[aff]

السلام عليكم ورحمة الله وبركاته

مدارس التحفيظ ترفض قبول الطالبات اول ثانوي قبلو 50 طالبه و60 طالبه مانقبلن!!
بسسب اصدار من وزارة التربيه قبول 50 طالبه في التحفيظ فقط؟؟

طيب الحين ليش نص البنات الي زين درجاتهن بالقراءن ماقبلو والي والله انه مقبلولات مب الجميع طبعاا

رحت للجميع مدارسه العاديه عين يقبلنن!! كلهن يقولون زحمه الفصل فيه 40 طالبه ومدرسه ثانيه 44 طالبه بفصل واحد طبعا اول ثانوي

والاهليه,, الاهليه عاد الحين ارتفع رسومه,! وفيه احد ماتقدر ظروفه يدرس فيها

ورحت رئاسة البنات بالزراعي, وكان زحمهه وكلن ينقل وكل الحريم يشتكن جت حرمه ,من الررئاسة البنات وقالت اكتبو خطابات عن التحفيظ عندنا اجتماع مع وزير التربيه اليوم وكلن بدء يكتب كل الي براسسسسه

الحين وين البناات يروحن وكثير اعرفهن مثلي مالقن مدارس طبعا بالشمال؟؟ وين ندرسس كل المدراس الحكوميه ترفضناا ليه ليه مشردين

اتمنى من بنات التحفيظ الي مانقبلن لا بالتحفيظ ولابالعاديه مثلي يطالبن ب وزارة التربيه والتعليم

وين نرووووووووحح وكل المدراسه رفضونا!!! والسبوع ذا اخر اسبوع خلاص ؟؟ والتحفيظ بعد ماارسلت رسائل الا اول يوم مفروض من عودة المعلمات يرسلون علشان كلن يدور له مدرسه الحين خلاص مافيه المدارس اصتكن!! يعني خلاص نفصل مالقينا مدرسسه
قسم بالله ضايق صدورنااا تشتتنا

تمنى ان خطابي بالررئاسة وصل للمسؤلين اواحد مسؤلين وزارة التربيه والتعليم يقرء كلامي هنااا

[هدوء الكون ..]

جبتيها ع الجرح ياختي

اختي عجزنا نلقى له مدرسة ثلاث مدارس رفضوة

مدرستين " الهلال والخليج " يقولون انتوا مو تبعنا

والثالثة " المدرسة العاشرة بالموطأ " تقول ماعندي مدرسات تقول مستعدة افتح لهن فصل رابع (لان اول ثانوي ثلاث فصول ) بس مافيه مدرسات مييين يدرسهن

والاهليات مثل ماقلتي غاليات لو سنه وحده عبرناه بس ثلاث سنين مستحيل ندفع حول ثلاثين الف !!

والله اننا بلشين ماندري وش نسوي واختي ياعمري هي ضايقن صدرة

زودن على انه بتروح لمرحلة جديدة ومواد كثيرة


شوفولنا صرفه وين نودي بناتنا

[toomy]

يقبلونهن العام سوو كذا وقبلوهن. صارن نشبه كل يوم يجن وهن مطرودات وقبلوهن

[aff]

اقتباس المشاركة الأساسية كتبها هدوء الكون .. جبتيها ع الجرح ياختي اختي عجزنا نلقى له مدرسة ثلاث مدارس رفضوة مدرستين " الهلال والخليج " يقولون انتوا مو تبعنا والثالثة " المدرسة العاشرة بالموطأ " تقول ماعندي مدرسات تقول مستعدة افتح لهن فصل رابع (لان اول ثانوي ثلاث فصول ) بس مافيه مدرسات مييين يدرسهن والاهليات مثل ماقلتي غاليات لو سنه وحده عبرناه بس ثلاث سنين مستحيل ندفع حول ثلاثين الف !! والله اننا بلشين ماندري وش نسوي واختي ياعمري هي ضايقن صدرة زودن على انه بتروح لمرحلة جديدة ومواد كثيرة شوفولنا صرفه وين نودي بناتنا

نفسي بالظبط حتى ليته التحفيظ نفعت وودت ملفاتنا ل اقرب مدرس عاديه

[aff]

اقتباس المشاركة الأساسية كتبها toomy يقبلونهن العام سوو كذا وقبلوهن. صارن نشبه كل يوم يجن وهن مطرودات وقبلوهن

قلت كذاا لمديرة التحفيظ قالت العام علشان اول مره يحطون القرار والحين لا مب قابلين

[toomy]

اقتباس المشاركة الأساسية كتبها aff قلت كذاا لمديرة التحفيظ قالت العام علشان اول مره يحطون القرار والحين لا مب قابلين

العام قالو كذا

[صوت البحر]

