[أبو حمد الجمعة]

السلام عليكم

أخلا اخوتي الكرام كيف حالكم ؟

أنا يوم الثلاثاء ذهبت إلى الراجحي وطلبت فيزا تسوق

واليوم الخميس دقوا علي فيدكس وقالوا يوم السبت تعال خذ الفيزا حقتك في فرع فيدكس اللي في شارع الخبيب

لكن وين بالضبط ؟ لأن الخبيب كبير وضياع شوي

أنا أعرف الجاسر للرياضة وأعرف مدينة السوني ، وأعرف القفاري للمفاتيح

أتمنى توصفوا لي وين فيدكس بالضبط

[O X Y G E N]

بصفة تأجير السيارات الي بشارع الخبيب ، وأنت جاي من الشمال للجنوب يجيك بنك الراجحي ع اليمين الي جنبه بنك حوالات الراجحي توقف عند الاشارة .. ديور وارجع .. ادخل يمين بصفة محلات تاجير السيارات تلقاه بالنص قبل فندق السلام بكم محل ..

[أبو حمد الجمعة]

شكرا جزيلا ، لكن أنا ما أدري وين صفت تأجير السيارات ، ولا أدري وش الشمال والجنوب
لكن فندق السلام كأنه مارٍ علي

أتمنى تعطيني توصيف آخر لو سمحت

[O X Y G E N]

أول شي ترى فيه أكثر من فرع فيدكس لكن طالما قالو لك الي بالخبيب هذا الوصف كالتالي :

تخلي حلويات الارياف الي بالخبيب على يسارك ، تروح طوالي تجيك الاشارة ، يمينك عمارة العويضة ويسارك بنك الرياض ، تروح طوالي تجيك اشارة قبلها بنك الراجحي ع اليمين ( الي وصفت لك فوق ) ، تديور من عندها وترجع وبعدين تدخل على محلات تاجير السيارات الي ع اليمين صفة كثيرة من المحلات يجيك المحل ع اليمين ولو تسئل أي شخص قالك ، وبنهاية هذا الشارع يجيك فندق السلام ، هو قبل فندق السلام ع اليمين ..

بالتوفييق واتمنى اني افدتك ودعواتك لي ، ولو تبين انزل لك كروكي أبشر

[أبو حمد الجمعة]

الله يوفقك يا غالي

هذا التوصيف واضح جدا بالنسبة لي

أشكرك

[أبو حمد الجمعة]

السلام عليكم

أبشرك لقيته ، أهنيك على قدرة التوصيف الرائعة التي لديك

الله يوفقك

[O X Y G E N]

بالتوفيق واعانك الله ..