[بنوته عسل]

السلام عليكم ورحمه الله وبركاته
اختي حبيت اقولك فكرتك ممم والله م ابي احطمك لكنها ابدا مو حلوه
وحبيت اناقش هالموضوع
ابي احلل كل شي قالوا البنات عشان م يكون ردي مختصر زي م تقولين = )
واتمنى م تزعلين ويضايقك هالشي
والفكره عموما سلبياتها اكثر من ايجابياتها :

- نبدأ بأول شي واعتقد انه السبب الاكبر اللي خلاك تسوين هالحمله =)
سالفه الاختلاط ! , حبيبتي خلينا نفكر بمنطق , يعني ع عهد الرسول والصحابه واجدادنا بعهد قريب
السوق ما كان خليطي !!! , اكيد طبعا كان فيه اختلاط انا عارفه بتقولين انه ويننا وينهم
بس من رأيي اللي تبي الحشمه ولا تبي الشباب يجونها الحل اسهل مما تتوقعين
عباة راس والنقاب اللي يجي بطبقه بحيث م تطلع العيون < ي بنآت ترا نص الفتنه بالعين
وان حصل شراب يدين ورجلين وافلقي عيني ان جاك احد ع مسؤليتي
اما المتبرجات فذنبهن ع جنبهن , اضافه الى انه ممنوع دخول الشبآب يعني كثر الله خيرهم

- ثآني شي وأشاروا له البنات قبل موضوع قطع الارزاق : ( واللي تتقول مليانه الوضايف
ع كيفك هي مليانه , اللي عندهم تخصص حلو مالقوا وضايف وش رايك باللي شهادته ثانوي
اكيد بتقولين عادي ينفتح المجال للحريم يعني ماراح نخسر شي , انا اشوف ان وضيفه الرجل
اهم من المرأة لان الرجال قوامين على النساء وهم المسؤلين عن اكلهن ولباسهم
حطي نفسك مكان الشاب اللي ماله الا الله وهالوضيفه ويعول اسره وعنده احلام
(يتزوج - يبني بيت - يكون عنده اطفال) لو انقطع رزقه من وين له ؟
بتقولين لي يصير كاشير ولا سكيورتي , كلنا نعرف ان هالوضايف متاحه بشكل كبير جدا بالمجمعات
اذا سكرنا المجمع ككل اللي يشتغلون فيه وين يروحون ! , ماراح يتسع لهم المجال ببنده وكارفور وطقتهم اكيد

- موضوع العوايل , كلنا نعرف ان المجمع الحين مو مجرد سوق , صار ملاهي ومطاعم عائليه
اذا صار وصار نسائي , هالعوايل وين يروحون ؟ حدايق مثلا ! < صدقيني مرتين للحديقه وتكرهينه :"(
واللي يقولون فساد الفساد الحين بكل مكان

- العري ! , لا احد يستهين بهالموضوع , كلنا نعرف حديث نساء كاسيات عاريات
افرضي وحده اهلها محتشمين طلعت للسوق النسائي هذا مع صديقاتها اللي لابسهن ****
ماراح تتأثر ؟

- لازم نفكر انه فيه بنات مايقدرون يطلعون بدون ابوها او اخوها , هذي وش تسوي بالله ؟
وكلنا نعرف شلون العثيم مهم بالنسبه للبنات = ) , اللي متضايقه عشانها ماتطلع بدون ابوها
انا اشوف انه هذا المفروض , مافي شي يدعو لانك تتضايقين ! , تبغين ابوك يحطك بالمجمع ويمشي ؟
قبل كم يوم رايحه النخيل انا وفيه مجموعه بنات الله يهديهن عباياتهن كتف وضيقه والعيون طالعه
وتعرفون الشباب والحومان حول الساعه 11 , كسرن خاطري خايفات
والضاهر صاير لهم موقف او شي لان كل وحده تقول للثانيه خلي نروح خلاص بنبره خايفه
< تبين يصير لك مثلهن ؟ لازم الوحده تروح مع امها اقل تقدير

- نفكر من جهه ثانيه لو طبقت الفكره , متخيلين شلون بيصير شين , غير العاملات اللي بتجيك
قالفه معها بنت ابوك كلميها , راح يقلب المكان فرشات وقهاوي وجمعات مالها صلاح !
السوق من اسمه سوق -___-

- نقطه مهمه : انا لما ابغى اطلع للسوق مجرد البس عباتي ادخل بكل اريحيه اروح المحل اللي ابي
اشري غرضي وارجع البيت , لكن لو طبقت الفكرة بكره الروحه اصلا
لازم اتروش واستشور شعري واسوي ميك اب واشوف لي لبس حلو واروح تجيني وحده قافله معها
تفتش شنطتي وووو كل ذا وانا رايحه اشري مجرد غرض ! متخيله كيف فكرتك اصلا تسهيل التسوق للنساء , حبيت اقولك انك بتصعبينها اكثر مما انها تتسهل
غير انه بيصير فيه زي المنافسه بين البنات , ومعروفات بنات حواء ماتبي احد احسن منها = )
لو وحده اهلها محافضين وغارت من وحده متفتحه بتخرب صدقوني

- نقطه خارج اطار الموضوع: ي بنات اختلاف الراي لا يفسد للود قضيه
ليش نسب بعض لمجرد اننا مو مقتنعين برأي الطرف الآخر !
وبعدين لاحظت بعض البنات الله يهديها , تحسب انه اذا قلنا مانبي مجمع نسائي
تستنتج اننا نبي الفتنه , لازم نحاول نفهم الطرف الثاني كيف يفكر
ونحط نفسنا مكانه ونحاول نحسن النيه , وكمان اللي معارضه ع شي
تقوله بأدب واحترام , مو لازم يكون اسلوبك فض = )

اقتباس المشاركة الأساسية كتبها khl فكرة جميلة جداً طيب ليش اذا طلعتي خارج السعودية كشفتي وجهك أمام الرجال الاجاني وفي السعودية تطالبين انه يكون المول خاص بالنساء

^ الله يهديك :O
كانك تقولين ان كل البنات كذا !
اتمنى م يكون هذا قصدك


وفيه اشياء كثير يمكن اني نسيتها
حبيت اقول بالنهايه : ماينفع نعالج مشكله , بحل يفتح عده مشاكل
واللي فيه شر وتبرج شره ع نفسه