[&الحلــم المستحيل&]

السلام عليكم جميعاا..

حبييت انقلكم عن مهزله صارت بكليتنا (كلية القصيم الاهليه ) عميدها المشيقح سابقاً واللحين الغنيم

بددددخل بالموضوع على طووول

انا طالبه ادرس فيها قسم انقلش .. واللي يدرسوننا اغلبهن باكستانيات ماندري منيين جايبينهن
راح احكي لكم عن قصتنا مع استاذه المتألقه اسمها ((إشرات))
الاخت حامل وولدت بنص الترم وجلست شهر وعشره ايام نفاس ولا احد جاء بداله يكملنا المنهج طبعا طلعت من النفاس بأيام الاخيره من المراجعات ..
وجت تحدد لنا الفايينل وحنا اصلا ماخلصنا الماده :/ طبعا حذفت الباقي من راسه
لانو مايمديهاا ..

جت ايام الاختبارات ويا للسخاافه مسكت مجموعه من بنات القاعه وغيررت التحديد حق الفاينل تقريبا ست بنات بس حددت معهم من 30 طالبه
خلونا من التحديد مشيناها حنا الطامه الكبرى تقول للبنات اعطيكم الاسئله تعطوني 100 ريال تبيع الاسئله ب 100 ريال البنات مانقدر نقول دفعو له او مادفعو لان ماشفنا واعتقد البعض سواه واشترى الاسئله منه ..

المهمم اختبرنا الماده والاسئله كانت جداً تلحسس المخ جداً صعععبه اغلب القاعه طالعه مرره بهم الصيحه كل البنات مسلمين الاوراق فاااضيه والكل منصددم بيوم الاختبار هذااا ماسكتو راحو لممه كلهم وانا معهمم ضحكت الاستاذه السقيييمه تدرون وش ردة تقول ابغى ذهب ولا فلوس !! علشاان تنجحهن


بعد كم يوم رحت لمه انا بنفسي قلت فيه احد راسب قالت الكل تقريبا حامل الماده شافتن عصبت شوي قالت خلاص ناجحين قلت جدد قالت كلكم ناجحين وتضحك


ويوم صار وقت النتايج وانصدم الاغلبيه نجحححت وتقريبا 4 طالبات حملو الماده طبعا انا من اللي حامليين

طار مخخي ياخخي شلوون كذا الكل ماحححل والله ماحلووو اغلب القاعه ماحلت ابدددد والاختبار صععب والتحديد مغييير شلون كذا؟؟؟

اعتقققد انه واضحححه المهزززله

عطوها اللي تبي وعطتهم اللي يبون

طيب وش ذنبي لاصرت اخاف الله ورفضت طلبك؟؟

للاسف رشوووه وظلم سححححقاً للجامعه

مايصييير كذاا والله نسككككت درجاتنا راحت بالهووى

[الزنقب]

للاسف هذا المدارس صارت محل لتعليم الغش والرشوه والماديه المقيته

اذا كان هدف التعليم ان يعلم القيم والمبادي ويربي عليها

ثم يعلم العلم


فكيف بالله يكون مثل هذا الوضع


هل تربون ابناءنا على الغش ؟؟

هل تربونهم على الماديه والانتهازيه ؟؟

هل تجعلونهم لقمة سائغة بيد ضعفاء النفوس من الاساتذه الماديين ؟؟




الحقيقه اننى لا استطيع ان ادخل بذمتى شي ..

فأنت المسؤله عن هذا الكلام



ولكني لا استبعد ان يحدث هذا في بعض المدارس الخاصه المعفنه


ولا ننسى اننا سمعنا عن الدكتور المزور ..



شخصيا

اقترح على الاباء والامهات ان يبتعدوا عن التعليم الاهلي

لانه تعليم فاشل بكل ما تحمله الكلمه من معنى


ومما يدعو الى الاستغراب


سكوت وصمت مؤسسات التعليم الحكوميه عن امثال

هذه المهازل واللعب

[حربي عابر دربي]

مابني على باطل فهو باطل > قاعدة عامة

انتي رسبتي بجداره لانك ما اجبتي صح

ويمكن فيه بنات نجحن بالغش والرشوة


اكتبي كل شي وجيبي شهود وخاطبي ادارة الكلية

[الكدري]

يالله دخيلك مابقى شي ما راح
وين الأمانه المهنية

[أبومزيد]

ههههههههخ
الله يعين على الكليه الفاشله
انا متخرج منه ،مهزله ، وخاصه البنات نسمع الهوايل
الله يعينكم ،
الاسف اربع البنات ماجبن ذهب قصدى درجه حلوه

[ahmed.k.r]

الشكوى لله

[&الحلــم المستحيل&]

أنا لو اعرف لمين اروح غير العاده اللي عندنا
اللي عندنا مايسون شيء مايهمهمم شيء. وش عليهم اخذين منصب ومخلصين

ابي مكان اقدر اروح اقدم شكوتي لهم مستحييل بسكت. بالسهوله ذي

[المواطن]

خطاب شكوى الى وزير التعليم العالي


بس الشكوى التي بدون شهود او اثباتات ماتنفع


قبل سنه سمعت ان فيه بنات من كلية عنيزه اشتكو العميده حقتهم


وتم نقلها او فصلها وجابو عميده بدالها

[فارس بريدهـ]

اول مره اسمع فيه كذا
مع العلم اني ادرس بالكليه وعقب العمداء الجديد صارت الكليه صح
يطبقون عندنا القوانين بحذافيره , ومانقدر ناخذ اكثر من 19 ساعه ومع العلم ان جامعة القصيم الحكوميه يسمحون ياخذون اكثر من 20 ساعه !!
والترم الي راح مافيه شي اسمه ملخص
يعطوننا كامل المنهج وبعض المناهج 400 ورقه

بالنسبه لوضعك الدعوه بسيطه راجعي عميدة القسم او عميد القسم ويحل مشكلتك

بالتوفيق للجميــع

[المواطن غيور]

مثل ما ذكر اخي حربي عابر دربي واخي المواطن انتي تجنين عدم اجابتك وبالتالي رسووبك كما ذكرتي. بكل بساطة اشتكي بشكل رسمي وتذكري ان اتهام الناس من غير دليل يعتبر قذف. لو انا محلك اذهب الى المسؤول في الكلية واقدم شكواي

[7moode]

طيب ليش تدخلين جامعه اهليه ومعروف الجامعات الأهلية يمشون كثير ؟؟

[شهبندر]

طيب تقدموا بشكوى بالأدلة والشهود

بصراحة هالكلية أي كلام

[alii]

كله لعب بلعب

[مع اجمل تحيه]

ارفعو خطاب للوزاره بأسمك وأسم الطالبات وقبل كل شئ ارفعي ادينك لله