[أوتار الفرح]

بسم الله الرحمن الرحيم
السلام عليكم ورحمة الله وبركاته...
اولآ شكر خااص لصديقتي أوتار علي المعرف(((.. يازينه ذا الانسانه

اولا يشهد الله اني كتبت الموضوع..
بكل كلمه صادقه فيه(..
انا بثاني جامعه أن شاءالله بحج وحجزت وخلاص اني بحج
طبعا راح أحج
مع أخوي وخالتي
المشگله اني خلقه أنا انسانه خواافه ( لاني قد ضعت في مكه يوم كان عمري 10 سنوات
.. من ذاك الموقف خلاص تعقدت
السوق مانزل لحالي
المستشفي لازم أمي تروح معي
.. ماقعد بالبيت لحالي
حتي بالجامعه ماأحب اقعد لحالي
حتي لو اروح مع اخوي للمحل ونزل
ماخليه ينزل من الخوف اللي فيني

( انا الحين اخاف اضيع في مكه
حتي بالايام اللي نعتمر فيه يد ولد اخوي ماتركه
لين امسك يد اختي لو الصغيره
انا خايفه اضيع بس قاعده احاكي نفسي لو ضعت صدق معي جوال متعلمه
خلاص ليش اخاف
بس مع ذلك انا خايفه
(؛) ودي تراجع ماأحج
بس الي متي وانا من الثانوي اترجع عن الحج
اتمنا اجد حل(...

[فخر القصيم]

الحل يأخذونك للسوق ويخلونك تضيعين ..
وبعد ما تجربي الضياع و تتغلبين على اوهامك والقلق
طلعي الجوال واتصلي عليهم قولي ضعت وينكم ..
وتتقابلووون و تتعنقون من جديد
شفتي كيف ..

المواقف السابقة تظل عالقه بالعقل الباطن فيحولها لهم وكوابيس
كحالة الطفل مع الغرق او النار
فيكبر على الخوف من ذلك الشي ...

واذا ما تعامل معه من جديد بيظل يخشاه
لان له موقف سيء سابقا ..


تروحين وترجعين بالسلامة
وحج مبروووور يارب

[نمارق]

وعليكم السلام ورحمة الله وبــركآتــه ..
أوتار الفرح

نصيحهـ ..تعوذي من أبليس وحجي فررصه لك
والأوهام هاذي كلها من أبليس مايبغاك تحجي
أقهريه وحجي
توكلي على الله , والله سبحانه كافي عبده
أستودعكـِ الله أختي تروحين وترجعين بالسلامه
وحج مقبوول
ولاتنسينا من دعوآآتك

[سعوووودي]

اختي اوتار الفرح

هذي فرضه لك

منها حج السنه هذي ان شاء الله ومنها تحدي لنفسك

فقط لا تفكرين بشي وتوكلي علئ الله

وتعوذي من ابليس

وهذي الفرصه لك علشان تكسرين حاجز الخوف عندك

والله يستر عليكم ويوفقكم

[أوتار الفرح]

( الله يسهل أمري وأمر گل مسلم)
الله يجزاكم خير علي ردود

[نديم الهوى]

لا تخافين الحل موجود :

جهة بيدك والثاني بيد أخيك وبكذا نظمن إنشاء الله أنك ما تضيعين وترجعين لنا سالمة ..

[قلبي على ديرتي]

الاخت اوتار الفرح وعليكم السلام ورحمة الله وبركاته
بالنسبه لخوفك خوف طبيعي بس انه يزيد عن حده بيصيبك بالعقده طبيعي انك ضعتي وانتي صغيره وخفتي والان انتي ماشالله كبيره ومثقفه تقري وتكتبي يعني اتكلي على الله وفكري انك لو رحتي وضعتي وش المشكله بيكون معك جوال بتكلمي اي واحد من اهلك فرضنا مامعك جوال بتكوني حافضه ارقام اهلك وتتصلي من اي شخص او من كابينه بعدين بتقري الوحات وتعرفي انتي وين وبعدين لاشك انه عقلك وتفكيرك احسن كثير من يوم ضعتي وصدقيني لو رحتي الان بتغير عندك شي كثير وبيكون طبيعي جدا وبتضحكي على نفسك ذاك اليوم وتذكري ايام الدراسه اول ماندخل المدرسه نبكي بس لو مارحن كان تعقدنا وجلسنا في البيت,

[الهمس]

اوخيتي اوتار هذه حاله يشابهك فيها اناس كثر رجال ونساء جربي الصلاة في اول وقتها لمدة خمس وعشرين يوم وركعتين قبل الفجر
لمدة تسعة عشر يوما وقراءة وجه واحد من المصحف مدة اسبوعين ثم زيدي منه حسب الطاقه وغذي روحك من الاذكار والاوراد فان الروح تحتاج كما يحتاج البدن وبعد اكمال العلاج عودي الينا للمراجعه والمتابعه وما قدامك الا الخير

[O X Y G E N]

طبعا للتوضيح .. الحالة الي تمرين فيها .. حالة طبيعية جداً .. وهي مجرد قلق بسيط .. ويسمونها بعلم النفس .. التفكير المستقبلي الذي يجلب أسوء الإحتمالات ..

