[أبورامي]

في ثاني حادث من نوعه من جراء مطاردة مخالفين
مطاردة دورية لهارب تنتهي بمصرع أب وإصابة عائلته ببريدة



تسببت ملاحقة دورية مرور عصر اليوم لسيارة "شاص" يقودها مخالف داخل الأحياء السكنية بمدينة بريدة في وفاة أب وإصابة مرافقيه من عائلته في سيارة "دادتسن".

وأوضح العقيد خالد الضبيب مدير الحوادث بمرور القصيم أن الحادث جاء نتيجة هروب سائق الشاص، وعدم التوقف والاستجابة لمحاولات رجل المرور.

وقال: بعد متابعته وقع حادث في تقاطع بين سيارات عدة، من بينها "دادسن "، توفي سائقها. مشيراً إلى أن سائق "الشاص" المخالف هرب من الموقع، وتبين أنه عمل على طمس اللوحة الخلفية، ولا توجد لوحة أمامية.

وأكد "الضبيب" أن هناك تعليمات رسمية تؤكد الإيقاف الإجباري لمثل تلك الحالات، مشيراً إلى أن التحقيقات لا تزال جارية.
واضاف العقيد الضبيب أن هناك تعليمات رسمية تؤكد الإيقاف الإجباري لمثل تلك الحالات , ونفى العقيد الضبيب أن هناك أي أحتكاك أو صدم بل كانت متابعة عن بعد للسائق الهارب المخالف , واشار الضبيب أن التحقيقات لاتزال جارية.

وهذه الحادثة هي الثانية على التوالي التي يلاحق فيها مرور القصيم المخالفين بعد وفاة شاب حديثاً، ووقوعه في حفرة.

[ام البنات99]

حسبي الله على هالمرور اهلك الناس الله يهلكهم
طايحين بملاحقة هالبزران وشوله تلاحقه خذ رقم لوحة عمم عليه وان هج كيفه اهون من انك تهلكه وتهلك عشره معه
بس مشكلة المرور عندنا جهل وهمجيه شكله حتى مسدس مايعرف يستعمله الله يخلف بس
الله يرحم الاموات ويشفي المصابين

[ورد الربيع]

لاحول ولاقوة الا بالله .......
اللهم اشف المصابين يارب ...واغفر لميتهم .

[لحن ~]

اقتباس المشاركة الأساسية كتبها ام البنات99 حسبي الله على هالمرور اهلك الناس الله يهلكهم طايحين بملاحقة هالبزران وشوله تلاحقه خذ رقم لوحة عمم عليه وان هج كيفه اهون من انك تهلكه وتهلك عشره معه بس مشكلة المرور عندنا جهل وهمجيه شكله حتى مسدس مايعرف يستعمله الله يخلف بس الله يرحم الاموات ويشفي المصابين

الخبر يقولك راعي الشاص مافيه لوحات اختي .. كيف ياخذ رقم اللوحه ؟

اللي اهلك راعي الددسن راعي الشاص .. هو المخطي نظاميا ..

بما انه مسموح ملاحقه اللي طمس اللوحه اجباريا .. وهم ابخص بشغلهم ..

والبزران ذولا .. وراه ماقلتي اهلهم وراه مايعقلونهم ويخلونهم رجال ؟

خليك بمطبخك بس .. قالت مايعرف يستخدم مسدس

[لحن ~]

والله يرحم الميت ويغفر له .. ويصبر عياله واهاليه يارب

ماذنبهم ؟ بسبب طيش مراهق .. مخالفا للانظمه !!

