[مهمومه بريده]

السلام عليكم ورحمه الله وبركاته

نصيحه اللي متولم بيروح للحديقه لايرووح

أنا اليوم بعد صلاه التراويح رحت بحديثه الملك عبدالله فيه بوابه مدخل للعائلات بس

الصراحة يوم شفت كذا ارتحت بس المصيبة لافليت الفرشه وجلست حدث ولاحرج

قسم بالله العظيم حشرررررررررات أشكال وأنواع

عاد تعرفون البزران لما ينزلون يشيلون نعالهم

توقعون وش شفت !!!

عنكبوت له شعر تحت رجلين البزران

قسم بالله أني انهبلت

أنا كتبت الموضوع عشان بزرانكم تنتبهون لكم
وتأصل المعلومة لكم وللمسولين

حتى حديقه الإسكان صوارير

بس اللي شفته بحديقه الملك عبدالله مره يخوف

عناكب وصوارير وباعوض ودود صغير يمشي بالأرض
هاذا اللي شفته وما خفي اعظم

ولا نسيت أقولكم وانا لابسه عبات وثياب ركبتي انتفخت من الباعوض قرصن

أتمنى المسؤولين يشوفون حل بحدايقهم اللي جنب نفود تلقى به دواب
واللي جنب مستنقعات به باعووض وعناكب

والله يحفظنا وإياكم

[سكاكي ببريدة]

جُزتي خيراً
الموقع غير مناسب لأن يكون لحديقة
بوجود محظة الصرف الصحي قرب
الحديقة

[العزيزية]

الله لايوفق من حط الحدايق الي مكانها جنب محرقة والي مكانها جنب صرف صحي والي مكانها جن سوق الابل لكن الله حسيبه والحفريات الي في كل شارع وبدون عمال والحفر الي في كل شارع والمرور الي دوره فقط يقف عند المحلات ويترك الشوارع مهزله

[القنزهـ]

ِشكراً لتس اولاً ،

ثاني شي مب شيء غريب على هالحديقة من طلعت وهي باعوض مب معقولة صراحتن !

صراحه اتمنى فقط مبيدات حشريه يا خي ويروح هالخرابيط الي به وتطلع ماهنا زينه !!
مهملينه بشكل مب طبيعي مايمدي تقعد دقيقتين الا وانت متنفخ من الباعوض الصدز !

رشوّه فليت ياخي ولا شوفوا لكم حل قهر هالمساحه والمسطحات والتعب كله للباعوض والصوارير !

[%*%الحلوة%*%]

رحت لها كم مره ماقد شفت حشرات !

[مهمومه بريده]

اقتباس المشاركة الأساسية كتبها %*%الحلوة%*% رحت لها كم مره ماقد شفت حشرات !

والله شكلك قاعده بهالظلام ما تدرين عن شي بس روحي للثيل اللي به نور وشوفي البلاوي

[مهمومه بريده]

اقتباس المشاركة الأساسية كتبها القنزهـ ِشكراً لتس اولاً ، ثاني شي مب شيء غريب على هالحديقة من طلعت وهي باعوض مب معقولة صراحتن ! صراحه اتمنى فقط مبيدات حشريه يا خي ويروح هالخرابيط الي به وتطلع ماهنا زينه !! مهملينه بشكل مب طبيعي مايمدي تقعد دقيقتين الا وانت متنفخ من الباعوض الصدز ! رشوّه فليت ياخي ولا شوفوا لكم حل قهر هالمساحه والمسطحات والتعب كله للباعوض والصوارير !

والله الناس تبهذلو الله يعين

مابه مكان يفتح النفس

[رمز المحبة]

حديقة باعوض وصراصير وعناكب وريحــة صرف صحي تصرع اللي يمر مع هاك الشارع

حديقة تحمل اسم الملك عبدالله وفيها كل هذي المصايب بصراحــة اللي حط هالحديقة في هالمكان ما عنده ضمير ولا أحساس أنا أعتبره من المفسدين في الأرض حسبي الله عليه خلصت الأماكن يحطها في هالمكان السيئ وبجنب صرف صحي

الله لا يوفقك

حتى الحرامي وهو حرامي ما يسوي سواتك
تضر المسلمين عيني عينك
وليتك صلحت غلطتك بمكافحة الحشرات الخطيرة
لكن ما نقول الا حسبي الله عليك ونعم الوكيل
لا مكان مناسب ولا اجواء مناسبة
أنا اشوف يحولنها مستنقع ثاني للصرف الصحي
واذا بغيتوا تختارون مكان يا بلدية علموني
واضح ان المسؤول اللي يختار المكان دلخ بمعنى الكلمة

[شهر اغسطس]

كنت متواجد فيها قبل ثلاثة ايام او اكثر
صراحه حشرات طائرة وزاحفه ونمل وباعوض وربي يشهد على ما اقول .
طبعاَ هربت منها وانا اتحكحك في السياره
الموقع : الجهة الغربية المرتفعة


صراحه شئ يقهر حديقة عالمية ومساحه وكله حشرات ونمل وعناكب !!!!
الناس والاهالي اخذو سمعة شينة عن الحديقة والسبب عدم الاهتمام بها

[Freedom Writer]

الله يوفق

[مهمومه بريده]

الحمد لله كلامي مصدق

والدليل كلام الاخوان

[معاند الروح]

إخوتي السلام عليكم ورحمة الله وبركاته!
لن أقف في موقف المدافع عن الأمانه فلي ولكم الكثيرمن الملاحظات عليها ولكن!
منتزه سلام بالرياض مقام على المياه المعالجه للصرف الصحي أعزكم الله ولم نرا أونسمع من إشتكى منه أوأنه خال من الزواار ولكن؟؟؟
ما أدري!!

[نايف123]

لازم الحشرات وغيره ما تخلو من الامكان العامة وخاصة الحدائق والثيل لذلك يلزم اخذ الحيطة والحذر

[O X Y G E N]

انا اذكر مبطي اذا مريت من الحديقة هذيك لازم اطق اللطمة ، بس على كلامك الحين احتمال اشتري اسطوانة اكسجين