[torki]

السلام عليكم ورحمة الله وبركاته

الجميع لاحظ الزحام في الطرقات وألأشارات التي يمتد اسراب السيارة لأكثر من 100 سيارة عند الأشارة ...
نروح شمال زحمة - جنوب زحمة - غرب -شرق زحمة ما هي الأسباب ؟
وما هي الحلول ؟

طيب لو فيه أحد ملاحظ معي في عام ( 1425-1430 ) هـ ما تشوف زحام يذكر ويلاحظ
في عام 1434هـ زحام قاتل - طيب على عام 1436 هـ كيف راح يكون الوضع

وانا أتكلم عن بريدة تحديداً
وباقي المحافظات يا سلام تمشي وتروح ما تشوف زحمة ؟

الموضوع قابل لنقاش وأيصال الحلول للمسئولين ( اذا وجد )

دمتم بحفظ الرحمن

[فكــر]

:
.. نظرتك قصيره
قل 1450
شكراً لك
:

[ابا الروس]

يعطيك العافيه اخي

ودي اضيف كلمه بسيطه

السبب كثرة الهجره لبريده بالذات
االشي الثاني هو هجرة اهل الرياض
لانهم اكثرهم من بريده
الشي الثالث
زحمة الرياض
واالقصيم بشكل عام قريبه من الرياض وجامعتن كل شي
واصبر 3 سنوات او خمس وشف
راح نهاجر عنها
هههههههههههههههههه

[torki]

اقتباس المشاركة الأساسية كتبها فكــر : .. نظرتك قصيره قل 1450 شكراً لك :

الله يحيينا لــ 1450

[torki]

اقتباس المشاركة الأساسية كتبها ابا الروس يعطيك العافيه اخي ودي اضيف كلمه بسيطه السبب كثرة الهجره لبريده بالذات االشي الثاني هو هجرة اهل الرياض لانهم اكثرهم من بريده الشي الثالث زحمة الرياض واالقصيم بشكل عام قريبه من الرياض وجامعتن كل شي واصبر 3 سنوات او خمس وشف راح نهاجر عنها هههههههههههههههههه

صدقت أخوي ( لاحظت بعض سكان بريدة الجدد ليسو من بريدة ) الغالبية من جنوب المملكة
وهذي طبيعة عملهم بالأمن العام ( الله يوفقهم )

ولا ننسى شي مهم (( الشباب أول ما ينجح يروح الأب يشري له سيارة )) وهذي نسبتها عالية

[رولكس]

ما جاك من السيل إلا أوله

يتوقعون أن تشهد بريدة في رمضان لهذا العام 1434 ضغط عجيب ، وكثافة هائلة تتدفق عليها طوال الشهر
وليست مقتصرة كما عهدنا على العشر الأواخر .. فاستعدوا لذلك ..

كما تفضل من سبقني هي الهجرة التي أدت لذلك ، فضلاً عن تركز الخدمات فيها ، وعدم توزيعها على المحافظات
يجب الالتفات لذلك من المجلس البلدي لأنه يفترض مشكل من الأهالي ، وإلا الجهات الرسمية همها "دامه ماشيه
خليها على ربك " ..

استعدوا فالقادم أزحم

[torki]

اقتباس يتوقعون أن تشهد بريدة في رمضان لهذا العام 1434 ضغط عجيب ، وكثافة هائلة تتدفق عليها طوال الشهر وليست مقتصرة كما عهدنا على العشر الأواخر .. فاستعدوا لذلك ..

