[الحزين]

لو الفقر ضيف وحنا معازيب
يا مرحباً بالفقر دقه وجله

الفقر ماهو عيب تدري وش العيب
انك غني والبيت محدن يدله

[تهاني...]

_
في السنوات الاخيره هُناكـ حمله اساءه وتشويه ضد القصيم واهله والسبب :
نماذج من الـ مُعلم الناقد بالموضوع
وكمية ردود هُنا

لم ارى من يُسئ لديرته الا حنا - عفواً - انتم
فشلتونا الله يفشل العدو ..!

[فيليكس]

يعني وش تبون من أهل القصيم

تبون يفلون سفرتهم للكلب واللي ماله قلب عشان يصيرون كرماء

يابيي خلو عنكم الطهبلة والله يا أقرب الناس لك اليوم لو تبي ذنب من ذنوبه ماعطاك

بعدين أهل القصيم رجال مع الرجال أما مع الدجاج والدجيج مايلزموش حبيبي

وخلني بخيل وزيادة أهم شيء ما حط فلوسي عند اللي مايستاهل

[تمر القصيم]

اقتباس المشاركة الأساسية كتبها فيليكس يعني وش تبون من أهل القصيم تبون يفلون سفرتهم للكلب واللي ماله قلب عشان يصيرون كرماء يابيي خلو عنكم الطهبلة والله يا أقرب الناس لك اليوم لو تبي ذنب من ذنوبه ماعطاك بعدين أهل القصيم رجال مع الرجال أما مع الدجاج والدجيج مايلزموش حبيبي وخلني بخيل وزيادة أهم شيء ما حط فلوسي عند اللي مايستاهل

احس فيه مبالغة شوي : )...


حبيبي الغالي الرسول صلى الله عليه وسلم كان كريم القول والفعل والعطاء
كلها سمات دينية محببة عند الكل يمتاز بها شخص من آخر فالمرء لا يعلم
صالح اﻷشخاص من طالحهم فهو يعمل الشيء لله لا يرجو بها ردا لعمله
وﻵ جزاء فنحن نناقش لمذا ندرت هذه الصفة الخيرة الحسنة في أهل القصيم
عامة وبريدة خاصة وهذا لا يعني أن يدع الإنسان جعبته مفتوحة للجميع
ولا يمسكها فكما قالوا لا إفراط وﻵ تفريط


لك ودي..

[قـــصـــيـــة]

اقتباس يقول إن من عادات اهل تلك القرى أن يقوموا بتضييف المعلمين الجدد و وضع المناسبات الكبيرة لهم ويكون من باب الواجب و التقدير

طيّب وش يسمون العزيمة بمناسبة وشو : ) ؟؟
إذا كان كرمهم مخصصينه للمعلمين أعتقد هذا مب كرم ..!
لو هم جادين بمسألة الكرم يقفون عند مدخل القرية وكل من يدخلها أيًّا كان يضيفونه .. لكن سالفة الكرم للمعلمين مسألة يشك في نواياها !

بعدين المعلم أو أي موظّف جاي للقصيم بهدف الوظيفة مايعتبر ضيف وليس من الواجب تضييفه! لكن من واجبنا كإخوة نقف بجنبه بحكم غربته

[‏F i N A L]

البعض يظن أن الكرم هو بهدر المال حتى أن يصل إلى الديون ولكن الواقع بأن الكرم هو بالاستقبال الحسن والبشوش وتقديم ما استطعته تقديمه بحدود قدرتك

[نايف123]

سبق إني كتبت موضوع عن بريدة بشكل خاص والقصيم بشكل عام

وأول من إنتقدني أنت يا أخي من الجماعة بسبب أني أثنيت على أهلها ودينيها ومعاملاتها

وها أنت ياأخي تكتب موضوع عن الكرم القصيمي فماذا تقول وراجع مواضيعي وسوف تجد ردك موجود في موضوعي

[زيلـ]

القصمان اهل كرم ورجوله ومحد ينكر هالشي
حتى معلمينهم صاروا جمعيات خيريه بالمناطق النائيه
يا حبي لهم بس لو يعرفون قدر انفسهم ولا ينتقصونها

يسلمو

[فيتـامين]

كاتب الموضوع ياهلا وغلا ومسهلا
هلا والله بالوجه المنور والجبين المسفر ويالبى قلبك (فيس قلب ينبض ينبض)
اهل الشمال والنعم فيهم واذا هم سوو خير يشهد لهم بالخير وانا على ذلك من الشاهدين
نجي لاهل القصيم والوسطى عموما
يارجال حنا ربعنا هذا واحد جاي وهذا واحد رايح
اخر عشاء سويناه يالطيب كان قبل يمكن 8 سنوات
استاجر عندنا واحد وعشيناه بس ماخصمناهن من قيمة الايجار ههههههههههههه
واستاجر بجنبنا واحد ثاني وبعد عشيناه
وبعدين يابعدي انت شايف الناس الحين كلن بحاله
يارجال بحي الافق واحد يقول شرا فيلا واحد بجنبي وماعرفه ولا عمره سلم علينا
يقول مادريت ذاك اليوم الا وهو طالع ووجهه بوجهي الا فلان واحد من ربعه
والله ويسلمون على بعضهم ويعرفون بعضهم يقول والله ويطلع رجالا طيب خخخخخخخخخخ
ياحبيبي الزمن ذاك راح وبعدين وين يعشيه ياقرادة حظي تلقى اخوياه مستاجرين بشقق



