[O X Y G E N]

اقتباس بإسمي وإسم كل شرفاء وعقلا بريدة نتبرأ من فكر ومنطق وضيق نظرة صاحب هذا الموضوع ومن جاراه بالطرح من بريدة وعنيزة ونعتذر من شرفاء وعقلا عنيزة ونرجو ان لايجرهم مثل هذا الطرح للنزول الى مستواه مايضيف لبريدة يضيف لعنيزة والعكس صحيح نعم بريدة بحاجة اكثر من فرع لكن لايعني ان لايتم إفتتاح فرع بعنيزة الا بعد ان يتم افتتاح اخر ببريدة قد تكون اسعار الاراضي في بريدة هي من حالت دون إفتتاح الفرع حتى الان واتمنى من ادارة المنتدى المبادرة بحذف مثل هذه المواضيع التي لاتضيف للمنتدى بل على العكس تسيء له وللاسم الذي يحمله

بأسمك سو الي أنت تبي .. بس باسم غيرك ماهو من اختصاصك الله يصلحك .. ولاصرت ماعندك غيرة على ديرتك فيه غيرك عندهم حب أنه الديرة تنافس وتكون الأفضل .. ولاتجلس تقول أشياء ماقلناها ..

أولاً .. ماتحدثنا عن أهالي عنيزة ولاسبينهم ..

ثانيا ً.. الخلاف صحي جداً وهو كل شخص يحب ظهور منطقته بالمظهر الرائع ومن ضمن هالاختلاف ( ماك ) سبب افتتاحه فرعين بمحافظة ( عدد سكانها صغير ) ويتجاهل المدينة الي سبق وأن وضعت مواضيع عديدة .. فالخلاف هذا يحط استفهامات ..

رابعاً .. اهالي الشرقية يطالبون أشياء موجودة بالرياض واهالي جدة كذلك ، أما مسئلة تلف وتدور بالموضوع وتحط عقلاء ومجانين ونقدم اعتذار ومن هالكلام .. ماظن أن أحد سمح لك تحدد مين العاقل ومين المجنون ومين الي معاه الحق ومين الي مامعاه الحق .. وعلى فكرة ترى فيه مشاريع عديدة وبالملايين المفروض وجودها ببريدة وتتواجد بعنيزة .. ومن قديم الزمان ومثال على ذلك .. معهد المراقبين والمساحة والرسامين .. كل عيال بريدة يمحطون لعنيزة .. ومثل هذا المعهد المفروض يمشي مع تصنيفات المناطق بأن الاماكن الرئيسية تكون بالعاصمة والفروع تكون بالمحافظات .. بعد رح أنقل مديرية الصحة بالقصيم وحطها بعنيزة .. ماتجي ياحبيبي لأن كل قطاع له تصنيف المديرية أ والمركز الصحي ب ..إلخ وله ميزانيته ومؤثر على القطاعات الأخرى .. مانقول شي كلنا وطن و1حد ولكن التصنيفات موجودة بعد رح جب الوزارات بالرياض وحطها ببريدة ؟ هي تجي .. ماتجي ..

[الزلفاوي99]

هل سألتم أنفسكم لما يفتح في عنيزه قبل !
هل الجهه المختصه في بريدة بمنح التراخيص تكون مرنه معهم ولا تعرقلهم !؟

المطاعم والشركات لا تعترف في مدينه أو محافظه هي تبحث عن الأكثر ربحيه لها
وإن وجدت عراقيل أو تطفيش تركت المدينه أو المحافظه ؟

------------------------------------

[O X Y G E N]

