[strowbreey]

بنات تكفون لا تنطشوني.
وين القى بوك رجالي بس يكون نوعيته ممتازه وجلد ممتاز. وتقريبا بكم ؟ الله يعافيكم ردو علي والي ماتعرف تسال اخوها ولا ابوها ودي اروح اشري بوك ممتاز بس مادري وين القى.

[نجمة الليل،،،]

هلابك اختي أتوقع تلاقي عند محلات الملابس الرجاليه

[strowbreey]

مشكورة نجمة الليل ويعطيك الف عافية .

طيب النخيل او العثيم مافيه محل زييين للمحافظ الرجاليه

لان صعبه علي اروح المحلات الرجاليه

[Light 5]

السلام عليكم
لله يعافيكم صبايا
المدارس والروضات الأهلية يداومون الاسبوع الجاي ،،،
وياليت تقوول لي اسماء المدارس والروضات ،،
لله يجزاكم الجنه ،،

[مانيمارس]

من تريد أكل منزلى نظيف ولذيذ تتواصل معى خاص .وترسل لى رقمها .

[wrood]

اقتباس المشاركة الأساسية كتبها ج12 منوره اممم شوفي من ناحية الفساتين انا افصل لان لبسي ساتر ولا القى بسوق .. ومافيه محلات ملابس فساتين الا بعثيم مانغو ولا الباقي محلات ابو يمن لك عليه :s اما من ناحية المشاغل فربينا اللي بشارع المشاغل حلو ... واذا تعرفين لنفسك ماله داعي تروحين ومنورتنا مره ثانيه

النووور نورك ياقمر .. مشكووووره وماقصرتي

مالقيت شي ابد يعجبن واذا اعجبني شي يطلع بفوق الـ 1000 وهو ناعم مايستاهل

طيب عنيزه فيها محلات لفساتين السهره ويين ؟ تكفووون صبايا دلوووني .. ترني مررره ماأعرف احد بالديره اابي معلومات كثيره عن المشاغل والمحلات

وشكراااا

[حلمي الجنه]

مساء الخير على الجميع.. انا ودي ادرس تمريض او سجلات طبيه في كليه بريدة الاهليه ودي اعرف متى يبدا التقديم للبكالوريس وهل يقبلون الادبي مع العلم اني خريجه ثانوي من عام 1428ارجو الاجابه ولكم دعوة بظهر الغيب ....

[سو21]

مرحباً بنات
ساعدوني ياحبيلكم لي سنتين ابي اسمن ماقدرت ابي اسمن وأبي تطلع لي ملامح أنثوية خاصة منطقة الصدر ابي أشياء مجربه ولا راح أنساكم من دعواتي

[اروى عبدالعزيز]

سلام عليكم ورحمة الله وبركاته ..

بنات بريدة بسألكم عن الوضائف بالنخيل بلازا محل "لاسنزا" انا قدمت على طلب وظيفة وعطوني أوراق قالوا لي لازم تروحين لـ عمدة الحي ! عشان يوقع لك على الورقة ! وحنا بحينا مافيه عمدة ؟ طبعاً حينا "الفايزية" ..

ممكن اللي تعرف وين مكان العمدة تقول لي ؟ مصيري واقف عليه ضروري أعرف وينه : (

+ الله يسعد على اللي بترد وتقولي ويرزقها من واسع فضله " اللهم أمين "

والسلام عليكم ..

[ورد الربيع]

الله يوفقك ياأروى لما فيه الخير .....

[كلاسيكيه]

السلام عليكم

اخواتي قررت ان ادرس بعد حصولي علي دبلوم محضرت مختبر

واردت قسم علم اجتماع

ولي اشهر احاول التسجيل لهذا القسم لكون جميع ميولي منقاده له

من منكم سجلت الان لدراسه عن بعد لتأخذ بيدي وتعلمني خطوه خطوه كيفية التسجيل

وفق الله كل من اعانه عبده

[كلاسيكيه]

ارجوا عدم نقل موضوعي لأي قسم فقد كرهت بشده نقل مواضيعي

بمنتديات اخري وخرجت منهم

[نوني نوني]

السلام عليكم
ممكن رقم مفرزنات بالقصيم الله يوفقكم ويفرج لكم من عنده
ضروري وشكراً مقدماً ❤❤

[اعقل ياخفوق]

السلام عليكم ورحمة الله وبركاته ..

انا خريجة ثانويهه ..

حبيت استفسر عن قسم علم النفس .. بشوف كم النسبه المطلوبه ..
ومتى يبدا التسجيل ..
ولا ندبر واسطات ..