[O X Y G E N]

اقول محتار .. عفوا أميرة .. حنا ماعندنا مستشفيات كبيرة عندنا مستشفى واحد التخصصي واغلب الي يراجعونه من محافظات القصيم ، يمكنك غلطانه ، يمكن متوظفة في مدينة ثانية وتحسبينه بريدة

[ااميره]

اقتباس المشاركة الأساسية كتبها o x y g e n اقول محتار .. عفوا أميرة .. حنا ماعندنا مستشفيات كبيرة عندنا مستشفى واحد التخصصي واغلب الي يراجعونه من محافظات القصيم ، يمكنك غلطانه ، يمكن متوظفة في مدينة ثانية وتحسبينه بريدة

لازم نقول اسمه يعني نعم التخصصي تخصصي بالاسم فقط
ليش انتم اي شي موب زين تقولون من محافظات القصيم ههههه

[متأملة......]

اميرة هههههههههههههه حسيت انك زوجته وتبي تصرفين نظره عن النقل..........


تكلمي حبيبتي براحتك وقولي كل الي بخاطرك
متعودين...............اجزم واكاد احلف انك من وسط بريدة............
لاني اعرف كم ةعينة مثلك

يااااااارب يجيك نقل وتنقلين..........

[ااميره]

اقتباس المشاركة الأساسية كتبها متأملة...... اميرة هههههههههههههه حسيت انك زوجته وتبي تصرفين نظره عن النقل.......... تكلمي حبيبتي براحتك وقولي كل الي بخاطرك متعودين...............اجزم واكاد احلف انك من وسط بريدة............ لاني اعرف كم ةعينة مثلك يااااااارب يجيك نقل وتنقلين..........

متأملة ياقلبي بريده كلها ماتجي حي من احياء الرياض مافي داعي يقسموها شرق ووسط وغرب
الاخ يسأل وكل عضو راح يقول راية ومن حق اي وحده تقول رايها
ولاننسى النلس الطييبين ببريده يريده فيها الصالح والطالح

[شموخ نجد]

ما أنصحك بالنقل لبريدة خاصة ممكن تتعايش مع عنيزة البكيرية الرس بس هنا فيه تعصب

مزاجية في الحكم سهولة إلقاء التهم وإشاعتها يعني تضن أن فلان فيه كذا تمشي وتذيع

ما يبون إلا بعض وحتى بعض ما يبونهم ههههههه

فيه نماذج رائعة لكنها برضه عايشه في محيطها ما ترحب بعناصر من برى

اعرف كثير نقلو لبريدة من الرياض وانبسطوا مرة بس لأن أهلهم أصلا هنا

تبي نصيحتي شف وين أهل زوجك ساكنين تنبسط زوجك وعيالك وبالتالي تنبسط أنت ههههههه

مب مشكلة بريدة التسوق ولا المطاعم اللي فيها فيه بركه والآن كلش طلبية من النت

المشكلة في تقبل العنصر الخارجي فورا يصنفون فكرة نوعه يحطون فيه نون وما يعلمون

وعادي من ديرتهم يطبون فيه ما عندهم مشكلة سهله الهجوم لى أي شخص

غير الاهتمام الزايد بخصوصيات الآخرين (( الشرافة الممقوته)) وفي المقابل جحادة مالها داعي


اذا انت غير اجتماعي انقل راح تتأقلم جدا

[حربي عابر دربي]

تبي تجي والا امشي

[لا أحد]

