[محمد بن بريده]

السلام عليكم

أنا ياكاتبه هذا الموضوع إمرأه من مستفيدات الضمان الاجتماعي ، أول كان الضمان موضفيه رجال وكانوا في قمه التفاني بالعمل والحرص والجاديه ، وسمعنا إنهم بيضفون نساء ويكون لهم قسم خاص لخدمه المستفيدات وفرحنا وقلنا أحسن عن الإحراج ... لكن الآن الوضع ما يبشر بخير أولا: حطوا قسم النساء بمبني شبه إستراحه بمقلاع جدي والموضفات بملاحق هالمبنى قلنا ماعليه بكيفهم لوهن بخيمه أهم شي الآداء ,,ثانيا: جيت أكثر من مرتين والموضفات بعالم ثاني كأنهن جمعه حريم وقت الضحى يعني أول مايدخل الواحد أو قبل يدخل يتفاجأ بصوت عالي .ضحك.سواليف.ويسمعن مقاطع وكل وحده تقول رايه .ومنكبات ع الجوالات،، ثالثا: كل من شفت من المستفيدات تاقف عن دريشه الموضفه تبي خدمه تمعط الموضفه الأوراق اللي بإيده وتقول إجلسي ع الكراسي وترجع الموضفه تكمل سواليفه أو تناظر بجواله مع إطلاق تعليقات فيما بينهن بصوت عالي ومره جيت لحالي وقعد ساعه عالكراسي مافيه مراجعات غيري والموضفه تناظر بجواله وكل ما تكلمت تقول إصبري اللي مهو مصدق يرسل حريم يشوفن الوضع أرجو من المسؤولين عن الضمان التحقق من هالأمر ومعالجته يعني شفنا موضفات حريم بس مهو كذا ...شفنا موضفات الأحوال وموضفات البنوك وموضفات الجمعيات كلهن مآخذات الشغل بشكل جادي وجو عمل ومنكبات على العمل مهن مثل موضفات الضمان .

[torki]

تحية طيبة

للأسف ما فيه مسئولية ولا تقدير وقدر للوظيفة الي هي قائمة عليها

والله لو ما حصلت الموظيفة الي هي عليها كان ندمت حظها وسبت القريب والبعيد وأزعجت الجميع كي تحصل على
هذه الوظيفة وبالنهاية فصفص وجوالات وضحك

لا حولا ولاقوة إلا بالله

لو تعرف أن البيوت فيها بنات يتمنن ريحة وظيفة كان التزمت بواجبها

[رغد الجنان]

صدقت يأخ تركي فليحمدنا الله على وظائفهن وليكن قد المسؤولية وأهم شئ التعامل الجيد مع المراجعات وطيبة النفس تكسب دعوة صادقة من المراجعات وكذلك الوظيفة أمانة تسأل عنها اللهم أرزقني وجميع أخواتي بوظيفة

[حربي عابر دربي]

اذا صح الخبر

فالمسئولية على مديرة الادارة وهذا يدل على اهمال او ضعف المديره

يجب مخاطبة المسؤلين