[رفيف الصغيره]

السلام عليكمم
اخواني ابي منكم خددممه
ابي محل يبيع شوكلاته للعيد يكوون فخم
انا كنت باخذ من سعد الدين لكن مادري مانصحوون فيه
ليت كل من عنده خبره يعطيني خبر واكوون شاكره لكم

[سلاف@]

باتشي


الأرياف فيه نوع شوكلاته لذيذه

[اللهم اغفر لنا]

والله وانا اخوك الناس اذواق

انا اقول لو تروحين وتاخذي نظره عليهن احسن لك وراح يعطونك للذواقة كم حبة

منها تكسبي ذواقة مجانية ومنها تشوفي الي يعجبك انتي مو يعجب الناس

انا عني اشوف سعد الدين ممتاز

وبعدها باتشي , وبعدها بيت الشوكولاتة في طريق النهضة ( هذا شوكولاته بلجيكية )

[الكدري]

وشولة الفسق ((( العليان وحق التخفيضات بعد الي بعشرة )))

[معاند الروح]

أختي والله أنا أشوف فيه محل علي زحمة وموقعه أمام قصر العزيزية على طريق الشاحنات!
لكن ياإخوتي كانكم تبون اللي يوزن بالكيلو للعيد فلاتتعدون الهليس ودلفن.......الخ! بشارع المياه الجنوبي! أرخص ولا بالفرق من المحلات الأخرى للمكسرات والحلاو وغيرها ( وبعدين يصير روحتكم حج وقضيان حاجه فيه محلات الجملة لكل مايتعلق بالأسرة من لباس وهدايا وبلاستيك وموادغذائية وكريمات وشامبوهات ومستحضرات تجميل وعناية بالجسم ووو الخ ) بس الله يخليكم يجب أن يكون معكن محرم لأن المحلات كبيرة ويرتادها أكثر شيء أصحاب المحلات اللي بالسوق من الرجال وأناأغار على بنات ديرتي وغيرهن! والله يوفق الجميع لما يحبه ويرضاه!

[رفيف الصغيره]

يعطيكم الف عافيه
بس وش اسمممه المحل الي قدام العزيزيه

[بريداويهه دبتسه]

وقت الشوكولاتة

هو اللي قدام العزيزيه على ما اعتقد

أنصحك فيهه

[شموخ نجد]

ديليشز طعم وشكل وترتيب وغريب ومميز ولا له فروع كثيرة على طريق عمر بن الخطاب ماله منافس بس غالي حبتين

[نصراوي عسل9]

ياحبكم للحلاو خوذي حلاو بقر أو تويكس والحمدلله كله سكر