اقتباس المشاركة الأساسية كتبها ااميره انا بنقلك تجربتي انا من الرياض وجاء تعييني ببريده ترددت كثير لكن الفرصة تجي مره واحده انا تعينت بالمجال الصحي واعمل في احد المستشفيات الكبيره ببريده من سنه انا قضيت سنه الامتياز في الرياض لكن الوظيفة ببريده بصراحه هناك فرق شاسع فرق السماء عن الارض حاولت النقل تكراراً ومراراً ولكن بدون فائده وافكر الان بتقديم استقالتي من العمل ودفن تجربتي البائسه في هذه المدينه الحالمة هههه بريده تختلف جذرياً عن الرياض واحس المقارنة بينهما ظلم كبير بريده تقدر تقارنها بعنيزه احس انهم نفس العادات والتقاليد بحكم القرب بينهم طبيعة البشر مختلفة طريقة التعامل مقززه اخي محتاار انا سمعت عن العنصرية والتعصب ولكن لم اشاهدها اطلاقاً الا في بريده تعصب وحقد دفين على بعضهم البعض ولا يتأقلمون مع الاشخاص الذين اتوا من خارج المنطقة المدينه يغلب عليها الطابع الديني المتشدد المتزمت ( اذا انت انفتاحي لاتفكر مجرد تفكير بالنقل ) وهاذي مشكلة اغلب سكان مدينه الرياض انهم انفتاحيين وغير متزمتين ودرجة التشدد لديهم منخفضة جداً باستثناء احياء شرق العاصمة ( السلام والريان وغيرها) لان سكان هذه الاحياء نسخة كربونية لاهل القصيم المدينه صغيره وغير مرتبة عدد المولات لايوجد سوى اثنين المطاعم قليلة وغير مريحة المشاغل النسائية على الصامت الاخوان المتدينين يشكلون تقريباً اكثر من 70% من سكان المدينه والمشكلة ليس بلمتدينين ولكن بالتشدد الزائد الذي يولد الانفجار لايوجد احترام متبادل بين الجميع ( من خلال عملي يمر علي مئات المراجعين يومياً من الجنسين ) عندي كلام كثير ودي اقولة لكن راح ارسلك ايميلي على الخاص وراح انقلك تجربتي المؤلمة المريره في هذه المدينه البائسة لاني اعرفهم جيداً راح يزيلون الرد ويوقفون العضوية وهاذي عانيت منها في اغلب المنتديات القصيمية فقط لاني كنت ابحث عن معلومات عن مدينة بريده قبل اسكن واستقر فيها للعمل عكس المنتديات الاخرى تقول ماتشاء بدون توقيف او شطب العظوية اخي لاحظ بعض الردود وراح تعرف ان كلامي صحيح اقرأ الردود جيداً وراح تعرف انهم ماا يحبون احد يختلط معهم يحسبون بريده لهم بس لا ونسيت اقولك كلامهم يلوع الكبد رجالهم تحسهم بناات من الميوعه اللي فيهم اشكالهم جياكر ويخوفون اقصد كلامهم لا احياناً يجيك واحد يتكلم قصيمي وياكل علوك هههههه لا احد يزعل من كلامي هاذي الحقيقة والحقيقة مره والاخ يسأل ولازم نجاوب على سؤاله بكل صراحه واخيراً ادعولي انقل للرياض وافتك

كلام الأخت عن العنصريه و التعصب صحيح, أما بخصوص التشدد, فأنا أسميه "تطرف" لأن التشدد شيء إيجابي و ليس سلبي .

[لا أحد]

اقتباس المشاركة الأساسية كتبها شموخ نجد اذا انت غير اجتماعي انقل راح تتأقلم جدا

100%

أفضل جواب على إستفسارك .

[ماريا علي]

اقتباس المشاركة الأساسية كتبها ااميره لا لا احياناً يجيك واحد يتكلم قصيمي وياكل علوك هههههه

سبحان الله قصصيمي ؟
علوك ؟ هه اضحكوا تراو ياكل علوك ):
_
اذا كنتي بتقارنينه بالرياض شيء طبيعي كان تقعدين قرن تكتبين الفروق ،
واحس هذي طبيعه عملك والمفروض تتحملينها خصيصا بالتخصصي استغفر الله بس

[...flbynoo...]

