[O X Y G E N]

طبعا يمكن الكثير شاف واجهة النخيل بلازا كيف الظلام الدامس والمواقف واللفلفة غير كذا البوابات الي بدون أرقام واضحة ..

مساحة كبيرة ومواقف سيارات مو عارفين كيف يستثمرونها ..

غير الطلعات والنزلات والدوارات والارصفة الضيقة حتى الإنارة ظلام دامس وانا من رأيي انها مهمة ..

حتى الاشجار الي حاطينها بين السوق وطريق الملك عبدالله هذي أفقدت جمالية السوق ..

غير كذا أي شخص مرتاد للسوق ليش مو حاطين محلات خارجية للاستثمار مثل باقي المولات يأجرون .. وزي كذا للاستثمار الواحد ينزل ويشتري منها مو لازم يدخل ..

صراحة انا منذ زمن طويل وانا استغرب من عدم التنظيم الخارجي بالسوق هذا والي يعتبر واجهة لمدينة بريدة ..

اجل حاطين شجر مغطي السوق وماثر على جماليته ويمكن الغريب عن المدينة لايعلم أن هذا مول .. شيلو هالاشجار هذي خلو المكان مفتوح ومعروف وواضح وقللو من اللفلفلة والدوارات الي وكأننا في ( دلـــه ) ..

لاوبعد بعض الشوارع القريبة من السوق مغلقة مادري وش الاسباب .. حتى أن جسر المشاة يبعد عن السوق مسافة طويلة وينزلون بمكان
( مظـلم ) !!

هذا غير الجهة الي ينزل من الفايزية هذيك الي قريبة من الملاهي مافيه استثمار ابداً وماخذه مسافة كبيرة ..

أنا أحس بصراحة أن مساحة ( مواقف السوق ) أكبر من السوق بنفسه ولكن لم تستثمر بالاستثمار الصحيح .. مع العلم أنها ماخذ مساحة والدليل شوفو المحلات الي مقابل لها كيف مستثمره ..

ندائي إلى ادارة النخيل بلازا بأنها تتهم في مثل هذه الملاحظات الي راح تعطي جمالية لواجهة السوق وايضا تقلل من عناء الدخول والخروج خصوصا أنه يقع على طريق الملك عبدالله !!

[! زمرد !]

كـل الـلـي ذكـرتـه صـحـيـح

أتـمـنـى يـلـتـفـتـون لـمـلاحـظـاتـك


شـكـرا لـك أوكـسـجـيـن

تـقـبـل مـروري

[Wafa3bdullah]

-




انا ما اعتقد ابداً ان فيه احد يجي للقصيم سياحه ههههه
سو ، اهم شي انا احنا نعرف انه موُل ..
شكراً لك

[اللهم اغفر لنا]

اسمح لي اخوي انا مو معاك بالنقاط الي ذكرتها للأسباب التالية

اولا : الإشجار هي محطة انتظار السائقين فكثير منهم الاقيهم تحت الاشجار مجتمعين .

ثانثا : البوابات فيها الارقام واضحة وبقوه .

ثالثا : الدوارات لكل بوابة فيها دوار بس احنى مانعرف أبدا للنظام واحترام الطريق والواحد يوقف في نص الدوار ولا يهمه الي يجي بعده

رابعا الإرصفة والشوارع الان فيها تعديل .


ولك جزيل الشكر

[torki]

ههههه طلعن المهندسات

شفت كيف العنصر النسائي حافظ النخيل شبر شبر .... حتى يعطونك اقتراحات بكل دقة
لنخيل محتاج بعض التحسينات وخاصة بالمواقف ومثل ما تفضلت بالنقاط ( بارك الله فيك )