[احبك ي بريدة]

السلام عليكم

انا اخوكم عبدالله من مواليد بريدة الحبيبة ,, ابيكم تساعدوني في البحث عن وظيفة ,,

تخرجت من الثانوية العامة قبل سنتين من مدارس غرب الرياض واحمل حاليا شهادة الكامبردج للحاسب الالي المعادلة لدورة (ست اشهر ادخال بيانات ومعالجة نصوص ).
وابي وظيفة في منطقة الرياض وايش الوظايف المتاحة للي معهم شهادة حاااسب في العاصمة

والله ماخليت منتدى ماسجلت فيه لاكن مالقيت جواب كافي وشافي لموضوعي وقلت خلن اسال اهلي اهل بريدة واهل القصيم عامة لاعدمتكم جميعااا




(اعتذر من المشرفين اذا مكان الموضوع ماهو هنا)

[O X Y G E N]

الله يرزقك ، وتابع صحيفة الوسيلة ، بنفس الوقت أشوف المطاعم مثل ماكدونالدز وهرفي وبيت الشواية طالبين موظفين والظاهر رواتبهم مرتفعه شوي .. ولاتنسى سوق الذهب ..

[احبك ي بريدة]

للرفع

[مدله الوجعان]

الله يرزقك الوظيفه اللي تمنى

شف التدريب المشترك في منطقه الرياض

[العزيزية]

الله يوفق

[مشاعر انسانه]

مشاء الله شهادتك كويسه ونفس اخوي

انصحك تتوضف زي اخوي في شركة المجال لتعبئة الصرافات
الراتب 700 وتزيد مع الوقت ويتم ترقيتك

والله ولي التوفيق [دعواتك ] ..

[شموخ3>]

ياليت تشوف الوسيلة فيها الكثير من الاعلانات خذ الوسيلة وشف اي مؤسسة والا شركة اتصل عليهم ورح لهم وحاول لانهم اذا شافوا الواحد حريص يوافقون وانت لازم تحمل وتصبر على الراتب القليل منه تاخذ خبرة ويمكن ترقية والخبرة شيء كافي لحالة اعرف ناس كثير اشتغلوا اشغال بسيطة واستفادوا خبرة وفتحوا مشاريعهم الخاصةوصاروا من اغنى الناس لان اللي ما جرب الشغل كل شيء يخاف منه وكل شيء ما يدري وش لون يسويه لكن مع الخلطة والتجربة تسهل على الواحد

[شموخ3>]

ولا هو بلازم توظف بشهادتك اللي معهم بكالوريوس وماجستير ما توظفوا بشهاداتهم ولا تنتظر من اصحاب الاعمال انهم يدورونك انت رح لهم واعرض خدماتك واكثر من الدعاء واطلب الله الخيرة وهذا كثير من الناس يغفل عنه والله ييسر امرك وين ما يممت وكل مسلم

[مشاعر انسانه]

اقتباس المشاركة الأساسية كتبها مشاعر انسانه مشاء الله شهادتك كويسه ونفس اخوي انصحك تتوضف زي اخوي في شركة المجال لتعبئة الصرافات الراتب 700 وتزيد مع الوقت ويتم ترقيتك والله ولي التوفيق [دعواتك ] ..

اقصد 7000 وليس 700