أنا ماراح اتكلم عن بريده لأنه مدينتي أفضل مكان بعيني
لكن بكل مكان الزين والشين وممكن نصيبك ورزقك ربي كاتبه بجيتك للقصيم
وما أشوف شيء من اللي قالته الأخت أميره واذا الشخص جاي عن كره للمكان بيتخيل كل شيء سيء

النقطه المهمه أنك تجي يومين ثلاثه تشوف المنطقه والناس بنفسك وبعده تستخير
والله يكتبلك اللي به خير لك ولعائلتك ويرزقك من واسع فضله

[عزتي في شموخي]

الله يعينك بس

اذا خرجت خارج بريدة أحس بارتياح

وأتمني نسكن خارج القصيم

ولا بالعيد انواع الطفش لو تحلت جثه بالشارع مادرو عنها

غير سياحية وانواع الطفش

[ابونواف 1889]

اذا تبي نصيحتي خلك بالرياض
بريده ماتصلح للشخص اللي جاي من برا المنطقة
بريده تصلح للشخص اللي من حينه ببريده
بريده مملة جداً ولابه شي جديد
بالنسبة للعنصرية موجوده في كل مكان بالسعودية لكن راح تلاحظها في بريده بشكل اكبر
بريده هادية جداً مدينه صغيره مقارنه بالرياض
اذا تبي رايي الشخصي لا انصحك بالنقل ابداً مع اني ما اعرف ظروفك لكن مهما كانت الظروف بريده ماتصلح لاي شخص جاي من برا المنطقة لانه راح يقارنها بالمدينه اللي اللي كان ساكنها قبل النقل

[الجوهره2]

بريده اقدر اختصرها لك في هذه النقاط
انواع التسلط
انواع البلاهه
انواع الاكتئاب
انواع التشدد
انواع اللقافة
انواع حب الاستطلاع
الاباء تشدد غير طبيعي
الابناء انفلات غير طبيعي ودشره
شباب بريده حلمة جيب ربع
بنات بريده حلمها تروح تشتري من اسواق الرياض
كل شي عندهم عيب حرام
لاتعلمون ابو علي
لاتدري ام علي
محيطهم ضيق ومغلق
مايحبون التجديد
روتينهم واحد
شبابهم يجمع فلوس من امه وابوه ( اقصد العاطل ) عشان يشتري عزبة بر من السنيدي هذا طموحه
شبابهم اللي عندهم وظايف يجمع رواتبه وبروح يخيم بالبر مع اخوياه ويصور حتى الحجر والشجر واذا رجع وزع صور رحلتوه على المنتديات
شوف شباب الرياض وجده انواع الاتيكيت سفريات للدول الاوروبية ولشرق اسيا ولتركيا والمغرب واللي مايروح فيهم ولا يحب يسافر يروح دبي
اما شباب بريده الله يخلف على امهاتهم حدوه الربيعية ولا النبقية لا وتلاقونه مبسوط اخر وناسة قدر الضغط عندوه اغلا من زوجته
اللي يرفع ضغطي يتجمعون عند محطات البنزين ومطلعين نص العفش يعني شوفوني انا رايح للبر
اتمنى من الشباب وخاصة الجيل الجديد يغيروا تفكيرهم ويندمجوا مع شباب الرياض وجده ويتعلموا معنى الانفتاح واالحرية ترى ملينا يجيك الواحد لابس قميص نوم مخطط كنه ماني قايلة ولابس الشماغ اللي تخرع كنها شماغ فلسطيني ويربطها على راسة بطريقة مخيفة كنه يماني متخلف
تفكير عقيم
ديره مغلقة ومكتومة
بعد كل الكلام اللي كتبته اتوقع انك ماراح تفكر مجرد تفكير بالنقل انا كتبت الحاجات اللي انا اشوفها امامي في كل مره اخرج من البيت اذا انا رايحة للسوق او لاي مكان اخر واي شخص عايش ببريده ومنصف ولايحب الا قول الحقيقة راح يقول الجوهره صادقة في كل حرف كتب في هذا الرد
اتمنى لك التوفيق من كل قلبي

[شموخ3>]

سبحان الله أهل بريدة هم من يشوه صورة اهل بريدة فعلا شيء غريب
بعض الناس عنده شعور بالدونية غريب وده ينسلخ من جلده ويتبرأ من اهله بأي طريقة ولأي سبب