[مواطن شبة مغترب]

الرافضين لساهر هم الذين لم يتجرعوا صدمة فقدان عزيز أو عزيزة ،، بسبب استهتار شاب اهلكه الله

[kakr]

شف الادب شف الاحترم عند ا شارة المقبره هدوا كل مرتاح احترام الخوف من الفلوس فقط صراحه هذا نضام

[torki]

يا جماعة الخير البعض فاهم الموضوع غلط انا لا ارفض عمل ساهر

القصد ضروري توعية وخاصة لكبار السن انا عندي الوالد مع يعرف نظام توقف قبل ما تلف يمين وكبير بالسن يعني كيف يعرف النظام

انا اقصد توعية


يا اخي الايدز كفانا الله شره له توعية واسباب وتحذيرات حتى الدخان له تحذير لسرطان
على علبة الباكيت


التوعية المقصود في الموضوع فقط وهذا اقل حقوق اي مواطن
مو تجي وتطق عشرين كمرة باشارة بدون تحذير وبدون توعية وكيفية استخدام الاشارة
والقوانين المتبعة في هذا النظام

[حللون]

فك اللوحات وسق ما عندك احد

والمرور لبى قلبهم يقبلون رشوه

قسم بالله قسيمة 500 ريال عشانك ماشي 81 .. ويدبلونه بعد شهر ..

عيال الراجحي حنا ؟؟

ودي اطلع اللي بلساني

وشكرا يا صاحب الموضوع

[هبود ابو عبود]

والله صدق قهررررر

[عايش بهمي]

اقتباس المشاركة الأساسية كتبها مواطن شبة مغترب من يوم طلع ساهر وأنتم تتفلسفون بحجة عدم وجود توعية وتثقيف ،،، ساهر له الآن تقريباً 3 سنوات ، المفروض يكون عندكم دبلوم توعية وتثقيف

ثلاث سنوات ولا ثلاثين سنة هذا ماهو مبرر، كيف تطبق نظام بدون توعية ،وبعدين اي دبلوم وأي خرطي اللي تقوله عنه ، لو ابسألك عن بعض أنظمة ساهر بتقعد تحك راسك مسوي تعرف كل شي، ياشيخ ماشجع على الفساد الا المطبلين واللي لهم مصلحة من وراه
الله يرحم حالنا

[ahleen]

حنا مع الخطوه هذي وضع كاميرات للاشارات
بس من المفترض فيه توعيه للسائقين وفيه تجاربه وبعدين يحددون تاريخ التشغيل الفعلي

وش اللي يمنع لو يكتبون لوحة كبيره عن الاشارة تاريخ التشغيل التجريبي وتاريخ التشغيل الفعلي

[بريداوي .com]

ي حبيبي الي يقول تجربة

انا داقن على 993 ورب البيت يقول لا مافي تجربة يقول تنزل المخالفة قلت صادق انت ؟؟ قال والله انه شغالة

[somah]

لييتهم يشوفون صرفه للفلاش . يآخي يعمي العيوووون ..,,,,

[شمس الفي]

غريبة منكم يامتعلمين
الحين الناس والمتهورين يقطعون الاشارة وتحطون الملامة على ساهر وراه يكفشهم ويصيدهم
ماراح تصحون ياعرب الا لازم كل واحد تجيه مصيبة بنفسه والا بأحد ابنائة او اقاربه من متهور او مستهتر قطع اشارةحتى تمدحون ساهر

[شمس الفي]

اقتباس المشاركة الأساسية كتبها ahleen حنا مع الخطوه هذي وضع كاميرات للاشارات بس من المفترض فيه توعيه للسائقين وفيه تجاربه وبعدين يحددون تاريخ التشغيل الفعلي وش اللي يمنع لو يكتبون لوحة كبيره عن الاشارة تاريخ التشغيل التجريبي وتاريخ التشغيل الفعلي

يعني ماهو المقصود من الكلام
الله اكبر
يعني ماتعرفون انها لاصارت الاشارة حمراء توقف الى الان؟
والله التعامل مع العرب متعب جدا
=========
المجتمع الغربي يتمتع بتطبيق الانظمة
=========
والمجتمع العربي يتمتع بمخالفة الانظمة
ويعتبرها فخر ودرايه
للاسف الشديد

[راعي الفورد]

والله ثم والله إن كاميرا إشارة المقبرة مهب مضبوطة و تفلشر خراص !! وفلشرت علي مرتين مع إني ما قطعت الإشارة و لا تعديت خط المشاة !!! وتقريبا كل دقيقة تصور على البركة وأنا ملاحظ الشي هذا من بداية تركيبها !!!!!!! حسبي الله على الشركة المشغلة اللي ما عنده مهندس يضبط كاميرا ساهر ...
و دقيت على المرور يقول سوي إعتراض !!
أنا مع ساهر وبشدة لكن بشرط إنهم يضبطون كاميراتهم مهب بس تصور على غير يمه !!!!!!!!!

[مالك التويجري]

الله لا يوفق من حطه بالمكان ذاك وشمال بريدة ما به شي وخصوصاً اشارة المعارض كلن يقطعه

[ahleen]

اقتباس المشاركة الأساسية كتبها شمس الفي يعني ماهو المقصود من الكلام الله اكبر يعني ماتعرفون انها لاصارت الاشارة حمراء توقف الى الان؟ والله التعامل مع العرب متعب جدا ========= المجتمع الغربي يتمتع بتطبيق الانظمة ========= والمجتمع العربي يتمتع بمخالفة الانظمة ويعتبرها فخر ودرايه للاسف الشديد

يا اخي شمس الفي
انا قصدي انه فيه ناس لا تعلم انه اشتغلت الكميرات بهذه الاشارة
وبعدين كلنا متفقين ان قطع الاشارة جرم لا يغتفر في حق السائقين الاخرين نحن نؤيد النظام لاكن ماهو بالطريقة هذي ( التوعية اهم شي اذا اردت التفاعل مع النظام ) بعدين اي مجتمع
بعدين من لم يجد كلام مقنع جاء وقال المجتمع الغربي ( سبحان الله ) لكن للاسف الشديد