطاك اياهـ واجدع نصهن بالبحر = يالله حسن الخاتمه

الشباب شباب القلب ياخال ( انت توحي )

اقتباس الصقعبي الشايب معرس

نرجع للموضوع

الا ماسئلت نفسك حورية الاولين من الي رباهـ وشلون رباهـ قبل مايزوجونه وهذا بعد توفيق الله

فيه نماذج مشرفه حالياً لكن تعد على اصابع اليد الواحدة مقطوعة الخنصر والبنصر والسبابة والوسطاء

[الصمت الهادئ]

.

نمآذج ممتعه رغم قسآوت بعضهآعلى المرأة..

قصصك ذكرتن لسآلفة خالي الله يشفيه ويطول بعمره..
"يقول كنت وقتهآ بالمرآهقة وعمري 13او 14 تقريبا ماعندنا لآأتصالآت
ولانشوف الحريم في ذاك الوقت الانادرا ,
يقول كانت بيوتنآ من طين والبيوت متلآصقه ببعضهآ,ويقول كنت استمع
لأهلي وهم يمدحون بنآت جيرآننا وان عليهن
جمال مايوصف ,وانا من الفضول رحت أحفرجدآرهم وأخلي فتحه علشآن
استمتع بالجمآل الي يقولون : ) ...
وفي مره من المرآت وانا جآلس انآظرهن مآحسيت بروحي, أغمى علي الآ
والماء فوق رآسي ,لأن العكآزه حقت أبوهن أخذت نصيبهآمني وبعدماأفقت
أخذني الى المسجد وجلس يكمل علي بالضرب وبعدها جلس ينآصحني
لأنه أمام مسجدنــآ وعآقبني بتنظيف المسجد يومياً : ) ......"

انا استمتع بقصص خآلي في زمنهم وبسآطتهم في كل شي والله بعذرهم
لحنو لزمن أول ...
ادري اني طلعت عن الموضوع بس ماتتفوت : )

[مومطرس]

اقتباس الصمت الهادى

اقتباس نمآذج ممتعه رغم قسآوت بعضهآعلى المرأة..

القساوة تشارك فيها الجميع الرجال والنساء وحتى الأطفال . أتذكر قصة رواها

لي والدي شفاه الله ايام السواني يقول فيها . كان فلان أبن فلان طفل صغير

يبلغ من العمر 8 أعوام كان كل يوم هوا ووالده عندما يخرجون من

المسجد يتجه الأبن الى السواني ويسني ووالده يجمع الحطب ويشب النار وكان

الجو بارداً يقول كان الأب جالس على النار يتدفى والأبن يسني وشتد عليه البرد

ولم يتجرى أن يقول لوالده يايبه ذبحن البرد ولكنه بحث عن حيلة وقال لوالده

( يبه الصريح يطقق ) متأملاً أن يقول والده تعال وانا أبوك تدف الين أصلحه

ولكن أبوه قال له أقطع وخس يالهيس كمل أسناك وبعد ساعة توقفت السواني

وبدأ الأب يصرخ ويزمجر من محله الدافي ثم التقط الخيزرانه وذهب الى أبنه

ووجده قد فارق الحياة






ا

اقتباس نا استمتع بقصص خآلي في زمنهم وبسآطتهم في كل شي والله بعذرهم لحنو لزمن أول ... ادري اني طلعت عن الموضوع بس ماتتفوت : )

نعم كل أنسان يحن لطفولته خاصة لأنه عاشها براحة بال ولم يتحمل مسئولية

ولقلب خاوي من الهموم والمنغصات . في صلب الموضوع أن شاء الله

أشكرك على الأضافة والمرور

[مومطرس]

اقتباس حربي عابر دربي

اقتباس نرجع للموضوع الا ماسئلت نفسك حورية الاولين من الي رباهـ وشلون رباهـ قبل مايزوجونه وهذا بعد توفيق الله فيه نماذج مشرفه حالياً لكن تعد على اصابع اليد الواحدة مقطوعة الخنصر والبنصر والسبابة والوسطاء

أكيد أن الأساس طيب فا ينشر الطيب والطيب مـايجي منه الا طيب يالحبيب
المجتمع المحافظ والذي لم يتأثر بالأنفتاح ســابقاً ليس له قرين ولاقريب في
هذا الزمان الذي ترى فيه أســــرة واحدة تتعدد بين أفــرادها الثقـافة والفكر
وفي وقتنا الحالي لا نبخس أهل الطاعة حقهم وهناك نماذج مــــشرفة ليست
بالقليلة فلا تقطع الخناصر والبناصر وتقلل من الكم الموجود والخير موجود


شاكر لك مرورك وأضافتك أخوي الحربي





الا على فكرة كم عمرك ياحربي ؟؟

[حربي عابر دربي]

اقتباس المشاركة الأساسية كتبها مومطرس الا على فكرة كم عمرك ياحربي ؟؟

اصغر منك يالذيب

تراي منب بعيد عنك ,,, أشفن بالمرآيه وراك اكبس لك ابيك تفتح الخط

[مومطرس]

اقتباس المشاركة الأساسية كتبها حربي عابر دربي اصغر منك يالذيب تراي منب بعيد عنك ,,, أشفن بالمرآيه وراك اكبس لك ابيك تفتح الخط

أمدك الله بالصحة والعافية

[التيجان]

[size=5![/size]
بالنسبة للوحات التي عرضتها فمنها شديد الجمال واغلبها العكس....
لماذا تحرم المرأة نفسها من المتع طالما ذلك حلالا.....والاب الذي عذب ابنته......مافائدة الابوة؟؟؟!!!!ولماذا لااشتكي من امه اذا رأيت مايغيظني

شكرا لك

[مومطرس]

اقتباس المشاركة الأساسية كتبها التيجان [size=5!

