[اخر العنقوود]

مساااااء الخيراات جميعا عليكمم

في هذا اليوم الفضيل يوم الجمعه الموافق 16\8\1433 هـــ

ان سدحت التاريخ علشان يصير موثق بتاريخ

اولا ابي اطرح لكم المعاناه مع انفي قبل تقريبا عشر سنوات حصل لي حادث ومع الضربه تعور الانف يعني صار في ثلاث كسوور داخليه ووقتها كشفت عند التخصصي وقالوا لي يلا نبي نسوي لك عمليه وقلت اشوف وارد لكم بنفس الموعد سحبت عليهم لاني احس ماعندهم كفااه كافيه

ووقتها كان التفس كويس وامواري كويسه بس الى يشوف الانف يحس في كسر بسيط الى يدقق بقوه

وبعد مروور السنوات وبالتحديد قبل سنيتن بدات التنفس يضيق وما اقدر انام الا بعلاج حساسيه وبخاخات منضف للانف وحتي في اخر مضان تعبت تعب قووي من الحر وصار كل النهار اتفس مع لفم والانف مسكر ماقدر احط قطرات ولا شي انتضر بس متى يجي المغرب وافطر وعدى رمضان على خير وقبل رمضان هذا قلت لازم اسويها لان باقي الشهور اقدر ادبر حالي علاج قطره


الشاهد ماخليت عياده الا رحت الرياض والقصيم ورحت لي دكتور اسمه سامح بعنيزه ممتاز بس قال لازم عمليه ونصح لي بواحد بالرياض بالحبيب الى بالرياض واخذت موعد وشفت الدكتور اول ما كشف علي قال عمليه الدكتور ما اقول فيه شي بس مادري دقني قلبي لان كلش بسرعه يلا مدري ايش قلت له سممم بكره عندكم وبكره مسكت الخط الرجعه للقصيم وخليته الوكاااد مالكم بالطويله

بحثت بالنت وحصلت دكتور اسمه وليد الحازمي ماعجبني الاسم << صريح قلت خلني اشوف وش الى عنده وخذت موعد بالاختبارات لان وقته يصير فاضي واقدر اخذ راحتي معه بصرااحه من اول ما دخلت عليه وكشف علي بطريقه هاديه وشرح لي كل شي وقال عمليه عندي قناه مقفله 80 % من التنفس بصراحه صرت افكر بس وخليته لس اسبوع اروق وافكر بهدوى واتشجع واروح له بعد اختبارات الطلاب باسبوع وقلت له بكل صراحه ابي تاريخ دراستك وومارستك وجلس يضحك وقال له ابشر وقال لي من عام 2006 وانا استشاري ومعه زماله بريطانيه واردنيه ووو قلت اوكي ارد لك بكره وقال خذ رقمي ودق علي متى ما تهيت وجزمت تسويها وجلست يومين ورحت له قلت ابي اشوف واحد مسوي العمليه قبلي جلس يضحك قال ايش فيك خايف قلت العمر مرتن وحده يا دكتور وهذي عمليه انف وتخوف قال انتضر شوي يبي يجي واحد مسوي العمليه نفسها عندي هذا الكلام العصر المغرب دق علي قال تعال وجيت وقبل ادخل وسوس لي الشيطان وقال فيه استشاري ثاني وادخل عليه واساله على السريع كذا مدري جاني نفس شعور الى حق الرياض يحسب الدعوه مشي حالك واطلع بسرعه والحق على دكتوري واثره توه جاي المريض وادخل وافصفصه فصفصه واجلس على قلبه لين طلع الدعامات الداخليه وقلت له دكتوووور يلا الوعد السبت الساعه 8 صباحا انا قلت خلني اخذ رقم 1 علشان يصير مروق ويضبط الشغل يوم دخلت المستشفى قال انه بالعمليات قلت لهم وش السالفه قالوا طفل عمره 6 سنوات وبعده فيه عمليه وجدوله فل كل اليوم طوال الاسبوع غالبا قلت الله يرزقه الاخلاص عز الله انه شخصن مجتهد ويستاهل كل دعوه بالغيب طبعا قبلها سويت تحاليل وترتيبات العمليه وانتهت العمليه بنجاح يوم صحيت من البنج ماحسيت بالم الحمدلله الا شي بسيط لايذكر ومن بكره طالعو القطن الموجود بالانف بصرااااااحه شي فضيع مع انه ثواني وطلعت للبيت بحمدلله وطبعا مع نزول بعض الدم من الانف وبعدها باسبوع رجعت له وشال الدعامات والحمممممممممد لله

بصراحه الدكتور وليييد الحازمي جدا جدا انسان متواضع وحبيب ومتفهم

انا شال عندي الغضاريف الزايده الى نموها غلط ووسع مجرى الانف

اولا واخيرا اشكر الله على هذا التيسير واحمده على نجاح العمليه حبيت انقل لكم تجربتي البسيط
انا عارف اني كثرت عليكم الكلام بس حبيت اطرح لكم تفاصيل دقيقه لي معاناتي مع الانف

محبكم سلطان واي استفسار انا جاهز

[يرجو ربه]

الحمد لله على سلامك ...لو الناس كلهم زيك بالحرص كان مالقينا تلاعب اطباء .
حرصك هذا يبعث الاهتمام لدى الاطباء .

[اخر العنقوود]

ولو احب افيد الناس واحبه لهم مثل ما احب لي نفسي




لا تنسوني من صالح الدعاء

[فاهم شوي]

الحمدلله ع السلامه , طهور ان شالله

واكبر دليل على نجاح الدكتور هو رحابة صدره وحسن تعامله وتفهمه لشعور المريض وهذا المرجو

[اخر العنقوود]

الله يسلمك ويعافيك ويجزاك خير يا فاهم شوي


اي والله جدا جدا حبيب ومتفهم لدرجه كبير تحسه اخو مب دكتور ويدور فايدته لان كل عمليه ياخذ فلوس هذا ما همه الفلوس اهم شي عنده نفسيه المريض ووصوله لي اعلى درجه من النجاح

تحيااااااتي

[الحلة464]

والله ونعم الدكتور والحمدلله على لسلامة

صلحت للبنت عملية لحمية عنده وماشالله كله بركه

[abdullh719]

اخوي انا صار لي حادث قبل ثلاث سنوات والمشكله عندي بالنف تحتاج جراحه تجميليه وابي نصيحتك

[جروح الأيام]

انا رحت له وطلعت

صراحه انا وابوي مارتحنا له

وبحثت له بالنت احد مسوي عنده مالقيت

فرق عن الدكاتره الباقين شفت لهم عمليات

بساالك كم اخذ عليك ؟.