اقتباس انا اليوم اكتشفت إن أكبر همنا بطوننا ووش بناكل .. راح أقولكم وجهة نظري بشكل محايد بما إني 0 عنيزاوية وطالبة جامعية ببريده يعني يومياً اجيكم أولاً : ماكدونلدز قبل كل شي لحد يقارن ماك عنيزة ببريده لأن .. 1- فرع عنيزة صغير جداً ومساحته لا تقارن بمساحة ماك بريده 2- عدد الطاولات قليل وكل طاولة أضوق من الثانية والممرات ضيقه 3- ماك بريده واسع جداً جداً والطاولات كثيره ومتنوعه فيها الحجم الكبير والصغير 4- فرع بريده زبائنه غالباً من بريده أما فرع عنيزة فهو الأقرب لغالبية مدن القصيم 5- رغبات السكان في كل مدينة يختلف عن الأخرى من تجربتي .. بشكل إسبوعي لازم أمر على ماك بريده مرتين بالاسبوع تقريباً بحياتي ماجلست أنتظر طاولة تفضى أو حتى طاولة تنظف ودائماً السواق يوقف بالمواقف الضيقه ويدخل ويطلع بكل سهولة يعني مافيه ضيق أو زحمه حتى طلبات السيارات ماتزيد عن 5 سيارات للمعلومية أنا رحتله بأوقات منوعه الصبح الظهر الليل بكل وقت مازال على الطعم القديم نجي لماك عنيزة أروح الظهر وإلا أروح بالليل ما أشوف مواقف بنده من كثر زحمة السيارات الي على ماك يوصل صف السيارات للساعة من كثرته أدخل لقسم العوائل ما أقدر أمشي من كثر الناس وكثر الي واقفين انتظار وكثر الي يطلبون حتى السواق يرفض يروح لماك عشان يجيبلنا طلبات نتصل عليهم عشان يوصلون يقولون زحمه مايصيرون فاضين إلا المغرب الطعم تغير ماعاد مثل أول .. بالنسبة لي لما اشتهي ماك أقول امشو نروح لبريده وإلا أتغدى منه إذا طلعت من الكلية ثانياً: عنيزة أحلى ومدري ايش !! لاتضحكون على أنفسكم صحيح عنيزة أحلى من ناحية الشوارع والطرق وغيرها لكن عندنا وعندكم خير بعد أنتم تعلموا تسوقون قبل عشان يضبطون ششوارعكم أما من ناحية كل شي عندنا لاتقعدون تتخيلون شوفوا كم مطعم هندي عندكم .. دام تفكيركم بالمطاعم !! وشوفوا كم مطعم صيني .. إيطالي .. وغيرهم الطازج فرعين .. الداجن فرع كبير وحنا ماعندنا ولا واحد منهم وإذا بتحسدوننا على بيتزا هت وع مانبيه تعالوا خوذوه تراه مقرف ووصخ وعمال يعصبون عليك ويطردونك من المطعم من قلة أدبهم وماعندهم كل الوجبات وينظفون بأدوات وصخه يعني تقعد على الطاولة تشم ريحة شي ( مدود ومقرف ) نرجع ... كم كوفي وكم مشغل وكم مكان نسائي !! حنّا لا يجون يفتحون شي يخص النسائ تصير بلاوي الدنيا بعنيزة وكل شي حرام وكل شي ممنوع مستشفى الحبيب عندكم فندق الموفنبيك عندكم .. يعني حنآ حتى فندق راقي وعلى سنع مافيه كل المكتبات الي توفر كتب الجامعات وغيرها عندكم نوادي صحية نسائية برضوا عندكم حنا كل شي تابع لعيادات ويجيب الهم وش بعد !! ايه أهم شي والي أعاني منه .. انا ليش يومياً ببريده ؟ لأني أدرس بقسم مو موجود إلا ببريده طيب ليش ببريده مع إن ثلاث أرباع الطالبات من عنيزة والرس والبدايع والمذنب ؟ ليش مايكون بعنيزة بما إنها متوسطة بين مدن القصيم ؟ بنات الرس المساكين يمشون 40 كيلوا لعنيزة بعدين 30 كيلوا لبريده يعني 60 كيلوا كل صبح وكل ظهر مو بس قسم القانون .. قانون + رياض أطفال + علم نفس وأفضل المعاهد التعليمية والتدريبية ببريده الجامعات الأهلية كلها ببريده حتى المستشفيات عندكم اكبر من عندنا المستشفى التخصصي .. ومستشفى الولاده والأطفال تعالوا لعنيزة شوفوا مستشفى الملك سعود قسم الولاده والاطفال بملحق كبير برا المستشفى وجميع الأقسام بمبنى واحد مع غرف المرضى وأنتم فاصلين الاقسام مع إن مبانيكم كبر مستشفى الملك سعود بأضعاف مضاعفة يعني إذا بتقارنون .. قارنوا بالعقل رجاءً مشكلتكم تشوفون الي ماعندكم ونحتاجه حنا .. وماتشوفون الي عندكم ونحتاجه أكثر منكم .. الي فاتح الموضوع وغيره من المؤيدين تعالوا عيشوا شهر عندنا وادرسوا ببريده وراح تحسون بالفرق والنعمه الي عياشين فيها - بالنسبة لمقاطعتكم قاطعوهم يمكن يحسون إنه محد يجيهم ببريده ويسحبونه عندنا ويصير ثلاث فروع بعنيزة بالنهاية اقولكم لاتصيرون بزران أجدادنا فرقوا بيننا وحنا بنفرق بزراننا ونعلمهم الحقد والبغض والحسد والله عيب يعني أجدادنا كانوا جاهلين بعض الشيء حنا نصير مثلهم ؟ تفكير قديم ومتحجر ومتخلف ؟ المفروض نسعى إن محافظاتنا تكون مدينة وحده تسمى القصيم مو كل واحد لما نسأله من وين يقول من عنيزة من بريده من الرس ..؟ واذا قال ايه القصيم تقول لا من عنيزة ونستمر بالتفكير والسؤال والمناقشة والجدال مين يمط .. عنيزة وإلا بريده ؟!

