[selmeyyh23]

امي دايم تقول انحفي انحفي انحفي
ومافيه خلطه الا وجربتها ومن كثر الخلطات والكريمات وانواع الرجيم احس اني ( فار تجارب )

مشكلتي اذا عصبت ولى زعلت زاد وزني

احيانا افكر بعملية شفط دهون بس ماعندي دهون كثيره

قالو سوي رياضه سويتها ودخلت نادي ونحفت 5 كيلو

يوم خلص الاشتراك زاد 2 كيلو


ابي انححححححححححححححححححححححححححححححححححححححححححححف
ابي حل فقط




شكرا لك من راح يقرى كتابتي





وزني 87 ابي اكون 65 ادعولي انحف

: )

[مطرق الريحان]

امشي وشوفي كيف تنحفين.
ولاتأكلي كثير وخففي من السكريات.
العشاء خليه خفيف.
وتشوفين النحف .
المشي كل وبالمضمار اوبحوش بيتكم اذا كبير.
دعواتك لي .

[مانيمارس]

أختى ,رسولنا الكريم قال ما ملأ ابن آدم وعاء شراً من بطن ، بحسب ابن آدم لقيمات يقمن صلبه ، فإن كان لا محالة فثلث لطعامه وثلث لشرابه وثلث لنفسه"( الترمذي وقال : حسن صحيح).

فاتبعى سنة رسولنا الكريم وسترين النتيجة باذن الله .

[selmeyyh23]

يحبيلكن تحسبون اكلي كثير

انا افطر فقط لاني كنت متعوده على الشغل اول
واتعشى فقط .. حبيت الشاهي على غفله ويكون حلو اول ماكنت اشربة
ادمن الشاهي الاخضر .. والحين عندي نقص فتامين د واعالج عنه
وعطوني علاج للفيتامين و الرشاقة
عندي ربو اذا مشيت نص ساعة تعبت
وانا امل بسرعة

وحاليا امي شارية لي كريم بالزنجبيل حااااااااااااااااااااااااااااااااااااااااااااااااا ااااااااااار
تقول عااادي حطيه .. ماجربتة عشان تحس

(((((انا نباتية حتى الجنون ))))) اي شي اخضر انهبل علية

[shyry]

اشربي ماااااء كثيييييير

[أم جنة]

حبيبتي لاتلعبين بنفسك
خوذي تحويل من المستوصف للمركزي فيه أخصائية تغذية ممتازة روحي له واستشيريها ولا تجربين بنفسك أي خلطة غير مصرحة من وزارة الصحة فيه بعض الخلطات يسببن فشل كلوي وأمراض مستعصية والحمية الغير مدروسة أيضا تسبب مشاكل صحية فقولي لأمك انك خايفة من الخلطات وودك تسألين أخصائية عشان تعطيك حمية صحية وفيتامينات وتسألينه عن الخلطات ان كانه تصلح والا لا
والله ييسر أمرك وتصيرين أحلى رشيقة يارب

[رتين]

اليوم كنت عند المدربه مروى

استفدت منها اهم شي تقول السير تمشين نص ساعه
واخر دقيقه او دقيقتين خليه هروله

بس لاتكثري مشي بالسير تخليه ساعه او ساعتين
لانو يسبب احتكاك بالركبه هذا كلام المدربه

وغير هيك اهتمي بالسلطه الخضراء تكليها يوميا
والرز مرتين بالاسبوع اقل شي

وربي ينحفك

[شوق العبدالله]

اللي تبي تضعف تتحرك كثير وتشرب مويا اقل شي ٦اكواب وبالأكل لا تستعجلين شوي شوي

واللي تبي تسمن انصحك تشربين زبيب اسود ع الريق

[دفا..]

اقتباس المشاركة الأساسية كتبها أم جنة حبيبتي لاتلعبين بنفسك خوذي تحويل من المستوصف للمركزي فيه أخصائية تغذية ممتازة روحي له واستشيريها ولا تجربين بنفسك أي خلطة غير مصرحة من وزارة الصحة فيه بعض الخلطات يسببن فشل كلوي وأمراض مستعصية والحمية الغير مدروسة أيضا تسبب مشاكل صحية فقولي لأمك انك خايفة من الخلطات وودك تسألين أخصائية عشان تعطيك حمية صحية وفيتامينات وتسألينه عن الخلطات ان كانه تصلح والا لا والله ييسر أمرك وتصيرين أحلى رشيقة يارب

هذا الكلام
المفروض
يعلق في برواز
في كل بيت وشارع

[بنت ابو راشد]

اختى انا جربت خلطه فتامين دال الي هي تين حبه ناشفه في كاس مويه تنقعنها من بليل
وتشربينها ع الريق انا اسويها وسوي بحث عليها احسن من العلاجات
قله الاكل مو معنها انك تنحفين النفسيه لها الدور كبيررر
جربي شوربه التنحيف طبعاا طعمها مو شي وماتضر وتحرق سعرات

[ام نايف]

الله يخفف عنتسس يارب

[نونا1]

اختي ممكن تقولين من وين امك جابت كريم الزنجيل دورت عليه بس ماحصلته بصيدليات

[قـــصـــيـــة]

ابحثي بقوقل عن موضوع اسمه ( نعم أستطيع أن أجعلك نحيفة )

وباليوتيوب برنامج اسمه ( عالميزان )

وإن شاء الله تستفيدين كثير

[ـالتُفاحة الورديّة]

الله يجزاك خير على الموضوع استفدنا كثير من الردود
الله ينحفك يارب