[شموخ3>]

تذكرت سودانية ساكنه بجدة من فترة طويلة تقول كنا ميتين جوع وما نلقى شغل نكسب من وراه وكانوا يقولون القصيم فيها شغل بس أهلها مايبون الحريم يمشن بالشارع ولا يلبسن ذهب وانهم مثل طالبان فكنا خايفين مرة لين وحدة من صديقاته جت القصيم واكتشفت الكذب الصريح والافتراء وشجعته انه تجي هي وعائلته يشتغلون بالقصيم فجت على مضض بتجرب وترجع الا انهم لم يعودوا لجده أبدا

[الجوهره2]

اقتباس المشاركة الأساسية كتبها شموخ3> سبحان الله أهل بريدة هم من يشوه صورة اهل بريدة فعلا شيء غريب بعض الناس عنده شعور بالدونية غريب وده ينسلخ من جلده ويتبرأ من اهله بأي طريقة ولأي سبب

لاتشوية ولا شاهي ولا شي هاذي الحقيقة
مو شعور بالدونية ولا بالدونات ولا بالديوانية ههههه
حب للتغيير فقط
بريده بلد متشدد باقي بس يحطون بوابات لبريده ولا يدخل الا اللي معوه بطاقة
طبعاً فية شروط للدخول ماراح تنطبق على الكثير
الجيل الاول ولى بدون رجعة الحين الدور على الجيل الجديد جيل ماك وهرفي جيل الكت كات والبايسون ممكن كتابتي مو مرتبة لاني دخلت ونا مشغولة

[...flbynoo...]

اقتباس المشاركة الأساسية كتبها الجوهره2 بريده اقدر اختصرها لك في هذه النقاط انواع التسلط انواع البلاهه انواع الاكتئاب انواع التشدد انواع اللقافة انواع حب الاستطلاع الاباء تشدد غير طبيعي الابناء انفلات غير طبيعي ودشره شباب بريده حلمة جيب ربع بنات بريده حلمها تروح تشتري من اسواق الرياض كل شي عندهم عيب حرام لاتعلمون ابو علي لاتدري ام علي محيطهم ضيق ومغلق مايحبون التجديد روتينهم واحد شبابهم يجمع فلوس من امه وابوه ( اقصد العاطل ) عشان يشتري عزبة بر من السنيدي هذا طموحه شبابهم اللي عندهم وظايف يجمع رواتبه وبروح يخيم بالبر مع اخوياه ويصور حتى الحجر والشجر واذا رجع وزع صور رحلتوه على المنتديات شوف شباب الرياض وجده انواع الاتيكيت سفريات للدول الاوروبية ولشرق اسيا ولتركيا والمغرب واللي مايروح فيهم ولا يحب يسافر يروح دبي اما شباب بريده الله يخلف على امهاتهم حدوه الربيعية ولا النبقية لا وتلاقونه مبسوط اخر وناسة قدر الضغط عندوه اغلا من زوجته اللي يرفع ضغطي يتجمعون عند محطات البنزين ومطلعين نص العفش يعني شوفوني انا رايح للبر اتمنى من الشباب وخاصة الجيل الجديد يغيروا تفكيرهم ويندمجوا مع شباب الرياض وجده ويتعلموا معنى الانفتاح واالحرية ترى ملينا يجيك الواحد لابس قميص نوم مخطط كنه ماني قايلة ولابس الشماغ اللي تخرع كنها شماغ فلسطيني ويربطها على راسة بطريقة مخيفة كنه يماني متخلف تفكير عقيم ديره مغلقة ومكتومة بعد كل الكلام اللي كتبته اتوقع انك ماراح تفكر مجرد تفكير بالنقل انا كتبت الحاجات اللي انا اشوفها امامي في كل مره اخرج من البيت اذا انا رايحة للسوق او لاي مكان اخر واي شخص عايش ببريده ومنصف ولايحب الا قول الحقيقة راح يقول الجوهره صادقة في كل حرف كتب في هذا الرد اتمنى لك التوفيق من كل قلبي

معليش كلامك يبين أنك أنتي اللي تفكيرك عقيم
ومنغلقه وتفكيرك محدود وحاصره تفكيرك بالتفتح والسفرات وأوروبا
كل شخص حر باللي يحبه سواء تراب بحر عزبه لكل شخص مايهواء ويصرف فلوسه ياللي يحب
اذا مايعجبك انتي حره وهم حريين , وكل كلامك مبالغ , ومسألة الاتيكيت مو لازمه لشبابنا هم كذا حلوين

[شموخ3>]

[السهلاوي]

اذا انت تتكلم من ناحية الجيران وكذا مااعندك احد قليل المواصل واذا على العنصريه حدث ولاحرج وانت استخر اهم شي والا الرياض حلوة لكن مشكلته الزحمه

[ااميره]

اقتباس المشاركة الأساسية كتبها o x y g e n يالله .. كم أنت رائع .. أشكرك فعلا .. على أنك اخذت رأينا وتبغى نقوله لك بصراحة .. واكيد راح تقتنع في الكلام الي بنقوله لك بحكم أنك ماتعرف شي عن بريدة فقط تسمع وأنك عطيتنا موضع الثقة أنا وباقي الأعضاء عشان نحدد مستقبلك .. عموماً أنا من رأيي انك تجلس في مكانك ( ليس خوفاً عليك لأني ماعرفك أوكرهاً لبريدة لأنها ديرتي ) وحاول بقدر المستطاع أنك تحسن من ظروفك ولو كان بالإمكان تضع ظرفك في موضوع لعلى وعسى أحد الأخوان يساعدك وتجلس في مكانك وماتتهور وتجي .. ولو لاسمح الله وقدر ، والله قادر على كل شيء وجيت ، أتمنى أنك تشوف أحد المحافظات المجاورة لمدينة بريدة وتستقر فيها ، وياليت الكثير أمثالك أنهم يستاذنون قبل يقلطون ..

ماخرب بريده ونشر التعصب فيها وخلاها منبوذه ومكروهة من جميع مناطق المملكة الا هذه الاشكال

[حربي عابر دربي]

اقتباس المشاركة الأساسية كتبها ااميره ماخرب بريده ونشر التعصب فيها وخلاها منبوذه ومكروهة من جميع مناطق المملكة الا هذه الاشكال

الله يعينك على قرق اوكسجين ........ لكن شهاده لله تراى قلبه ابيض

رحمتك والله

[مستر نفر]

اغلب المشاركات اللي مايمدحون بريدة هم "اعضاء جدد" *-^

على العموم اخي الكريم
اهالي بريدة راح ينقلون لك التصرفات الحسنه "وهذا الواقع ولله الحمد"
اما الاعضاء اللي خارج مدينة بريدة راح يذكرون لك السلبيات الوهميه بصفه مبالغ فيها .. وهذا الحاصل من خلال الردود

الشي الوحيد اللي ممكن يساعدك بحيرتك هو/ الاستخاره بالاضافة الى انك تجي فترة بسيطه ببريدة وتشوف الوضع وبعد كذا تحكم

وعموما
الله يحييك بين اهلك وربعك

[Galaxy-22]

هههههههههههههههههههههههههههههههههههه

للحين عايشين اللي يسبون بريده

الله يخليه لنا بس ولا اللي يقولون للحين منغلقين كل واحد يتكلم عن محيط عائلة بس

ولا اغلب القصمان اللحين متفتحين واكبر دليل بالعطل ماتلقونهم الا بالدول الاوربيه