المقارنة بماك عنيزة وبريدة واضحة جداً .. وضوح الشمس .. افتتاح فرعين بمحافظة عدد سكانها قليل والبقاء على واحد ببريدة هذا يدل على أنه يوجد خلل واضح وصريح من الشركة المستثمرة لاسيما وأنه العمى يدري لما نسئله ونقول : أيهم أفضل لبناء مطعم إستثماري هل لمدينة عدد سكانها كمثــــال : 600 ألف نسمة ولا محافظة 60 ألف نسمة فإكيد الاجابة بتكون الست مية ألف ..

مسئلة أن الكراسي ببريدة أربع وعنيزة ثلاث أو الطاولة هناك ثنتين وهنا خمس هذي اشياء بروتينية وممكن توسعتها مع الوقت ولكن الطوابير والزباين وخصوصا طلبات السيارة والي عليها ضغط والي ينطق الواحد ساعة ساعتين ..

الشي الثأني أن بريدة يتوفر فيها قطاعات حكومية كبيرة ومدارس وشباب عزاب واضفي على ذلك دخلاء المناطق الأخرى الي استقرو ببريدة والي متعودين على مطاعم ماك .. والجماهير وقت المباريات خصوصا اذا كانت مبارة قوية والله ماك يوقف السرى وعندنا محافظات مثل عيون الجواء والبكيرية والبصر و و و و .. أما انتم يجونكم البدايع والمذنب ..

أما المطاعم الثانية فجرت العادة وجود المطاعم الرئيسية بالعاصمة وبعدين تفتح فروع بالمحافظات .. ولما نجي للمطاعم الهندية فهي موجودة وهذا مبناه موجود بالفاخرية وعلى فكرة مبنى رئيسي مو مثلنا مستأجر ..

ومسئلة تقولين تعالو عيشو عندنا وشوفو المقارنة بالعكس .. أنا أشوف انكم مرتاحين من ناحية الأسعار والمحافظة الصغيرة ممكن السيطرة عليها .. وايضا الزحمة .. واما المستشفيات فعليها ضغط ولاتعتبر خدماتها خمس نجوم حتى لو توفرت .. نرجع ونقول المقارنة بين بريدة وعنيزة فيها فوارق كبيرة وهذا الي أنا اقوله .. بريدة اكبر وعاصمة وعنيزة أصغر من بريدة ومحافظة .. وتجي المطاعم الي همها الإستثمار تفتح أكثر من فرع بمباني رئيسية وحنا فرع واحد .. شي يفتح ألف علامة 1ستفهام ........!!

والمقاطعة راح تتم مع الوقت ويكفي أن الموضوع يصل إلى المسؤولين بقسم الاستثمار بماكدونالدز عشان يشوفون أن أهالي بريدة ليسو همجيين ونايمين ، ولعلى وعسى أن الموضوع يفتح أعين الكثيرين والمسؤولين عن ماذا يحدث كي لايتفاجئو بالمستقبل وجود الشركات العالمية والكبرى بالمحافظة والفروع بالمدينة ..

اقتباس اا حبيابتي العنزاويات الي داخلين عررض بالعافيه عليكم فرعكم الثانيه وهذا مووب سالفتنا .. واخررر همومنا وش فتح عندكم وش مافتح .. اقري الموضوع زين انتي وياها نتكلم عن بلديتنا الداجه وكيف تطيٌر المشاريع من بريدتنا .. عتبي على بلدية بريده .. ؛( موب بس عشان ماك عشان اشياء واجد

ماك يعتبر نقطة من بحر من الاشياء الثانية .. ماراح اتكلم عن طرق وشوارع مالت اتجاهاتها وماراح نتكلم عن شركات كبرى ومؤثرة مثل موبايلي والبلاد وبخلي المطاعم ماني قايل وين برجر كنق والبيك ابذكر فقط ماك لأنه انتهى من مبناه عشان نكون على بينه .. والله يستر من الجاي لابكرى بعد بيوتنا تصير هناك ..