أخي رولكس تقصد الكثافة على الأسواق (( ياليت تحدد ))
اذا كان على الأسواق فهذا شي طيب لزيادة الدخل العام والخاص لمدينة بريدة
واذا كان غير كذا فهنا المصيبة

وبصراحة الأستحداث والنمو السكني لبريدة المفروض يكون على قدم وساق
ما يكدسون ويجمعون البشرية بأحي ... غير مؤهله لنمو السكاني مثل الضاحي والعليا

[نجمة الليل،،،]

أتوقع ازدياد الزحمه بسبب الجامعه والكليات عاد بشتى أقسامه والامنيه كذالك
فعلا قضيه مهمه والزحمه ماتطااق

[torki]

اقتباس المشاركة الأساسية كتبها نجمة الليل،،، أتوقع ازدياد الزحمه بسبب الجامعه والكليات عاد بشتى أقسامه والامنيه كذالك اما يا اخوي بخصوص موضوعي اللي قشعوه تراي كاتبته بقسم حصاد النت مؤ اخبار بريده وتراي ما كتبت موضوع محطه لكم نسخه مهمه من مليشيات المالكي لأطباء سنه بس طيب رح شف موضوع عن الشام ليش تاركينه وآسفه اخوي كتبت بموضوعك بس بشيله بعد ماتقراه

أكيد أختي نجمة المدارس والجامعات بفروعها لها نصيب الأسد

لكن أتكلم عن العصر والمغرب والعشاء
تعالي شوفي الزحمة بالشوارع والأشارات شي لا يطاق


يعطيك العافية

[ادريبي]

وجهة نظر ان سبب الزحام اساسه هو البطئ في تنفيذ مشاريع فتح الطرق مقبل ادارة المواصلات ثم يايتي بعده الحفريات التي لتنتهي ابداءمقبل عدة جهات ثم ياتي بعدها هجرة اهالي الجنوب وبعض مناطق المملكه وخاصه في الاجازات مع ضيق بعض الشوارع وخاصه القديمه التي تتوصط البلد وكذلك مع فتح محلات يكون موقعها غير مناسب اوم وقع الدوائر الحكوميه كذلك ثم ياتي دور المواطن وثقافته وتعامله مع الاخرين

[ادريبي]

اذا كانت هناك سلبيات اوجتها انت ياصاحب المجملات اعتقد ان الكلام مفهوم

[رهين الذكريات]

1- الهجرة من القرى إلى بريدة وأيضاً المناطق الثانية مثل مناطق الجنوب

2- الطالب إذا وصل الثانوية شرا له أبوه سيارة

3- الشوارع ضيقة والنظرة الضيقة والمحدودة من المسؤلين .

[الفجرالمنتظر]

السبب أخي الكريم
أن نسبة صغار السن في المجتمع نسبة عالية
وكل عام يكون عدد خريجي الثانوية أكثر من العام اللذي قبله
وكل خريج يستلم سيارة من أهله على الأغلب
فضلا عن الشباب اللذين يملكون سيارات وهم بالثانوية
يعني إذا افترضنا أن خريجي الثانوية في بريدة وفي المراكز المجاورة لبريدة كل سنة عددهم ثلاثة ألاف طالب
هذا على أساس أن الخريجين في القصيم العام الماضي ثمانية الاف طالب
مضافا إليهم نسبة من يشترون سيارة وهم في مراحل دراسية أقل
فإذا قلنا أن هؤلاء الخريجين اللذين تخرجوا منهم من يملك سيارة قبل التخرج ومنهم لا يملك سيارة إلا بعد التخرج
مضافا إليهم النسبة المذكورة آنفا
يكون توقعي الشخصي والغير قائم على دراسة دقيقة أن عدد السيارات المضافة سنويا 5000 سيارة
مضاغة للطاقة الاستيعابية للطرق في بريدة
ومن نوعية خاصة من السائقين وهم فئة الشباب
اللذي يأكل ويشرب وينام في السيارة فتجده في كل زمان ومكان
وححينئذ لاتقول ليش بريدة زحمة
هذا اجتهاد مني شخصي
والله أعلم

[Tarook 45]

حبيت اعلق على موضوعك ...


الزحمة طال عمرك سببها بسيط ... ويمكن غفلتوا عنه , وزي ما ذكرت ان بعضهم من اهل الجنوب والشمال والرياض. .


هو أن الحرس الوطني جاب عندك ١٠ ألاف عسكري ( لواء كامل ) . واستقر بالقصيم ....


١٠ ألاف عسكري > + عوايلهم ...

ماشاء الله تبارك الله ... ,,,


طبيعي بيكون زحمة ..