[الـعـابـر]

انا اؤيد اذا وصل الأهمال و الاستهتار حدود الجريمة
و لا اؤيد اذا اصبح لدى المراهق و اهله احترام للقانون و التزام بالتعليمات

[الحمد لله]

اساسا حقين المرور كلهم مبزره وتعليمهم على قد حالهم

[يوسف 2000]

بدون مطاردة وملاحقة للمخالفين وأيقافهم بالقوة الجبرية فلا ننتظر أمن او انضباط مروري من شباب فاسد اخلاقيا ومدلل لأقصى الحدود .... واذا سقطت هيبة رجل الأمن فسيسقط الأمن تبعا له ولن تجد رجل أمن يقوم بعمله خوفا من العقوبة ومن المجتمع الجاهل , في أمريكا وكل دول العالم ليس الأيقاف بالقوة بل اذا تحرك من سيارته ونزل وفتح باب السيارة يطلقون عليه النار على طول بدون تفاهم وهذا كلنا نعرفه ونشاهده بالأفلام ومن سافر للخارج يعرف هذا الشيء , من قتل صاحب الدادتسون هو صاحب الجيب الشاص فهو المجرم ويجب محاكمته والقصاص منه فهذا قتل عمد وبأصرار , لماذا لم يتوقف لطلب رجل الأمن ومافائدة رجل الأمن والمرور اذا لم يتوقف له أحد او يسمع له أحد مالداعي لوجودة أصلا اذا كنا نريد كل مخالف يمشيء على كيفه ولا يقف لأحد ... حسبنا الله ونعم الوكيل عليه قتل الرجل ورمل ويتم أسرة بريئة بسبب تهور وأستهتار .... اللهم أحفظ رجال الامن وأرزقهم الصبر والقوة والعزيمة .

[دربك تدله !]

-

متأكد ان الحادث وسط حي سكني ؟
بسأل العسكري يوم يصدم كم كانت سرعته ؟

و اظن الوضع ماكان يستاهل الملاحقة ، الموضوع طمس لوحه ! ماهو سرقه

بس مشكلة عساكر المرور يجلس يهايط ليش يهرب ولا يوقف !
و توقع 40% أن العسكري يعرف من يكون راعي الحوض
و الملاحقه كانت بسبب آني بوقفه و بركبه السطحه ماهو
حق تطبيق النظام .

الله يرحم من توفى ، ويشفى كل مصاب


اعجبتني التغريد في تويتر

اقتباس مرور القصيم ( بريده ) شعبة من البزرنجية اذا كنتَ وسيم وصغير قالوا لك ابشر باللّي يرضيك لكن اذا العكس فَ الله يعينك ، مزبلة يارجل .

[فريق همم]

لا حول ولا قوة الأ بالله

الله يغفر له ويرحمه ويسكنة الفردوس الأعلى من الجنة

[loquacious]

قبل مدّة ليست بالقصيرة كأنني قرأت منع الملاحقة داخل الأحياء .. !
ولكنّي تفاجأت بهذا الخبر ,, ماذا لو كانت المطارده من الهيئة ! لنعتوها بأشد الوصوف ...
أحزنني الخبر والصور أكثر : (
الله يرحم المتوفي ويشفي المصاب .. ويصبّر الأهالي ,

[نايف123]

والله مشكلة ما يجري

المرور من جهة والطايشين من جهة

لكن الشرهة على المرور الفاهم العاقل ما يفعل هذه التصرفات

[غيث بن بدر]

كفىىىىىىىىىىىىىىىىىىىى ورب الكعبة يالمرور ، مانبي زود مذابح ،
إسلك الطرق المؤدية لإيقاف تهور الشباب إلا المطاردة إلا المطاردة
إلا المطاردة ، وين دور المرور السري فعلوه لاتستطيعو مسك هؤلاء
الشباب إلا بالمرور السري ومتابعتهم ، وسبق إن قالها المسؤلين عندكم
أن للسيارات السرية دور كبير في الحد من المخالفات المروريه ،
اللهم ارحم المتوفى وصبر أبناءه من بعده ،
والله إنا حزينيين جدا من اللي حصل هذا المساء ، لكن الشكوى لله
دمتم بخير ،،،،،،،،

[سومي 90]

السبب كله من مبزره المرور الله لايوفقهم.... المفروض شغلهم تنضيم السير اللي ذبحتنا الزحمه موب ملاحقه المراهقين ولو يبونه صدز طلعوه مثل ماطلعو اخويانا بالربيعيه؟