******************************************
بقول شغله وياويلي ويلاه من الي يبي يجيني
المدرسين عاد بشكل عام تراهم تسذا طبعهم فيهم بخل
مدرسيني دايم يواعدوني بهدايا ولا شفت شي
واحد يقول لي اخواني كلهم وشحليلهم الا اخوي المدرس يالله يطلع الفلوس
انا عاد مستقبلي مدرس : (
لاني ان صرت بخيل وشلون بعطي امي واساعدها : (

[سامي المزيني]

شكرا على الموضوع الجميل

[فداك]

بارك الله فيك

[الـعـابـر]

اقتباس المشاركة الأساسية كتبها تهاني... _ في السنوات الاخيره هُناكـ حمله اساءه وتشويه ضد القصيم واهله والسبب : نماذج من الـ مُعلم الناقد بالموضوع وكمية ردود هُنا لم ارى من يُسئ لديرته الا حنا - عفواً - انتم فشلتونا الله يفشل العدو ..!

الفشيلة من الواقع و الذي يكون عندنا
وليست الفشيلة فيما يقال
ولولا الواقع المؤلم لما قال القائل كلام يفشل

اقتباس المشاركة الأساسية كتبها فيليكس يعني وش تبون من أهل القصيم تبون يفلون سفرتهم للكلب واللي ماله قلب عشان يصيرون كرماء يابيي خلو عنكم الطهبلة والله يا أقرب الناس لك اليوم لو تبي ذنب من ذنوبه ماعطاك بعدين أهل القصيم رجال مع الرجال أما مع الدجاج والدجيج مايلزموش حبيبي وخلني بخيل وزيادة أهم شيء ما حط فلوسي عند اللي مايستاهل

المطلوب اكرام الضيف الذي حل جار علينا
المطلوب اكرام الضيف الذي ستنتفع منه الديرة
المطلوب اكرام الضيف الذي سوف يستقر عندك و يومياً سوف يقابل مئات الرجال من ابناء الحي او الديرة أو المدينة أو المحافظة
وليس المطلوب تفليل سفر للي يسوى و الي ما يسوى
وإذا هي على الرجال على كلامك فهذا يعني أن القصيم من زمان ما دخله رجال إلا ما ندر
و المسألة يا أخي فيليكس ليست بالغصب أو بالقوة أو بالعموم
المسألة عادة و اختفت
شكراً لتواجدك فيليكس

اقتباس المشاركة الأساسية كتبها قـــصـــيـــة طيّب وش يسمون العزيمة بمناسبة وشو : ) ؟؟ إذا كان كرمهم مخصصينه للمعلمين أعتقد هذا مب كرم ..! لو هم جادين بمسألة الكرم يقفون عند مدخل القرية وكل من يدخلها أيًّا كان يضيفونه .. لكن سالفة الكرم للمعلمين مسألة يشك في نواياها ! بعدين المعلم أو أي موظّف جاي للقصيم بهدف الوظيفة مايعتبر ضيف وليس من الواجب تضييفه! لكن من واجبنا كإخوة نقف بجنبه بحكم غربته

ليس مهم اسم العزيمة أو بالأصح ليس للعزائم اسماء
وانما مناسبات تذكر
و هناك لا تخصيص للمعلم
كررنا أن المعلم ليس مقصود لا بالموضوع ولا بالعزيمة
وانما هو رحالة متنقل في كل الإتجاهات و نقل لنا بعض الاخبار التي وقعت له بهذا الخصوص
أما من يمر وهو مسافر و يجلس يوم أو نصف يوم
فلن يعلم به احد لعدم انتشار خبر قدوم هذا العابر
أما من يستقر مثل حال المعلم اقول حال المعلم وليس شخص المعلم فأنه بالتأكيد سوف يتناوبون على اكرامه
الموظف أو المعلم الي يجي للقصيم لا يسمى ضيف تجاه جهة عمله
أما تجاه سكنه بحارتكم سوى جار او بنفس الشارع فهو يسمى ضيف و يجب وضع مناسبة له
مع أنني متأكد أن اغلب من يتنقلون يرفضون العزيمة و يعتذرون
شكراً لتواجدك قصية و أحسني الظن بالناس ولو كان على حساب اكرام ضيف

[حربي عابر دربي]

وهذا ردي يا من الجماعة

القصيم عموماً وبريدة خصوصاً في المجمل قسمين

1 - ( بدو )

وهم قسمين

أ - بدو يقيمون في قرى وهجر خاصة بهم ولهم عاداتهم وتقاليدهم - سلوم - ومازالوا على بداوتهم وتقاليدهم الا انهم يمتلكون الوسائل الحديثة والمدنية كالسيارات والجوالات وغيرها

ب - بدو قد سكنوا المدن منذ زمن بعيد وتخلقوا بكثيرا من اخلاق اهل المدن واهلها مع الاحتفاظ ببعض الخطوط العريضة من التقاليد والعادات وان كان حصل في الآونة الاخيرة من البعض تمرد

2 - الحضر منهم الحضري الذي يسكن المدن ومنهم الخبوبي الذي يسكن الريف

[حربي عابر دربي]

الكرم طبع وتطبع

والتطبع ناتج من التربية الحكيمة و العقل السليم والجرئة المحمودة ويحكمها بشكل كبير ثقافة المجتمع

والي يعض على الدراهم امفارقه الكرم

وسلامتك يابوخوي