[O X Y G E N]

اقتباس فعلآ كلآم أخوي عبدالله سليم 100% لو فتح 10 فروع مآكدونآلدز ببريدهـ هل ستصبح بريدهـ الأفضل .؟ لو نظرنآ إلى أهم الأشياء باالمدينة تجد عنيزهـ أفضل من بريدهـ فيهآ وأهمهآ الموآصلآت بكل اختصآر عنيزهـ يمتلكون النظرهـ المستقبلية السليمه وحنآ نآيمين للأسف .. وأذا جت على المطعم المفروض من زمان مقاطعينه عشآن تفهم إدآرة المطعم أنه مجرد مطعم ولآ به زود بس لآ حيآة لمن تنادي

وعشان بنظركم عنيزة أفضل من بريدة شوارع .. نظل صامتين ونقول راحت علينا .. وخلاص افتحو الي تبون هناك ..

لا بعد أنا بالمستقبل عندي عيال ويهمني وجود الاشياء قريبة لسكني لأني ساكن بالعاصمة .. وش الي يخلي الناس تتجه وتكون قريبة من العاصمة الا الخدمات .. فإذا راحت الخدمات راح السكان ..

[ابو سراج 1]

بريدة عدد سكان مليون و ليس 600 الف

[O X Y G E N]

اقتباس ما أدري وش يميز ماكگ عن المطاعم الثانية تقل ما ببريده غيره على الزحمممة والي يقهر شوي الظهر والله ياهم رايقييين يطلبون :s والسرى وأصل الإشاره الثانية المطعم الوحيد الي عليه هالزحمة مادري وش السر فيه :s يعني الحين لوقفوا شوي ينتظروننا فزعوا الدنيا بس وقفهم بماك وشف الصبر على أصوله :s يالبى كودو بسس ()

يتميز بأسعاره طبعاً وجودة الطعام وبأنه متوفر بجميع دول العالم فيعني إذا الشخص أدمن عليه مايتوهق اذا سافر .. وعلى فكرة ميزة الأسعار تدخل في إذا لاسمح الله أرتفع فيكون ارتفاع دولي ..

وايضا الوجبات الي يقدمها .. ولاتنسين حاجة مهمة وهي أن الأصناف تكون من صناعة خارجية وبالغالب والي اشوفه أنا الآن أن الصناعات الخارجية أصبحت أفضل من الصناعة المحلية خصوصا بجودة الأكل ..

ولا أنسى الايسكريم ايضا مميز ..

وعلى فكرة الموضوع مو بس أنه ماك فتح ثاني .. الموضوع لفت انتباه للجميع أنه ياليت تلحقون على الشركات والمؤسسات المطاعم وغيرها الي قامت تنحاش من بريدة باتجاه المحافظات .. والبحث عن الأسباب وماك أكبر دليل لافتتاحه فرعين بمحافظة وفرع واحد بمدينة وهذا بحد ذاته يدون ألف سؤال وسؤال ..

[أم جوانا]

بالفترةالأخيرة(ماك)أصبح يقدم الوجبات يصخنهابالمكرويف ومع ذلك لانزال أأغبياء
_مومثل أول _لو يغلق اللي ببريدة أحسن

[عنيزهـ]

السلام عليكم

مساء \ صباح الخيرات على الجميع

شخباركم ان شاء الله تمام

حبايبي انا من عنيزه و احب اعلق على بعض الاشياء

لكن قبل ان ابداء في التعليق بقولكم شغله ( حدث العاقل بما يعقل )

ياجماعه الخير حنا الحين نبي ندخل 2013 وانتم بريده و عنيزه !! ابي اعرف ليه الحسد والحقد و و و ؟؟!

ع العموم تعليقي باللي يقول بنك البلاد فتح اول فرع بعنيزه و اساسي و مدري ايش

صاحب بنك البلاد ابراهيم عبد الله السبيعي من سكان عنيزه و هاذا ماله و هو حر يفتتح في اي مكان يريد او تبي تشاركونه حلاله ؟؟؟؟!!