بمعنى أنك جالسه تفكرين بأشياء مستقبلية مابعد صارت ولكن بتفكير سلبي يعني تفكرين إذا ضعتي ماتفكرين أنك مو ضايعه ..

أكيد لما تجيك هالحالة تحسين : أطراف يدينك تبرد .. وازدياد دقات القلب .. وازدياد العرق .. وتحسين بتعب وارهاق وخوف ..

على فكرة هالأشياء موجودة عند الكثير واسئلي البنات الي توهم متزوجات وأول ليلة كيف كان الخوف والأحاسيس ..

وأنتي صارت معاك بناءاً على ايام الطفولة واللحظة الي ضعتي فيها ، فدايركت العقل أضافها ضمن القائمة السوداء ..

الحل :

الموضوع كله يحتاج إلى تعديل أفكار فقط لاغير ومواجهه .. وأنتي عارفه أنك على خطأ بس تتغير افكارك وتجيك هالحالة اذا صرتي بالأمر الواقع أحياناً وخصوصاً إذا تذكرتي وانتبهتي .. مثال على ذلك : تحصلين أخوك ينزل من السيارة وانتي ناسيه الموضوع فجأة تذكرتي .. تقولين يؤؤ تروحين تركضين وراه بس لأنك تذكرتي .. إذا هذا دليل على أنه ممكن تنسينه إذا مافكرتي فيه ..

على فكرة ، ترى الحالات هذي كثيرة .. فيه بعضهم يخاف من الإرتفاعات وفيه من الخدامات وفيه من السيارات اذا سوا حادث وفيه من الإختبارات وفيه بعضهم من الصراصير ماسمعتي المسرحية الي تقول ( ياي دنا بخاف من السورسار هه ) حتى هتلر الي يفكر يملك العالم كان يخاف من : الأماكن المغلقه .. والخوف هذا يروح إذا تجاوزتي المشكلة يعني اذا صار معك أحد .. وهالشي اذا جاك طبعا تحسين انه بيستمر معاك طول العمر .. فهذا طبيعي بس ماعليك ماراح يستمر اذا عدلتي الأفكار .. ويمكن تأجلين أكثر من مرة لسبب إنه كل ماجت روحة مكة قلتي يؤؤ يمكن تشوفين غرفتك وتقولين خلاص ماراح ارجع لك << مثال .. يعني كانك رايحه للموت مو رايحه تحجين وترجعين هه ..

أخيراً ..

إذا تبغين هذا الشي يروح فكري بتفكير سليم يعني كل شي مكتوب بهالدنيا بيجي تضيعين ولاتتغبين مع اخوك يبي يصير يبي يصير المكتوب .. الشي الثاني .. تفائلي بالخير .. وحطي لك أمال بأنه اذا سافرتي يوم الأثنين مثلاً أنه ماراح يجي السبت الا أنك بالبيت .. حاولي بقدر ماتستطعين تشغلين نفسك إذا جتك هالأفكار .. جوال وبرامج .. على فكرة راح يحسسونك فيها لأن الي حولك تعودو أنك خايفه من هالشغلة فلايهمونك حسسيهم أنك غير مهتمة مثلاً اذا أحد صوت وقال يافلانة موجودة وزي كذا لاتقعد تضيع حاولي تردين بثقة .. حاولي تثبتين ثقتك بنفسك وعند الجميع وتروحين للمكان بلحالك .. بس طبعأً الاماكن الي يكون فيها البنات .. مثل الأسواق نزل أخوك مالها داعي تلحقينه فيه شي بترجعينه بالسوق روحي بلحالك .. اطلبي منهم يجلسون وروحي .. وأخيراً أخيراً اخيراً .. لاتعطي الشي أكبر من حجمه عشان ماياخذ من حياتك أكبر من حجمه .. وهالشي طبيعي جداً جداً جداً فلاتحطينه أحد همومك ..

[أوتار الفرح]

oxygen
الله يجزاگ خير
علي كلمه...
قسم أني أقتنعت
( أبشرو بدعآء بيوم عرفه
)

[درع القصيم]

لو تمرين طبيب نفسي وتشرحين له حالتك مؤكد راح يجد لك حل ..

الله يبعد عنك الخوف

[roosh]

ليت من راح معتس إلى الحين م أفرضت
كل ماقلت لابوي يقول لأعرستي يحج بتس رجلتس
موفقه يارب ،وا دعي لنا تكفين ()

[أوتار الفرح]

اني غردز( ياحبي لگ
أبشري بدعآء خآص لكي
)

[!aspirin~~أسبرين!]

والله اني حكيم بالعادة
بس امام مشكلتك العويصه وقفت حائرا
يمكن لاني مابعد حجيت يالله التوبه

الله يعينك