[الهاجريه]

بصراحه ما أدري شلون أبدا بالموضوع اليوم الساعة الوحده ونصف تقريبا من يوم الأثنين بتاريخ 1434/4/29هـ كنا جالسين انا وثنتين من صديقاتي عند باب الكلية نسولف عن المحاضرات وعن أشياء بالمواد إلين ما يجون أهلنا ويأخذوننا فجأة وقفت سيارة ونزلت منها بنت والبنت نازله من السيارة تركض حنا تفاجأنا الموقف بعدها دخلت ووقفت مع مجموعة بنات ثم راعي السيارة قام يعطي إشارات للبنت وضحكات !!!!! بعدها راح راعي السيارة والبنت جلست عند باب الكلية تنتظر ! بعدها راودتنا أسئلة وش سالفة البنت ؟ من يكون الشاب اللي بالسيارة ؟ وليش نزلت في هذا الوقت ؟ وبالأخير من المسئول ؟؟؟ بصراحه أنا أحمل المسئولية الأولى إدارة الكلية المفروض أي بنت تغيب عن الكلية تشعر برسالة نصية لأهل أو لولي أمر الطالبة أن بنتكم تغيبت اليوم علشان يخلون مسئوليتهم !! لأن الأهل يظنون أن بنتهم بالكلية والكلية يظنون أن البنت غايبه اليوم والبنت أصلا لا هي عند أهلها ولا بالكلية راحيه تدوج مع شاب بدون علم أهلها !!! والله الوضع ما يطمئن لازم الإدارة تشوف حل !

ورقم لوحة السيارة اللي نزلت البنت معاي إذا إدارة الكلية تحتاجه لتحقيق في هالموضوع أنا مستعده أعطيهم أياه ، والله على ما أقول شهيد .

[A-R]

اقتباس المشاركة الأساسية كتبها الهاجريه ورقم لوحة السيارة اللي نزلت البنت معاي إذا إدارة الكلية تحتاجه لتحقيق في هالموضوع أنا مستعده أعطيهم أياه ، والله على ما أقول شهيد .

استغفر الله العظيم !!

وانتي من موكلك على محاسبة الناس ؟!

كلن يبي يدخل قبره بلحاله وكلن يبي يحاسب بلحاله

[قـــصـــيـــة]

^^
موكلها ربها ونبيها ! وإن كنتي ناسية أذكرك :
قال الله تعالى (( كنتم خير أُمّة أخرجت للناس تأمرون بالمعروف وتنهون عن المنكر ))
وقال محمد عليه الصلاة والسلام (( من رأى منكم منكرًا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ))

خير وش فيكم من كتب خبر يحذّر وينذر ويذكّر وينبّه آمر بالمعروف وناهي عن منكر تقولون وش دخلكم فيه ..!!
ياأختي أفهمي هاللي صار مصيبة على البنت وأهلها وعلى نظام الكلية وإهمالهم وقبل كل شي هذي مصيبة بديننا !
وهالموضوع أمر بالمعروف ونهي عن منكر وهذا اللي قدرت البنت تسويه بالمصيبة اللي شافتها وإن شاء الله القادرين يحلون هالمشكلة

وأما سالفة القبر مثل ماهي راح تحاسب أنتي بعد راح تتحاسبين بسببها لأنك شفتي منكر وأسكتي !

:

أختي الهاجرية جزاك الله خير وكثّر الله من أمثالك وفكرة الرسالة النصية جميلة جدًا لكن من السهل يكون فيها تلاعب بالأرقام
اللي أشوفه لازم يصير أن موظفات الأمن بدل ماتلاحق البنات على المخالفات البسيطة تجلس عند الباب وتراقب الداخلة والطالعة !
وتبين رايي بالنسبة لـ لوحة السيارة اتصلي على الهيئة وعطيهم الرقم وهم يراقبونه أو يتصرفون معه

[إغتيال الفرحة]

-


كلية الاداب مانطلع ولا ندخل إلا ببطاقات.
وشيء حلو يعني، غريبة كليتكم!

