[سطوع الكون]

السلام عليكم ورحمة الله نحن سكان حي النهضة نعاني من ازعاج وخطر شركة الكهرباء ضجيج مستمر ليل ونهار نناشد أميرنا المحبوب ونائبه في النظر في حالنا ومعالجة هذه المشكله أنا سكنت في هذا الحي من ثلاث شهور تقريبا نهاية الشتاء وعند بداية الصيف تفاجات بازعاج لا يحتمل حتى النوافذ والأبواب تهتز لان بيتي قريب جداً والمشكله إن البيت شريته عن طريق البنك والآن هو ملك للبنك حتى تنتهي الإقساط والله كرهت البيت بسبب الإزعاج اتمنا من المسؤليين ايجاد حل لنا وشكرا ...

[Abo khald]

الله يعينكم ،،،

[torki]

الله يعينك وين عقلك يوم تشري البيت لا تزعل مني وانا أخوك لكن
أي واحد يبي يشتري بيت يركز على الجار ثم الحي ثم عوامل الخدمة القريبة من البيت وعوامل الضرر المحيطة بالبيت وهذا بعد قناعك بالبيت بشكل كبير

فعلاً مشكلتك مشكلها ما لها حال ؟؟؟ ما أقول إلا الله يعينك على بلواك

[klied]

ليس لديك حل سوى تغيير النوافذ وتركيب جديدة بعازل قوي جدا للاصوات والاهتزازات

والافضل تجريبه بااكثر الغرف ضجيجا حتى لاتكون الخسارة كبيرة

[سطوع الكون]

زي ماقلت ياأخوان شرينا البيت ايام الشتاء وكان كل تفكيرنا نملك بيت وماكان لها صوت الظاهر ما تشتغل الا في الصيف طبعا شرينا البيت بعد ما استخرنا الله المستعان بس أقساط تكسر الظهر وإزعاج لايطاق بيتنا للأسف جنب الكوبري يعني في وجه المدفع أشكركم جميعا والله يعينا على بلوانا ...

[Abo khald]

يا torki... قالت لك انها شرت البيت في الشتاء ومافيه اصوات ...
والأصوات غير متوقعه ومستحيل تفكر فيها ....
الا اذا صارت نابغه مثلك .

[نجمة الليل،،،]

مومعقوله ان ثقافتكم زيرو تسكنون جنب شركه كهرباء وماتدرون انها مزعجه حتى لو كانت طافيه معروفه انه مزعجه وهنا يكمن بيت القصيد بكلام اخوي تركي ليش ماسالو عن الحي لانه اكيد اصغر ساكن بالحي بيوجههم
وشكراً

[Abo khald]

.... انا عن نفسي اعتبره (سوء حظ ) وليس خطأ .
سؤال / هل عمرك سمعتي ان فيه ناس تأذوا من اصوات محطة كهرباء ؟ ( مع العلم انهم اشتروا البيت ومافيه اصوات )

لو كان عن الجيران او الخدمات ممكن اقول خطأ في الأختيار


... وحتى لو كان خطأ ... المفروض الرد مايكون كذا ( وين عقلك ) ؟

[Abo khald]

اقتباس المشاركة الأساسية كتبها نجمة الليل،،، مومعقوله ان ثقافتكم زيرو تسكنون جنب شركه كهرباء وماتدرون انها مزعجه حتى لو كانت طافيه معروفه انه مزعجه وهنا يكمن بيت القصيد بكلام اخوي تركي ليش ماسالو عن الحي لانه اكيد اصغر ساكن بالحي بيوجههم وشكراً

مزعجه حتى ولو كانت طافيه ؟
لغز يحتاج جواب ....

[نجمة الليل،،،]

اقصد انها معروف عنها ازعاجها لو هي طافيه واهل الحي ادرى بشعابها يعني مادرو انه شركة الكهرباء حولهم !!!!!؟

[Abo khald]

اقتباس المشاركة الأساسية كتبها نجمة الليل،،، اقصد انها معروف عنها ازعاجها لو هي طافيه واهل الحي ادرى بشعابها يعني مادرو انه شركة الكهرباء حولهم !!!!!؟

أولا - الأخت تكلمت وقالت ان بيتهم هو( الأقرب ) يعني البقيه غير متضررين او الضرر قليل ...

ثانيا- القراءة مابين السطور مهمه ... لأن الأخت هي اللي اشترت البيت يعني ان مافيه رجل يسئل لهم ...

[torki]

خلاص يا ابو خالد رح اشتر البيت وريح راعية الموضوع من الازعاج الي تواجهة
واتمنى يكون عندك لباقة في الرد على الاعضاء لانه بالنهاية يعكس شخصيتك وثقافتك

[عبدالله]

يجب أن يكون فيه حلول جذرية

[سطوع الكون]

شكرا لكم جميعا أدري إن غلطنا بالشراء في هذا الحي لكن قدر الله وما شاء فعل أصلا نسينا إن حولنا شركة كهرب كل همنا نشري بيت وبس لكن للأسف لم نوفق والحمد الله على كل حال وصدق الشكوى لغير الله مذله
استغفر الله العظيم الذي لااله الا هو الحي القيوم وأتوب اليه