و اذا بتسون مقاطعه لماك ماحد ماسكم قاطعوه بكيفكم لكن لا تتكلمون عن عنيزه فيه مليون مدينه بالقصيم فاتح كذا فرع ليه ماتكلمتو ؟ ولا عشان عنيزه فتح و صار موضوعكم الفرع و عنيزه

الله يهديكم بس ويكبر عقولكم عن الامور التافهه

اخوكم : عبدالله

[اللهم اغفر لنا]

[quote=أبو إياس;3514867]لست من مرتادي المطعم لسبب بسيط إنه ما عندي استعداد آقف ساعة عشان خبزه والخيرات والنعم بكل محل ,,
لكن أنا مع صاحب الموضوع بأن هذا يبين حجم التخبط والفساد والمحسوبية بأمانة المدينة أو البلدية وأن شغلها الشاغل إغلاق مسارات الشوارع لأجل حفريات وبقائها سنوات وما مشروع البحث عن الكنز المفقود بطريق الملك عبد العزيز ( الخبيب ) بجوار مصانع الأثاث والألمنيوم عنا ببعيد ,,

بلدية بريدة شغلها الشاغل تعقيد المواطنين من غير أهل الواسطات في استخراج تصاريح المحلات ,,أو اوضع اشتراطات عقيمة لا تقدم ولا تؤخر في عجلة التنمية التي تدعي انتهاجها

بلدية بريدة شغلها الشاغل استحصال رسوم أجور اللوحات الكبيرة والتي تضفي جمالا في شوارع البلد وأن حركة تجارية فيها لنتفاجأ بأن صاحبها قد قلص حجمها لتظل مشوهه ,,

وأقولها بكل صراحة

تحيا بلدية عنيزة التي جلبت المستثمر بطريقة مشوقة له والتي جعلت شوارعها وطرقها في حلة بهية من حيث الإنارة والتشجير الحديث وتحيا بلدية عنيزة التي وضعت برنامجا لا يخضع لمحسوبيات لمتابعة محلات الوجبات السريعة من حيث الجودة والخدمة والتي عززت من حلقات التواصل بينها وبين من تحت أيديهم من الأهالي ,,

وأخيرا تحيا بلدية عنيزة التي ليس للحسد والمحسوبية والحقد اعتبار في سياستها ,,

وهنيئا لأهاليها بتلك العقول النيرة


والله من وراء القصد[/quot

اناا مع ابو إياس كلااام سليم وصحيح مية بالمية

الخلل مو من ماكدونالدز الخلل الكبير في بلدية بريدة الخائبة جدا جدا جدا

[الزنقب]

كان همك بطنك ما بك اعبايه ..

شكر لك على الاهتمام بــ (( اخبارالمطاعم والطعام ))

اهم شي في الحياه (( البلع .. والعلك .. والطحن .. وتحريك الضرس ))



يبدو ان حصه البطن مسيطره على تفكيرك الثاقب المحطم للرقم القياسي

في الافكار الجباره والممتازه التى ترفع سقف الثقافه ..




بريده لم يفتح فيها فرع ثاني وعنيزه فتح فيها فرع ثاني وعندهم مطاعم ..

وهل هذا موضوع .. ؟؟؟

مطاعم واكل ومضغ ووعلك .. مالك هم بالحياه الا تحريك الضرس يا عبقري ..؟؟



سلم لي على (( الشحم )) الذي يكتنزه جسدك .. وعلى (( البلع )) الذي تفضله

نفسك ... اهم شي (( ان نأكل )) مو كذا يا حكيم زمانك ...


اسألك بالله .. كم وزنك يا حيلوه ..؟؟؟

ماهي تضاريس جسدك .. اتوقع مطبات بسبب الاكل من الوجبات السريعه ..؟؟؟

[ابو دفاش]

اخوي السبب بعدم فتح الفرع الجديد ببريده

ان فرع عنيزة يجيه زباين اكثر والي راح هناك يدري وش اقصد

فرع عنيزة اغلب زباينه من الرس والبدايع

وخصوصا سكان الرس سردادي مردادي لعنيزة عشان ماك

والرجاء التفريق بيت عدد السكان وعدد الزبائن

هذا بخصوص ماك

اما باقي المطاعم فسمعت والله اعلم ان بلدية عنيزة تعطي بعض المطاعم والشركات الارض بنص السعر عشان يقتح عنده

تقبل ودي

[المجربع]