المهم، دائمًا أحسني الظن
وشكرًا على حماسك.

[عبدالله]

أسأل الله للجميع الهداية والرشاد........

[فراشة الالماس]

الله يجزاك خير ع حرسك وخوفك عليها
وفعلا المفروض الاداره تتواصل مع الاهل بخصوص الغياب والتاخير
كل كليه فيها موظفات امن المفروض يكون هذا من مهامهم لكن الله المستعان

[ادريبي]

الله يحمي بنات المسلمين والله مشكله اذا كنتي عنك المقدره لنصحها بسلوب طيب وحسن ففعلي ولاتترددي توْجرين على ذلك او ابحثي عن من لديه المقدره

[نديم الهوى]

أفضل طريقة مناسبة لمثل هذه الحلات هي :
أتصلوا على الهيئة بصفتكم ( فاعل خير ) واعطوهم رقم السيارة والمكان والوقت .. والهيئة لهم طريقتهم الخاصة بمثل هذه الحالات .

[الزنقب]

اقتباس المشاركة الأساسية كتبها a-r استغفر الله العظيم !! وانتي من موكلك على محاسبة الناس ؟! كلن يبي يدخل قبره بلحاله وكلن يبي يحاسب بلحاله

سبحان الله


صار انكار المنكر .. وتحذير الناس منه جريمه

يا اختى هذا من باب تحذير المسلمين .. وهي مأجوره على عملها

وربما هذه الفتاه يضيع شرفها وتلوث سمعة اهلها او يبتزها

فهي تريد الستر عليها ..






شكرا لك الهاجريه وكثر الله من امثالك


لكن لو حصل تعرفين البنت .. حتى تناصحينها يكون احسن لك ..

[الزنقب]

اقتباس المشاركة الأساسية كتبها ادريبي الله يحمي بنات المسلمين والله مشكله اذا كنتي عنك المقدره لنصحها بسلوب طيب وحسن ففعلي ولاتترددي توْجرين على ذلك او ابحثي عن من لديه المقدره

احسنت ..

يا ليت تنصحين البنت .. وتحذرينها وبدون فضايح ..

بارك الله فيك ..

[A-R]

الدين صحيح فرض الامر بالمعروف لكن ما امر بالتحريش بين الناس و فضح المستور !!


ولا احد يدري وش اللي صار .. يعني لو فرضا بلغت عنهم وطلبوا الشهاده منه وش تبي تقول ؟ هل كانت معهم بالسياره ؟


لو كان المقصد فعلا الخير والصلاح لهم كان بنفسه تروح تنصحهم وتبري ذمته مهب من وراهم تاخذ رقم السياره

[لحن ~]

انا سبق جربت اخذ بنت عمتي من الكليه ..

حارس البوابه .. الله يجزاه خير .. كل شي تأكد منه وبصفتي قريب منها .. من بطاقه الهويه واتصال وغيره

ف استغربت من كلامك .. وين حراس البوابه ؟ وحسب علمي ايضا يوجد حارسات امن داخل عند البوابه

المهم .. هالامر اصبح منتشر للاسف

وانا لو كنت مكانك .. بكلم الهيئه وبعطيهم كل شي .. وهم ابخص بعملهم .. ويتكفلون فيه ويراقبونه

وماراح اسكت .. وصدقيني راح يتساعدون معاك اختي .. فالامر واضح جدا انه خلوه غير شرعيه

واكيد الهيئه تعلم كل شي .. لانها سبق وجربت وشافت هالشي .. راح تتفهم كلامك بكل تأكيد

واذا كنتي تعرفين هالبنت .. انصحك تكتبين بورقه كلام ع اللي شفتي هالشي .. وخوفيها انك تعرفينها من بعيد شوي

وانك سوف تخبرين اهلها عن هالموضوع لو تكرر + اخبريها ان سيارته مراقبه لكي تخاف لو ذهبت معاه مره اخرى

واظن انها باين عليها الخوف اصلن من ركضها حسب كلامك .. ربما قد تكون مبتزه منه

ياليت تبلغين , كثر الله امثالك ي اختي