[نحن هنا]

السلام عليكم ورحمه الله وبركاته

عندي اخ لي جامعي

نبحث له عن وظيفه مسائيه منذو فترة بدون تأمينات بسبب الدراسه و لانه اسمه مأخوذ من احد الأقارب وابوي رافض انه يحرر اسمه بسبب انه مستحي منه ويبي يزعل عليه لو حرره الله يهديه

الولد نشيط ومولع في الجوالات والسيارات من حيث انه يبحث فيها بصيانه وفي اسعارها وقطعها

حنى على قد حالنا ونبيه يستفيد من هالولع بدال مايضيع نشاطه بشي يضيع دراسته

حاول هو يبحث على عمل لاكن من دون فائده وبسبب ان ابوي مريض وغير اجتماعي مافيه معارف او واسطات ,,,


ياليت الي عنده علم بوظيفه او مكان ممكن يروح له يرد علي الله يخلي لكم احبابكم


شكرا مقدما وعذرا على الإطاله

[مستجد1]

يروح لمكتب العمل ويقدم عليهم .أو يروح للوطنية ويقدم عليهم .

[نايف123]

كان يروح لمركز طاقات للتوظيف لكن هو طالب جامعي فما يقبلونه

لكن فيه محل اسمه خطوات بعد كارفور عنده وظائف بس لازم يسجلونه بالتأمينات

[أبو علي 156]

الحل انه يروح للي مسجل اسمه عنده ويقول له ماخبرت وظيفة بدون تأمينات ودي اتوظف وماحصلت الا بتأمينات وانا ماأقدر أخرب عليك بس محتاج الوظيفة ان كان عنده دم يا اما يدور له وظيفة والا يلغي اسمه من التأمينات واذا مانفعت هالفكرة كلموا مكتب العمل باسم مجهول وبلغوا ان ذاك الشخص موظف موظفين وهميين

[نحن هنا]

شكرا لمرورك جميعااا

اخوي ابو علي الوالد مريض لو سوينا الي قلت وراح له يبي يقول للوالد هالرجال وتخرب الدنيا ويمكن ينقز الضغط عنده
وحنى مانبي كذا

شكرا لك اخي الكريم

[نحن هنا]

وننتظر باقي الاعضاء الكرام

[نصراوي عسل9]

الله يوفقه ويسهل أمرنا وامره ويلقى وظيفه مناسبه