[حموي19]

السلام عليكم ورحمة الله وبركاته

اخواني الكرام،،،

اريد ان اجمع قاعدة بيانات عن اماكن المشاكل في التغطيه داخل بريده حتى اعطيها للشركه لتحل المشكله فلقد حادثتهم وقالو ان لديهم قسم الشبكات متواجد في بريده وهو يحاول حل مشاكل اغلب العملاء

ولاكن حتى استطيع ان اخدمكم يجب ان توفرو لي احداثيات الموقع و اسم الحي و رقم جوال التواصل ونوع المشكله

مثال عام لطريقة ارسال المشكله :
1- اسم العميل :
2- رقم جوال العميل للتواصل:
3- احداثيات موقع واسم الحي :
4- في اي نوع من الشبكات المشكله ( 3G - 2G -4G) :

[MARK="#CCCCCC"]تنويه طريقة جلب الاحداثيات:
اما من خلال جهاز القارمن GPS
أو من خلال دخول موقع جوجل الخرائط
maps.google.com.sa
ومن ثم التقريب بالماوس الى ان تصل الى الموقع التي توجد فيه المشكله في التغطيه
والضغط على زر الماوس الأيمن على الموقع واختيار الخيار الأول (الأتجاهات الى هنا )
ومن ثم تظهر لك قائمه فيها رقمين طويلات يفصل بينها فاصلة مثال (26.371647,43.937942 )
انسخهم[/MARK]



تحياتي

[عبد العزيز2007]

لا أنصح بإعطائه أي معلومات
لأن طريقته غير رسمية

والمعلومات حساسة ونحن نخشى أن تستغل المعلومات


وأي شخص عنده مشكله بالتغطية يتصل على 1100 ويقدم بلاغ رسمي

[غشمشم15]

جزيت خيرا

[حموي19]

اخي عبدالله صح كلامك وعشان كذا انا رايد الخير لاهل بريدة

راجعو الفرع وارفعو طلبات الي عنده مشكله

تحياتي

[دفا..]

اقتباس المشاركة الأساسية كتبها حموي19 اخي عبدالله صح كلامك وعشان كذا انا رايد الخير لاهل بريدة راجعو الفرع وارفعو طلبات الي عنده مشكله تحياتي

شكرا على رحابة صدرك

وقبولك للنقد

وهذا اللي ينقصنا في المنتدى

لانه لو غيرك يمكن مايرضى ويحول الموضوع شخصي وسب شتم

وكلام اخونا عبدالعزيز 100%

لان هذي معلومات حساسة ويصعب اعطائها لاي شخص تحت اسم مستعار



اقترح عليك
اخذ اذن من الادارة والتواصل معهم يمكن يسمحون بالموضوع تحت اشرافهم

ولجميع الشركات
موهب موبيلي بس


لان هذي خدمة تشكر عليه

[نايف123]

والله غريبة التغطية ضعيفة انا عندي اثريجي بالصفراء والشبكة ضعيفة مادري وش الحل

[طائر المساء]

والله انكنم مهايطيه معلومات حساسة؟لايكون البنتاجون على غفله الحمدلله والشكر الاحداثيات موجوده بالقارمن لو احد بغاه ماجاء يقولكم وينه بريده معروفه من ساسه لراسه خلوكم من الهياط تسمعون بالمعلومات السرية

[عبد العزيز2007]

اقتباس المشاركة الأساسية كتبها طائر المساء والله انكنم مهايطيه معلومات حساسة؟لايكون البنتاجون على غفله الحمدلله والشكر الاحداثيات موجوده بالقارمن لو احد بغاه ماجاء يقولكم وينه بريده معروفه من ساسه لراسه خلوكم من الهياط تسمعون بالمعلومات السرية

يعني عادي أخذ معلومات (الاسم+الجوال+الاحداثية +...) عنك أو أحد من أهلك (اخت او اخ)


؟؟؟

رد يا مهايطي

[samory]

انا من سكان حي الربوة اللي خلف فندق السلمان فيه بعض الأماكن منخفضة مع العلم انا ساكن دور علوي ومع ذلك التغطية سيئة الى درجة مع العلم ان اذا وضعت الجوال على الأرض تختفي الابراج لازم ترفع الجوال على طاولة أو على أي شي اهم شي لايكون بالارض وحتى اذا نزلت الى الشارع الابراج ضعيفة وتغطية 3g ضعيفة .
يالله عاد وين شركة موبايلي ليتهم يسوون دراسة ويشوفون الاحياء اللي فيها التغطيه ضعيفة ويعملون على تقوية الارسال وتغطية 3g

[لك هاجس الذكرى]

سلطانه الشرقيه تعبانه التغطيه

[alii]

حق ولدي ضعيف جدا

[أبورامي]

موبايلي وغيره من المشغلين يعرفون المناطق جيداً التي لاتعمل بها الشبكات أو يوجد ضعف بالشبكة
فياليت الموظف المختص يشوف شغله ويشتغل زي الناس