[واتس]

اقتباس المشاركة الأساسية كتبها torki صدقني لو تشوف الأسعار وفارق الأسعار بالجملة والتجزئة ( كان ) يشيب راسك عطر جملته 15 ريال ينباع 150 ريال مكياج بــ ريالين ينباع 25 ريال شنطة درزنها 300 يعني بــ 25 ريال تنباع 90 ريال بصراحة عين الظلم و لا المصيبة يقول رافيع الأسعار بسبب الأجار طيب والمستهلك وش ذنبه انا عندي محل ولا أمدح نفسي أسعاري معقولة وأخذ ربح 10 % على كل منتج وفيه بعض المحلات تجي لمي تقول أرفع السعر والله هذا الي صاير ولا ننسى يتفاوت الربح على حسب جودة المنتج

كثر الله من أمثالك أستاذ تركي وبارك لك في رزقك

طيب محلات العطور للجمله في الرياض

فيه محلات غير شارع السويلم

والمحلات اللي عند الجامع الكبير في منفوحه



أما شارع المرقب للشنط والإكسسوارات أنا متعامله مع محل باصلوح
بس الفتره الاخيره ماعاد يجيب تقليد ماركات بسبب البلدية وتفتيشها للسوق ومصادرة جميع تقليد الماركات من شنط وساعات


وعندك محل الخاسكيه في شارع المرقب قبل محل الأفضل
يجيب تقليد ماركات درجه أولى وشغل نظيف



* كيف أعرف حسابك في الإنستقرام ؟

[torki]

أختي واتس

المرقب فيه محلات جديدة داخل المواقف من جنوب فيه تقليد ماركة درجة أولى ما تحضرني أساميهم
معرض الأفضل فيه عندهم تقليد ماركة درجة أولى وماركات جديدة غير مشهورة
لكن يعيبهم أنه بالدور الثاني واذا بغيتي تروحي خوذي معك محرم لأنهم ما يطلعون النساء لدور الثاني بدون محرم

وبالنسبة للعطورات بالرياض ما تعامل معها ... تعاملي مع باب شريف جده ممتازه واسعارهم طيبة

وبخصوص الواتس حساب المعرض على الانتسجرام راح أرسلة لك على الخاص

[حربي عابر دربي]

تركي الحريم مايهمهن السعر لاننا حنا الي ندفع ولوقلت لها السوق الداخلي يمكن تجيك ركله تخلي رآسك تحت ورجليك فوق >>> ياحليل حريمنا يحبن الماركات ولازم من العثيم او النخيل ... شكل ماركاتهم صح وبعدين فرق بالسمعة عن السوق الداخلي.. اذا قالوا السوق الداخلي يربطن بين السوق الداخلي وحراج المقاصيص >> هذا نظرت اغلب الحريم الي ملعوب عليهن


اقولك شي ياتروكي

من دخلت الحضارم اسواقنا خصوصاً سوق التجزئة ماعينا خير والبلاء جانا بعد التستر من بني جلدتنا

الله يعطيك العافية على الافادة والله يطرح لك البركة فيما رزقك الله

ياليت تفيدنا عن محلك على شآن انط في حلقك نوبتن من المرريت وتتشرف انت بمعرفتي على الطبيعة

[واتس]

أستاذ تركي /

الله يبارك لك في رزقك ويرزقك من حيث لاتحتسب

ايوه صادق فيه محلات جديده فتحت بس مافكرت اروح لها توقعت انها بتكون دبل السعر

مشكور ماقصرت نروح ونشوف بإذن الله

[حنو القصيميه]

بارك الله لك في رزقك
والله يسهل على من سهل على المسلمين
حسابك بالانستقرام كيف نعرفه؟

[بريداوي .com]

لا ياحبيبي انا ماراح اقولك فرقق معروف النخيل ياخذ والعثيم يرفعون السعر بسبب غلاء الأجار

اشتري مره عطر من مروج الزهور الي بَ العثيم ب 390 رحت لسوق الداخلي فرع مروج الزهور واشتريتة ب 299 !!!!!!!!!

نفس المحل والسعر يختلف للأسف ،،،

[فكــر]

:

تركى ..موضوع مفيد الله يوفقك .

وبخصوص فرق الاسعار حدث والا حرج

والحضارم والعمال لاعبين على الناس ..

والمشكله فى الحريم لا شافت السعودى يبيع كانه شايفه ..

لاكن العامل يالله من فضلك .. تااخذ راحته الى اخر ميانه
تركى :
اسمحلى اقول فيه تباين بين الصوره الرمزيه وصوره التوقيع
اكرر شكرى لك على الموضوعـ 

[ماريا علي]

^
طيب وش اسم محلك نشوفه )؛
_ اسااسا الواحد يشري من محلات معروفه وخ لاص
واغلب الي بالسوق الداخلي يلقى بالعثيم بالدور الفوقي حق اليمينه )؛

[Saleh_alkhuwaylid]

الشكوى لله

[ابي احج]

لوسمحت اخوي حط لنا حسابك بالانستقرام

خلينا نستفيد الله يوفقك

[دنيا مالها صاحب]

*موضوع يستاهل الطرح *
يعني مرره المبالغه بلاسعار خاصه النخيل بزياده بس ترا بضاعة النخيل فرق عن السوق الداخلي اما العثيم اجي معك ~(:

[torki]

اقتباس المشاركة الأساسية كتبها ابي احج لوسمحت اخوي حط لنا حسابك بالانستقرام خلينا نستفيد الله يوفقك

راح انزل الحساب لكن لم تكتمل الصور الخاصة بأغلب المنتجات
وقريب راح انزله هنا

[torki]

اقتباس المشاركة الأساسية كتبها دنيا مالها صاحب *موضوع يستاهل الطرح * يعني مرره المبالغه بلاسعار خاصه النخيل بزياده بس ترا بضاعة النخيل فرق عن السوق الداخلي اما العثيم اجي معك ~(:

والله يا أخيتي لو تروحي للجملة كان تموتي من القهر بالمبالغة بأسعار بعض المنتجات سواءً بالنخيل أو العثيم
بغض النضر عن جودة السلعة

[يارب رضاك الجنة]

لاتشترون افضل