[عزتي في شموخي]

مسا الخير

حبيت تفدونا في انطابعكم في هذا المجال

هل تحصل مضايقت..

خاص من الرجال سواء كانو مرضي اوو موظفين.

تصلح هذي الوظيفه لأنسانة محافظة بس مو متدينة.


شكررر لكم

[O X Y G E N]

من الطبيعي راح تكون فيه مضايقات ، واحيانا تتجاوز المضايقات إلى الكلام العلني الجارح ، مثل مانتي شايفه الممرضات الرسميات الحكوميات الي بالمستشفيات الحكومية ماسلمو من المضايقات ، فمبالك المستشفيات الخاصة ..

أضعف الايمان يبي يجيك مدير المستوصف أو المسؤول وخوذي من الضغوطات والمضايقات ، هذا غير اذا احتجتي شي لاسمح الله بتروحين للمسؤول اذا كان رجل تترجينه ، ويمكن تجيك حرب عنصرية اجنبية ، واضف على ذلك اذا كنتي غير متزوجة فالله يعينك على نظرة المجتمع ، واما اذا كنتي متزوجه فالله يعينك على الشكوك من الي حولك ..

أنا اقولك اياها من باب نصيحة الأخ لأخته ، نعم قد تكوني محتاجة ومضطرة مادياً ، ولكن ابتعدي عن الشبهات وحطي في بالك أن ابتعادك عنها رضاء لله وحشيمة لنفسك ..

وحتى الشغلة فيها ضغط وقابلة للعدوى في أي لحظة لأنك ماتدرين الشخص الي قدامك مرضه ايش ، ومثل مانتي شايفه الفايروسات المنتشرة ، وتحتاجين إلى دورة بعنوان " كيف تتعامل مع الآخرين " لأن ايضا العقليات الي بتقابلينها مو وحدة فيه الطفل والكبير والحار والبارد و و . . وانتي عارفه الآن بريدة يعني صايره متعدد الطبقات والعقليات و ( جزء من النص مفقود ) ..إلخ .

شوفي عندك الموارد البشرية روحي لها وقدمي ، أو الشركات مثل الوطنية أو المدارس الأهلية وخلي عنك المستشفيات الي ينقصها الحماية ..

[عزتي في شموخي]

الله يجزك خير ويكتب اللي فية الخير

[ريم العماري]

اختي قدمي انا بنت وبقدم
الحاجه تجبرك
واذا انتظرنا جداره يمكن نموت واسمائنا ماطلعت

[Tooofe641]

السلام عليكم أنا شخصيا ما أنصحك علشان نظرة المجتمع صحيح هي شغله شريفه وحلال لأكن مجتمعنا كلشي للبنت عيب وحرام ( والموت مع الجماعه رحمه) حتى لو انو ماقتنعت.....

[ريم العماري]

اختي مافيه شي انا مقدمه واعطوني مقابله
ليه اموت جوعي عشان ناس ماترحم ناس تاكل وتشرب وعايشه حياتها واهي تموت جوع
ترا الناس تحتاج اذا انتي ربي مرزقك الله يستر عليك غيرك مااعطاه ربي شي يعني بالعربي
ماعنده لقمة عيش ليه تقولين الكلام هذا وتقطعين رزقهههها وهي محتاجه اذا البنت تخاف على اهلها ونفسها
ولا تعطينهم وجهههة اتحداك احد يقربها
الشباب مايبون الا البنت الي تضحك لهم وتعطيهم وجه وتبسم لهم بالعربي قليلة ادب
طيب تقولين كلام الناس وكذا
الناس ماتخلي احد بحاله ابد حتى الي في قبرة اكلووووووووه بكلامهم

يعني اذا ماتوظفت من وين اصرف ع نفسي اسرق
والا الحراممم اعوذ بالله

روحي روحي ي اختي قدمي وربي يسهل عليك ويرزقك وخافي الله بكل حاجه تسوينههها

[ام نايف]

استخيري والله يقدم اللي به الخير
لكن نصيحه كانك من البنات اللي تخاف من كلام الناس
وتحسب لهم حساب فـ لا تقدمين ع الخطوه

[ريم العماري]

طيب ي ام نايف الناس مو صارفين علي مو معيشيني
صديقاتي الي تخرجو معاي كلهن بيقدمن عليها
اخواني ماقالو شي يقولون عادي
ليه وش فيهها احس مافيههها شي وربي

[يتيمة]

يالغاليه اذا انتي ملتزمه بالحجاب الشرعي الكامل ولا انتي من اللي يحطن المكياج وتكحل العين تقولين رايحه لزواج وثقيله حتى السلام ماترد على الرجال اقولك توكلي على الله واشتغلي وخلي كلام الناس تحت مواطيك��رضى الناس غايه لاتدرك

[عزتي في شموخي]

الله يجزكم خير الله يكتب اللي فية الخير