الواسطة للاسف عندنا فوق كل شي

[ابوجندل]

في الطائف قبل يومين رفضو 47 طالبة واجتمع الآبأء ورفعو خطاب تضلم الى مدير تعليم الطائف
والمصيبة أنه ليس من حقهن أستبعاد أي طالبة قدمت من تحفيظ القرآن ,,

وإلى من رفض قبولها لآ تتوقفي عند بآب المديرة وقرآرتهآ المزآجية
إتجهي إلى شؤون الطلاب في الإدأرة , إلى مدير شؤون الطلاب !! إلى مدير التعليم
المهم أن لآيضيع حقك ,,! درستي ست سنوأت أبتدئية وثلاث متوسطة, تسع سنوآت وبعدها يأتي من يقرر ويستبعد ويقبل ع مزأجه من غير حق

أقرب مدرسة إلى البيت من حقك أن تدرسي فيهأ , والدولة وضعت في كل حي مدرسة لتوفير رآحة الموآطن .. ولو كآن هناك طالبة من خارج الحي او طالبة أجنبية من جنسية أخرى تنقل ولك ألحق في المطالبة بنقلها اذآ برر قبولك بعدم وجود مكان لك لإنها ليست من الحي أو انها أجنبية المهم أن تبقى مدرسة الحي لإهلها السعوديين وحتى لو برر قبولك بنقص في المعلمات والفصول ليس لهم الحق في ردك مهما كانت المبررآت ,


هذا هي شروط من وزارة التعليم لمن يجهلها

[حره ع كف صقار]

حتي انا بنتي في اول متوسط وارفضينها المشكله نسبتها ٨٥
والله حرام ولاوازيدكم من الشعر بيت قابله طالبات ضعيفه
والله حرام حسبي الله وهو النعم الوكيل

[حيائي بحجابي]

حسبي الله ع من طلع القرار
المفروض يشجعون البنات ع الحفظ مب يطردونهن
اخيتي الى الحين تبحث عن مدرسه وكل مدرسه تطرده
وضااايق صدره وتحسب الله عليهم

[حره ع كف صقار]

حسبي الله عليهم

[bocy]

هو الصدق انه قهر
بس اذا ماقبولك لك الحق تدرسين بمدرسة الحي واذا رفضت المديره انه تقبلك وتجلس تتحجج انة مالها مكان ع طول روحي للارشاد وعلميهم بالسالفة ترى كثير تصير لنا هالسالفة وبعدها المديرة من ورى خشمه تقبل

[وجل!]

السلام عليكم

نفس المشكله انا رفضوون المدرسه الثانيه التحفيظ بالصفراء رحت لثامنه عشر بسلطانه عاام قالوو مالنا دخل بك وهي محوله مطوره روحي لثامنه بمشعل (المنار ) الحي الذي تسكنين فيه قالو زحمه ومحوله مطوره اارسلونا لي التاسعه عشر بالمنتزه قالو مانقبلك لاننا ماعندنا لك نقل وحولونا ل السابعه بحي الزهره ورفضوون
اولا المدرسه الي عنده ملفي هي الي تدبرلي مدرسه
ثانين حناا محتاجين مدرسه تحفيظ ثانوي للمنتزه الشرقي والمنتزه الغربي وحي مشعل وحي الوزير وحي الزهره
سؤال ارجو تجاوب عليه التربيه والتعليم اقعد بالبيت طيب مستقبلي ؟!

[ابوجندل]

اقتباس المشاركة الأساسية كتبها ابوجندل وإلى من رُفض قبولها لآ تتوقفي عند بآب المديرة وقرآرتهآ المزآجية إتجهي إلى شؤون الطلاب في الإدأرة , إلى مدير شؤون الطلاب !! إلى مدير التعليم المهم أن لآيضيع حقك ,,! درستي ست سنوأت أبتدئية وثلاث متوسطة, تسع سنوآت وبعدها يأتي من يقرر ويستبعد ويقبل ع مزأجه من غير حق أقرب مدرسة إلى البيت من حقك أن تدرسي فيهأ , والدولة وضعت في كل حي مدرسة لتوفير رآحة الموآطن .. ولو كآن هناك طالبة من خارج الحي او طالبة أجنبية من جنسية أخرى تنقل ولك ألحق في المطالبة بنقلها اذآ برر قبولك بعدم وجود مكان لك لإنها ليست من الحي أو انها أجنبية المهم أن تبقى مدرسة الحي لإهلها السعوديين وحتى لو برر قبولك بنقص في المعلمات والفصول ليس لهم الحق في ردك مهما كانت المبررآت , هذا هي شروط من وزارة التعليم لمن يجهلها

لآ تستجيبوا لرغبآتهم ..