[براءه قلب]

السلام عليكم ورحمه الله وبركاته
مسيتكم بكل خير
عُرفتم يا اهل القصيم بشهامتكم وطيب اصلك
وجيتكم اليوم ططالبه فزعتكم لي يآ هل بريده

الي له معارف بجامعه القصيم ويقدر يساعدني
انا طايحه بمصيبه ما يعلم به إلا ربي عسى من فرج لي همي يفرج له ربي هم الدنيا والاخره
بختصار له واسطه قويه وبيده مساعدتي يراسلني .. تكفون طلبتكم

انتظركم

[O X Y G E N]

الله يفرج همك ، واذا كانت مشكلتك خاصة جداً أرجو أنك ماتعطي أحد الا ثقة لأنه الأنسان قد تجيه لحظات ضعف وبهاللحظة يتم استغلاله .. والمجتمع مايرحم فيه الصادق وفيه الكذاب ..

أما اذا كانت المشكلة عادية عبارة عن نقل من قسم او انتظام أو أشياء ادارية داخل الجامعة ، ممكن تسردين موضوعك بدون أسماء أو تلميحات ، يعني عشان الاعضاء يفيدونك حسب النظام اذا كنتي طالبة ..

[مدله الوجعان]

الله يفرج عليكم

ليش مايتم ارسال معروض للعميد واذا كان الموضوع يستاهل ماراح يقصر لخدمة طلاب وطالبات الجامعه وهذا شغله

[براءه قلب]

اقتباس الله يفرج همك ، واذا كانت مشكلتك خاصة جداً أرجو أنك ماتعطي أحد الا ثقة لأنه الأنسان قد تجيه لحظات ضعف وبهاللحظة يتم استغلاله .. والمجتمع مايرحم فيه الصادق وفيه الكذاب .. أما اذا كانت المشكلة عادية عبارة عن نقل من قسم او انتظام أو أشياء ادارية داخل الجامعة ، ممكن تسردين موضوعك بدون أسماء أو تلميحات ، يعني عشان الاعضاء يفيدونك حسب النظام اذا كنتي طالبة ..

جزاك الله خير على نصيحتك ما قصرت وفعلاً صادق بكلامك
لكن المشكله ليست خاصه انما تحويل من قسم لقسم وتعرضت لمشاكل وقت القبول في الجامعه
لكن الموضوع فعلاً محتاج احد يعرف واسطه بالجامعه عشان يساعدني ويفرج همي

ومافيه آي معلومات راح تضرني .. إذا بمقدوره يحولني مجرد رقمي الجامعي ورغباتي فقط

اقتباس الله يفرج عليكم ليش مايتم ارسال معروض للعميد واذا كان الموضوع يستاهل ماراح يقصر لخدمة طلاب وطالبات الجامعه وهذا شغله

اللهم امين يا رب العالمين
جربنا ارسال معروض للعميد ، ودخول آخي على الحمودي وعمي على الطامي
ولم نخرج بنتيجه .. احدى موظفين القبول والتسجيل قال لأخي " جب واسطه وتمشي امورك "

الله المستعان

[حربي عابر دربي]

ارسلوا برقية لوزير التعليم العالي فيه جميع الشرح المناسب بصياغة جميله وبعدها تتحول الى الحمودي للافادة وبعدها تنحل امور كثيره .... يخافون تكرار البرقيه ويبون يتغاضون ان شاء الله

[أبورامي]

الله ييسر أمورك ويحقق لك رغبتك

[براءه قلب]

جزاكم الله كل خير جميعاً ما قصرتو
تكفي دعواتكم عسى ان يفرج همي وهمكم الله

[براءه قلب]

رفع .