[ويداد]

* بسم الله الرحمن الرحيم *

إحنا طالبات المتوسطة والثانويه الثالثه ببريدة
نطالب وزاره التربية والتعليم
انهم يخلوا مدرستنا تخلينا نسوي الي نبغاه
يعني ما يخلوننا نلبس اكسسوارات ولا سلسال ولا اي شي
ولا حتى شعورنا يخلوننا نفتحها
تربطين شعرك وتجيببن شنطتك ونعال ولازم يكون لابسه شراب ، وتسكتين تدرسين وبس !
أوكي إحنا نتعلم صح بس هذا حرام ، يخلوا اكثر من 200 طالبه يدعون عليهم !
وبعدون ليه مافيه مري بالحمامات ؟ تراها مرايا نشوف أشكالنا وقسم بالله !
وبعدين لو تشوفك بس شوي فاتحه سحابك من قدام او فاتحه زر واحد سكرته لك سوت لك محاظره !
سلامات والله صرنا عيال
وبعدين أبغا افهم شي واحد !
لي ما يعرفوا يتفاهموا الا بدفتر المخالفات ؟
اوك البنت غلطت ومافيه احد ما يغلط !
وبعدين ليه يحرموا الفصل الي ما يسوي أذاعه ، انه أسبوع كامل ما ينزل فسحه ؟
ترا هل شي بارادتنا نسوي بكيفنا
وبعدين ترا مو حلو الظلم !
انا اشوف بنات وخوات معلمات يسوون الي يغبوا وأحنا لو سوينا زيهم هاوشونا وكتبونا مخالفات !
انا طالبه بالثنوي على وشك التخرج
والله ما اسامحهم ان ما صلحوا علاقتهم معنا ! ،
انا اشوف كثير بنات وأولهم خواتي وبعض بنات عماني كل ما اجيب لهم طاري هل مدرسه قالو * الله لا يسامح أستاذه بدرية ولا أستاذه جوهره ولا حتى أستاذه نور العنزي الى يوم الدين *

اتركو ذكرى جميله بقلوب طالباتكم ، مو ذكرى كره وحقد !


تحياتي وآسفه على اي غلط إملائي ♡

[F.s]

الله يعينكممم ..

بس خلو أوليا اموركم يشتكون !!!

وش ذا التخلف والعقليهه !!!

[فراشة الالماس]

من متى الاكسسوارات تلبس والمرايات بالحمامات هذا نظام كلنا مرينا فيه ولا همنا ولا زعلنا
لا تخلين هالشكليات هذي اكبر اهتمامك اهمتي وانا اختك بدروسك وبس كلها فتره وتروحين عنها خلو عنكم العناد وطبقو النظام وسوو اذاعه مثلكم مثل غيركم .
مو مستاهله اكره او احقد علشان سلسال او مرايا او زرار مسكر

[جوري العنزي]

ياحياتي مدري وش يستفيدون انا موظفه الحين وباقي ادعي عليهن

حتى ذكريات ماعندنا بسببهم كاننا بمدرسه داخليه اجنبيه

[شوق ~]

السلام عليكم ورحمة اللـه ~

الحمدللـه على كلِ حال أولاً وأخيراً
ثانياً بالنسبة للمرايا والإكسسوار لا أرى داعي لوجودها ..
الإكسسوار قد تشتريه بالقيمه الفلانيّة ويتم مصادرته فما الفائدة من ذلك
والمرايا بإمكانك احضار مرآة صغيرة ..

والشعر زينته عندما يكون تسريحه في مناسبه =)

وبالنسبة للأزرار صدقيني لم يأمروك إلا لسترك ومحافظتهم عليك
فالأفضل أن تشكريهم بدلاً من شكواك هنا =)

أما بالنسبة للإذاعة فأنا معك هنا لا يحق لهم معاقبتكم وأيضاً في إختلاف التعامل معكم ومع من يقربهم
فبإمكانكم الإتحاد وإحضار أولياء أموركم في يوم واحد ويتم محادثة الإدارة بالموضوع
وفي حين عدم الإستجابه يتم شكواهم !

فقط هذا مالدي
وفقتم

[بنت النــور]

ي ربي الله يعينكم
المراياا والله مالهم داعي يسون كذا
بس الله يعينكـــــــــــــــم

[ورد الربيع]

مامنعوا هالحاجات الا هم ادرى وش يصير بين البنات ..

وانتي رايحة تتعلمين ...فركزي اهتمامك على العلم .....

[فريق همم]

مسألة اللبس والتزيين وكثرة الأكسسوارات

زين ماسوو يوم منعوها

لكن أن قريبات المعلمات خواتها بناتهن

عادي يلبسون وبدون عقاب هذه تحتاج لنظر

هذا الظلم بعينه

اما يمنع الكل أو يترك الكل براحته

[همس نجد]

معاناة عشان ماتلبسين سلسال؟؟


انت رايحة تدرين مو تطلعين صدرة وتتزينين...


الله يصلحك بس ويعين المعلمات عليكم..

[بنت النــور]

لا مولهدرجه حرااام عليهم
يسوون كذا بس المراياا بنات هم موعياال والاذاعه حمد لله والشكر اسبووووع وش يحسون فيه هههه

[حقل النجاح]

حـــتـــئ مــدرســهـ آلخمسيــن وآغلب المدارس كيذآ يـــخــــي نبـــــــي نتزين ولآ حنـــئ عيــآل ومـــــــآ ندري
بعدين تعالي سامحيهم المسامح كرييم ترا قبل كللل المدارس كذا
وعندي نقطهـ صغنبوطهـ تسذآ : لآ تذكـــريــن آسمآء المعلمات خلاص قول كلمه {فــلانهـ} تكفي
وآللهـ يوفق الجمييع

[الحياة بشائر]

هههههههههه الى هالحين عندهم النظام اللي مايسوي إذاعة يحرم من الفسحه اسبوع
انامتخرجه من المدرسه عام1419والى هالحين ماغيرواقسم تفاهه

[نجمة الليل،،،]

ياعمري والله من جد انه مالهم داعي أبدا طيب اذا كل هذا اهتمام بالدراسة والعلم ليش مايكملون حسناهم ويهتمون بنا انواع التحطيم والتكسير والاهانه وخسف بالدرجات
انا ماكملت تعليمي بس بعد زواجي ابتعثنا براوحالتي النفسيه دمار عروس +غربه فقررت اكمل دراسه وكملت قسم اني جلست ابكي على الايام اللي تعلمت فيها أثرهم يلعبون علينا اما هناك فيه غرفه خاصه ملابس والله كل وحده لها رف فيه اغراضها وربي مازيد عليكم انا من الفرحة كل يوم أفتحه وارتبه هههههه والبس واتشيك وتنفتح نفسي لتعليم واهم ما عليهم ان علاماتي تكون مرتفعه اما هنا بصراحه اشك ان اهم ما عليهم ان نفسيتي تحطم ،،،،،

[لطوووف الرشيدي]

سالفة المراياه برااائي كل دقيقه استاذه ممكن اروح دورة المياه(اعزكم الله) وهي اساسن رايحه تشوف نفسها وكذا راحت يشتت فكر الطالبات عن الدرس