[O X Y G E N]

عند دخولك لمحافظة عنيزة قادماً من بريدة أو في حال خروجك منها باتجاه بريدة .. يوجد بعد شركة الجميح للسيارات .. اشارة .. تم تشغيل كاميرات ساهر الثابته فيها .. علماً أنه ومن خلال الأخبار ثبت أنه لن يتم تشغيلها إلا بشهر شوال ..

ولماذا الآن تم تشغيلها .. وفقط .. التي بطريق بريدة .. فليش الأخبار تقول شيء ونتفاجئ بشيء ثاني ..


..

[حربي عابر دربي]

مبدئ ساهر هو المباغته

وهي في حالة حرب شرسة مع المواطنين فــ الكذب بالحرب حلال

وبما ان الاخبار مافيها مصداقيةغالباً فــ اتوقع انه تم التحايل - من ساهر - على الاشاعات

وبحكم العداء الاخوي بين بريدة وعنيزة فهم على شان اهل بريدة مايطبون عنيزة وايظاً الخونة من عنيزة الي يروحون يتقضون من بريدة يتادبون ولا يتعودون له مرة ثانية ( يآرب ماتدققون بالحيل على ه النقطة بالذات )

نصيحة لوجه الله ( والله يجعل ثوآبه لي ولوالديني )

طق شطر طون على اللوحة وخلهم ياخذون للسيارة صورة فتغرافية عندهم والا اللوحة ام سيم وريح رآسك

[الفجــــــــر]

اقتباس المشاركة الأساسية كتبها حربي عابر دربي وبحكم العداء الاخوي بين بريدة وعنيزة فهم على شان اهل بريدة مايطبون عنيزة وايظاً الخونة من عنيزة الي يروحون يتقضون من بريدة يتادبون ولا يتعودون له مرة ثانية ( يآرب ماتدققون بالحيل على ه النقطة بالذات )

ههههههههههه

[أم الوليد]

لعل في الأمر خيرة لأهل بريدة

[دربك تدله !]

اقتباس وبحكم العداء الاخوي بين بريدة وعنيزة فهم على شان اهل بريدة مايطبون عنيزة وايظاً الخونة من عنيزة الي يروحون يتقضون من بريدة يتادبون ولا يتعودون له مرة ثانية ( يآرب ماتدققون بالحيل على ه النقطة بالذات )

للحين حي انت وأصحاب التفكير؟ يالله يثبت عقولكم يارب


للمعلوميه ساهر بالاشارات يصور من وراء وقدام

[أبو برق]

إلى الحين فيكم العنصرية
ياأنكم فاضين الصراحة

[هذاك اول]

اقتباس المشاركة الأساسية كتبها حربي عابر دربي وبحكم العداء الاخوي بين بريدة وعنيزة فهم على شان اهل بريدة مايطبون عنيزة وايظاً الخونة من عنيزة الي يروحون يتقضون من بريدة يتادبون ولا يتعودون له مرة ثانية ( يآرب ماتدققون بالحيل على ه النقطة بالذات )

يآ‘حربي منهم الخونه الي بعنيزٍه؟؟

للاسف اني انضر الى قبيلة حرب نضرة عز واجلال

لكن لاتحاول تشوه صوره باسقاطاتك ع ابناء عنيزه الكرام

[دهمان]

تم تثبيت كاميرات ساهر في عنيزة :

بتقاطع طريق الملك سعود مع طريق
الملك عبدالعزيز .

وتقاطع طريق الملك سعود مع طريق
الامير سلطان .

[الهوز]

اقتباس المشاركة الأساسية كتبها هذاك اول يآ‘حربي منهم الخونه الي بعنيزٍه؟؟ للاسف اني انضر الى قبيلة حرب نضرة عز واجلال لكن لاتحاول تشوه صوره باسقاطاتك ع ابناء عنيزه الكرام

ياجنط الرجال يسخر من اصحاب هالفكر

اجل يا كاتب الموضوع حاطين ساهر عشان اهلةبريده

عالم ما ادري وين يقع مكان التفكير في اجسادهم

[manedl]

أنا أشوف كامرات ساهر خساره بمحافظة عنيزه الكاميرات يجب أن تكون بالمدن الكبيره كالرياض وبريده والدمام ومكه فقط .

[هذاك اول]

اقتباس المشاركة الأساسية كتبها الهوز ياجنط الرجال يسخر من اصحاب هالفكر اجل يا كاتب الموضوع حاطين ساهر عشان اهلةبريده عالم ما ادري وين يقع مكان التفكير في اجسادهم

خلك ع الهوز والمجوز بس يآلئيـم

واترك النت عنك وعن اشكالك

[ابـو محمد]

الله يهديكم ياشباب هدو اللعب الله يرحم والدينكم

[ALdoon]

ساهر مو من مصلحة الشعب من مصلحة (صالح كامل ) كرم الله القارئ عنه المهم سرقه عيني عينك ولا وبدون ما يتعب أنت تجيبها له برسم الخدمه لو يطبقون نظام النقاط أفضل لنا ولغيرنا وألحل معه حتى الله يفرجها علينا حط العاكس أللي على أقماع التفاتيش