اقتباس المشاركة الأساسية كتبها التيجان بالنسبة للوحات التي عرضتها فمنها شديد الجمال واغلبها العكس.... لماذا تحرم المرأة نفسها من المتع طالما ذلك حلالا.....والاب الذي عذب ابنته......مافائدة الابوة؟؟؟!!!!ولماذا لااشتكي من امه اذا رأيت مايغيظني شكرا لك

الحكمة هي عين الجمال ورأس ماله

اقتباس لماذا تحرم المرأة نفسها من المتع طالما ذلك حلالا.

هي لاتحرم نفسها فالأمر قناعة نابعة من نفسها لم يتدخل أحد في الأمر

اقتباس والاب الذي عذب ابنته......مافائدة الابوة

هي الأبوة بعينها ولو سايرها والدها على نزغ الشيطان لكانت اليوم

معها أبنا من عدة رجال . أو كانت في ذمت شايب عايب . أو تبحث

عن من يأويه ويأمن لها لقمة العيش والصور من حولك كثيرة

اقتباس ولماذا لااشتكي من امه اذا رأيت مايغيظني

مجرد أنسانه مؤمنة تريد الاجر والمثوبة من الله ونرجو من الله أن يوفقها

للخير ويجمل صبرها . فقط الأمر بسيط جداً والصبر نوع من أنواع العبادة

[/size]

[ـالتُفاحة الورديّة]

اقتباس عارفه ان الأب يبي مصلحتها لكن مب هذي طريقة لحد مايكرهها بالحياة يعني بيت زوجها ظلم وبيت ابوها ظلم فيه أساليب تخليها تروح لزوجها بنفسها ( قلت لك الحرمه زمان مظلومة! )

لكن ياقصية هم متعودين على هذا الشيء حنا زماننا و نستنكره ونحسه ظلم وعيب والمرأة مقهورة و كل شي
ووالدتي تقول أن فيه ( أب) زمان أول لم يخبر زوجته عن مهر البنت جاء مهر البنت وشروا لها والأم لاتعلم عنه مو من حقها أنها تدري هي أمها واللي تعبت عليها
لكن أحس أنها تمشي عندهم

[بنت بلادن]

[ حوريات القصيم 2012مـ]

أريج : في مقتبل العمر , يشملها حافز , لكنها لم تذق طعمه ولانكهته يسحبه زوجها ويصرفه ويغيب شمس البطاقة ,

سهى : حامل في شهرها الثامن أنجبت طفلها الأول في السيارة , لتأخرزوجها في أحضارها , فهويحتضن أربع

أجهزة جوال , لاتعرف المسكينة منها الا رقما واحد , وقد كان مغلق ومرمي في درج السيارة , عليه العشاء

بالأستراحة ولايريد عكننة ودقات قلب , دينه ولادين اللي يرن عليه ,, خاصة لصار بستراحة أبو ريان ؟؟

منى ,, معلمة تقوم قبل العصفور , تسحب البزران للمدارس وهو بسابع نومه ,

وتهوشهم بعد لايطلعون صوت يقعد يقوم أبوهم من نومه , تعطيهم المصروف وتاقف لهم بالباب حتى يدخلون

مدارسهم , وتنتظر أبو أحمد المصري يوديها , عينها على سيارة زوجها لتصير برا بس , فشيله من السواق ؟؟

مسكينة ماتقدر تغيب ,, يعلقها البنك مع أرقبتها , اتسدد فواتيرجوالها وتشحن جواله بعد ,

وتسدد قسط أخوها وقسط أرض زوجها وقسط السيارة , فهي الزوجة والأم والكفيل ؟؟

هند ,, وأطفالها الخمسة جت من مكة بالنقل الجماعي , كان ودها تأخذ عمره لجدها ,

بس أرجعت كسرعة قطار المشاعر , زوجها حاجز لماليزيا يبي يزور المتاحف كالعادة السنوية ؟ ولازم ترجع قبل مايطير

تقول لصديقاتها وأهلها السفرله سبع فوائد ,, والعشرين الباقيات تعصرقلبها هي أبخص واصبر ,,

أكمـل يبـه والا لا ؟

[أبو سليمان الحامد]

لا يهمونك أخوي مومطرس , ترا توك شباب , وأبو أربعين بهالوقت توه داخل مرحلة الإنتاج .... بس هم توهم طالعين على الدنيا

من بعد غياب عمدتنا حفيد عقيل الله يسلمه , نقدر نخليك عمدتنا , وأنا النايب حقك , والله واعلم أن الزنقب مهب بعيد عنا ,,

أما بالنسبة لموضوعك , فلكل زمان أهله , فكما أن نساء ذلك الجيل يختلفن , فالرجال يختلفون ..

ولكن : من وجهة نظري فطبع النفس البشرية متقارب مهما اختلف الزمن

فإذا قرأت عن طبائع النساء مثلا في كتابات ابن قتيبة والجاحظ وابن عبد ربه فكأنك تشاهدها أمامك الآن في أهلك وأخواتك ,, فالمرأة هي المرأة والرجل هو الرجل , وإنما الاختلاف في بيئة التربية .

فالمرأة التي كانت صبورة حيية طيبة قبل أربعين سنة لو كان معها آيباد وانترنت كان اختلف الحكم ..

وشكرا لك ..