اقتباس المشاركة الأساسية كتبها د.مصرقع انتم للحين بريدة وعنيزة؟؟ بالله ماتستحون فشلتونا؟؟ وش الفرق بين بريدة وعنيزة؟؟ اتوقع لو ماكدونالدز فاتح ثلاث فروع بعيون الجواء ماضاقت صدوركم بس انه يفتح فرعين بعنيزة وبريدة مافيها الا فرع فالموضوع كبير وخطير قسم بالله اننا بالشرقية ما نشوف هذا من بريدة وهذا من عنيزة واللي يسألنا من وين نقول من القصيم ياكثر اللي من بريدة ومتزوج من عنيزة والعكس صحيح وانتم ماعندكم الا من بريدة ومن عنيزة اعوذ بالله منكم

[O X Y G E N]

اقتباس السلام عليكم مساء \ صباح الخيرات على الجميع شخباركم ان شاء الله تمام حبايبي انا من عنيزه و احب اعلق على بعض الاشياء لكن قبل ان ابداء في التعليق بقولكم شغله ( حدث العاقل بما يعقل ) ياجماعه الخير حنا الحين نبي ندخل 2013 وانتم بريده و عنيزه !! ابي اعرف ليه الحسد والحقد و و و ؟؟! ع العموم تعليقي باللي يقول بنك البلاد فتح اول فرع بعنيزه و اساسي و مدري ايش صاحب بنك البلاد ابراهيم عبد الله السبيعي من سكان عنيزه و هاذا ماله و هو حر يفتتح في اي مكان يريد او تبي تشاركونه حلاله ؟؟؟؟!! و اذا بتسون مقاطعه لماك ماحد ماسكم قاطعوه بكيفكم لكن لا تتكلمون عن عنيزه فيه مليون مدينه بالقصيم فاتح كذا فرع ليه ماتكلمتو ؟ ولا عشان عنيزه فتح و صار موضوعكم الفرع و عنيزه الله يهديكم بس ويكبر عقولكم عن الامور التافهه اخوكم : عبدلله

هههههه .. وأنت وش مضايقك لما نكتب عن عنيزة .. هل تحس بداخلك أنه احتمال تسحب المشاريع وتتوقف ضدكم نظراً لأن أهالي بريدة ( العاصمة ) .. مؤثرة ..

الشي الثآني .. هذاك قلتها ( بنك البلاد عنيزاوي ) ولكن عنصري .. ولا المفروض يفتحه ببريدة لذلك دامكم بديتو بالعنصرية وفتحتو الرئيسية عندكم والفروع عندنا .. نبي نبادلكم بالمثل .. ونكون عنصريين ونحب ديرتنا ونبي كل شي يكون فيها حتى لو كان على حساب غيرنا .. دام تفكيركم بأنه هذا ولد فلان من الديرة جيبو المشروع الفلان عندنا فحنا نبي ندخل ضمن هالأسلوب ونقول .. جيبو ماك لأننا أولى .. او بعد تبي تقول ( ماكدونالدز عنيزاوي !!!!! )؟

اقتباس اناا مع ابو إياس كلااام سليم وصحيح مية بالمية الخلل مو من ماكدونالدز الخلل الكبير في بلدية بريدة الخائبة جدا جدا جدا

الخلل واضح وموجود من زمان وسبق وصارت لنا مطالبات عن مشاريع كبيرة وما إلى ذلك ولكن لاحياة لمن تنادي وهذا الموضوع ( مطعم ماك ) سيكون رسالة وإنذار عشان ينتبهون للأشياء الجاية المستقبلية وبنفس الوقت راح تكون رسالة لكل من يحس أن أهالي بريدة نايمين وللمسؤولين الي بنظرك معطلين المشاريع ..

[O X Y G E N]

اقتباس الزنقب .. كان همك بطنك ما بك اعبايه .. ..إلخ <

هه أنا شفت بداية الرد وماكملت الباقي .. على فكرة كان ماتعبت نفسك لأني حاط ملاحظة حول ( كل همك بطنك )
وأما عن الموضوع .. فما أنتظر الزنقب يقيم مواضيعي .. لأن فوق 32 ألف مشاهدة وتواجده بالبلاك والواتس اب ومشاركة أخواننا العنيزاوية ودخولهم فيه .. حتى لو اختلفنا بوجهة النظر يبقى تسجيلهم .. وابداء ارائهم .. تكفي وتوفي .. والآن بنظري أنتهت توصيل الرسالة دامه وصل لأكبر عدد ممكن خلال يوم .. ونصيحة أستمر على مواضيع .. ( النساء والولادة هه ) وياليت تدخل بالوصفات الشعبية .. أنتهى وقتك ..