[متفائل1]

بسم الله الرحمن الرحيم وبه نستعين ..

بحكم اننا مقبلين ع إجازة وتعرفون تكثر فيها الزواجات وكذا .. حبيت أقولكم عن قاعة ريتاج.. الي بالراشديات ..
توهقنا به بزواج فات له كم اسبوع والصدز انهم غثونا بخدمتهم اللي زي وجيههم ..
طبعاً الإدارة فيها مصريين وكل الشغل هم يسوونه اظن معهم هنديين .. المهم ماحب اطول ..
اول شي مكيفاتهم ابوكلب .. ثاني شي النظافة الله الله . صح يمكن ديكورهم شوي حلو بس يبيله عناية وهم مامن ذيك العناية .. ثالث شي بتقليط العشاء .. اشوف دخلو معنا جيش مصريين طبعاً جلسوا قبل المعازيم ولايمديك تهشهم رابع شي العشاء الي هو متكفلة به القاعة "بعضه " ماقول كله .. كأنه محمي .. كور رز فوق الصحن .. ..

الشاهي والقهوة ماركزت بهم كنت مشغول ولا ادري عنهن <<<<<<< هذا كله عندنا بقسم الرجال ..


*قسم النساء*
ماعرف شي عنهم الا انهم جايبين لهم قهوة شعير
ثاني شي الخدامات الي يشتغلن هدن بالحلويات <<<وحده الي توزع وتاخذ مع كل شخص ياخذ .. تاخذ تغبي بشنطته " مصريات " طبعاً .. الباقيات ماوزعن مادري وراه
واحد المصريات تدور بصالة الطعام والحريم يتعشن وتلقط اللحم من الصحون وتغبيه بكيس تاخذ اللحم وتخلي العظم يعني تقدر تقول شفاحة

ولا رتبوا القسم ونظفوه الا عصر يوم الزواج ولا كملوه بعد فيه كذا غرفة طملة

..



المهم انا حطيت هالموضوع مما اوجس في قلبي من قهر ع ذيك القاعة الابوكلبية ..

وحبيت انبهكم عنه واحذركم ... والي حاجزه يغير وان كانه مايقدر يغير يتولم لمصالاتهم وسوقهم ..


تراي ماقصد عنصرية بين مصري وسعودي بس عشانهم نكبة

[تهاني...]

قهوة شعير هههه
لاجديد يا اخ اي شي ادارته مصريه ( فاشل)

وعلى الدرب القاعه الملكيه دفادف سابقا .!

[حياة القلب]

انا اشوف انه مايجوز تتكلم عن الناس كذا احسك مزيد البهارات شوي من كثر منت زعلان عليهم

بس في حلول مثل عندنا
لما نحجز قاعة افراح ناخذ بعد امن من شركة الامن واللي يمنعون اي غلط حتى من المعازيم
وبنفس الوقت اللي يشتغلون بالقاعه بالمره مالهم اي شغل بشغل ذيك الليله .. كله يتكفلون فيه اللي حاجزين القاعه وشركة الامن

[نصراوي عسل9]

وانت كيف عرفت إنه قهوة شعير يمكن قهوة رز بس ناقصها صلصه

[رمز المحبة]

مدري اخوي ....... لكن احس انك متحامل عليهم واااااااااااااااااااااااااااااجد

الله يوفق كل عروسين قبل كل شي .... والمعازيم خلهم يأكلون هواء اهم شي المعاريس

عاد اللي يجي للقصر بدون دعوة ... أنا سمعت أنه ما يجوز شرعاً تأكل وأنت ما عزمت يا مشفوووح


هذا اللي نعرفه والله اعلم .

[خطوات]

صدقتي اختي..
زواج اختي بالقاعه . خدمتهم مرررة زفت
والعاملات يالله تجرينهن علشان يوزعن
وغرفه العروس ظلماء وتحوم التسبد

[رمز المحبة]

شكل القاعة سمعتهم زفت


يا مسؤول القاعة استحي على وجهك ضبط القاعة ولا خلها حوش خاص فيك

جالس تلعب على الناس بقاعة مثل وجهكـ

ودك يسحبون رخصة أي نشاط فاشل ,,,, وين البلدية عنه يجيبون شيول او بوكلين يهدمونه فوق رأسه

والله مهزلة

[خالد العــ8]

يارجال اهم شئ المعاريس
والمعازيم على ماقال ياكلون هوا