[بنت بريده\\\رسيل\\]

السلام عليكم
بصراحه بكتب لكم وبدون مقدمات من القهر اللي فيني ابحذرررررررركم من مطعم كمون امس كانت عندي حفله كبيييره وحجزت منه بوفييه
جاب الطاولات العصر وش اشوف المفارش متنتفه تفششششل والالوان مرقعه فوشي باسود بذهبي وطاوله البوفيه حمراء واناا طالبه عنابي بسكري فدقيت وقلتله ابيك تغير المفارش قال اوكي لاجبت العشاء غيرته فلمن جاب العشاء صفه وراح والمصيبه لاغير المفارش ولا شي ولا بعد مغير بالاصناف على كيفه ومقللهم ولا جاب ملاعق ولا كاسات ولا مويه ولاشي والفاكهه حاط على 3 طاولات بصحون سفره يعني باختصاار يفششششل ودقيت عليه ولا يرد يعني توهيقه فنصيييحه مني لكم تجنبوووو هالمطعم الخايس اناا وش طيحني عليه مدري بس ماودي احد يصيرله مثل اللي صارلي لان صراحه يفشلل
وهالرابط قد يختصر كلامي


اتمنى تكون عليه رقابه من البلديه لان حتى بالكليه كثييير يتسممون بسبته #المعلومه وصلتني للاسف بيوم الحفله للاسف ولا كان ماطلبت منه وتفشلت قدام العالم

[manedl]

أسواء مطعم سبق إغلاقه لقذارته ورائحة طبخه معفنه

[المانع111]

ياناس انتبهوا من هذا المطعم المطعم هذا عند حارتنا وبخسينه وعارفينه كل سكان حارتنا ما أحد يشتري منه هذا المطعم ماسكينه عمال سوريين

وحبيت أسالك ياصاحب الموضوع وش اللي خلاك تشتري منه من هو هذا اللي امدحه لك كل الناس ما تتعامل معه

[lady gogo]

والله انا نصيحتي للي بتسوي حفله لا تجيب من مطعم
تجيب من اللي ينسقون الحفلات يزينون المفاررش احلى شي
وانتي سوي البوفيه او خلي الحريم اللي يزينون البوفيهات احسن لك
ولا توهقين ولا شيء
بلا مطاعم خايسه بلاهم

[طيف آلمزن]

انا صارت معي سالفة من للي يوصل منهم
دقيت اطلب يوم نسي الباردوراح
دقيت السواق بدا يلف ويدور بالكلام المعسول ويبي يستدرجني بالكلام سكرت الجوال بوجهه
نصيحة يابنات خلوا محارمكم يطلبون لانهم شافوا البنات يصيررون قمه الوقاحححححححححححة زيادة على اكله البارد

[ابو وليد المدينة]

اذا الاغراض و الطاولات موجوة عندك وما اخذوها

حطي حرتك فيها

ض1

[أم الوليد]

عذرا المقطع فيه موسيقى
ومطعم كمون الله يديم النعمة
عزيزتي إذا كان عندك بوفيه أنصحك تتعاقدين مع منسقين الحفلات للطاولات والصواني
أما الأكل فيكون من العزيزية أو من أم صالح التويجري أو أم إبراهيم اللي في عنيزه