 |
|
|
|
|
24-06-2013, 06:24 AM
|
#1 |
|
عـضـو
تاريخ التسجيل: Jun 2013
البلد: في ارض الله
المشاركات: 13
|
ررررررررررفه عن نفسك
انا حبيت ادخل ابيات كلها منقوله ...فيها طابع الشعر النبطي الساخر ..كلنا بحاجة ان نضحك ونرفع عن انفسنا .. ملل الروتين ...القصائد
-------------------------------------------------------------------------------- عابرة سبيل: انا عجوز مطلقة، وأم ورعان وأيضا مدام وبنت وآنس وعانس أنا بدوية وعايشة مع حضران وبنت البحر وابوي زارع وغارس أمية ماتعرف حروف وألوان وتلميذة دشت جميع المدارس ظفرة وخبله، عاقلة، في نقصان شرود، وانطح لي ثمانين فارس خلوني اعيش العابره دون عنوان طيفٍ يمر بلا رقابة وحارس -------------------------------------------------------------------------------- شايب كاره عمره: تقول: شفني لبست الثوب اللي عليْ ليلة الدخلة أبيك ترجع معي وتذوب يوم الأحاسيس مشتعلة قلت: الزمن مايجي مقلوب ودّعت الايام ياخبلة ليلة أنس عقبها متعوب ويامصخها تالي الرحلة -------------------------------------------------------------------------------- الشاعره مرام الشوق: لي قصةٍ مع صاحبي فيلم هندي دايم وانا وياه فهواش ودموع وده يسامرني على تيس مندي وانا رقيقة، ودي بازهار وشموع خلي غبي، والعقل عنده مصدي وبفن التخلف حايز شكر ودروع قلت له: تطور، عيش باشا وافندي إلى متى وأنت بتخلفك منزوع قام وتلفت، قال: قومي تغدي هذرك واجد يوم انا ميت جوع -------------------------------------------------------------------------------- وموقف آخر لعابرة سبيل مع هذا الحبيب: لي صاحبٍ منه تبي تطلع الروح خبلٍ ومن هي مولعة فيه.. خبلة عامين المح له مع الجد ومزوح واقول: ياعنتر تناديك عبلة طال المدى ثم قلت انا اغليك يالوح مجروحةٍ جرحٍ مخاطرة عجله دنق وقال: انا من العام مجروح واشر لجرحٍ مبطي وسط رجله -------------------------------------------------------------------------------- لا احد يطيح في الموقف التالي ولا تري مرقده علي الرصيف ناديت باسمك وانا مع زوجتي راقد حتى رفستني على بطني برجليها وسوّيت نفسي، مثقف واعي وناقد واقول عادي، مصير الوقت يرضيها ويوم اكفختني طراق وصحت انا حاقد الله يلعن غلاك ويكسر ايديها واحترت انا وين بالقى لي " بدل فاقد" ولقيت وحده تهز لي علابيها -------------------------------------------------------------------------------- الشاعر حمود البغيلي: فكرت مرة أسرق البنك وأعتاش وصممت من قلبي أنفذ قراري وجهزت نفسي في مسدس ورشاش ثم استعديت لجميع الطواري لكن قبل لا أسرق البنك واعتاش إحترت بين المركزي والتجاري -------------------------------------------------------------------------------- ضيدان العجمي: انا من صلاة الصبح اسابق هالباصات على كل موقفٍ ينوجد فيه عبرية على موترٍ ماهو خلي من الدعمات يشيل الفقير وصبغته برتقاليه معاش التقاعد مايغطي على الحاجات وعيال المدارس مارضت تاخذ المية إلى جا المعاش يطير ماينتظر ساعات تروح الدراهم بين سوقٍ وجمعية والاسعار متهبة علي هالسنة بالذات وزود عليها، موتري فيه صرفية أنا ويش اسوي لاشياه ولانوقات ولالي معاش ثابت في السعودية! (( منقوـوـوـولـ لعيوـوـوـونكمـ )) ارررجووووو انها تعجبكم وترفه عند انفسكم تحياتي ،،، سسسسسسس من النااااس |
|
|
|
24-06-2013, 07:07 AM
|
#2 |
|
عـضـو
تاريخ التسجيل: Feb 2012
البلد: في ارض الله الواسعة
المشاركات: 132
|
.
. ي شاطر اول شي المنقول مكانه مب هنا المنقول انقز للرصيف .. هذا اول شي ثاني شي .. لاتنزل ترليون مليون موضوع ورى بعض ! حشا ثالث شي .. شوي شوي ترى المواضيع ميب هاجه يمديك تنزل بعد اسبوع ~ وين المشرفين
__________________
استغفرالله العظيم واتوب اليه http://www.htoof.com/2mintes.html |
|
|
|
|
11-09-2014, 08:03 PM
|
#3 |
|
عـضـو
تاريخ التسجيل: Sep 2014
البلد: بريدة
المشاركات: 26
|
مشكووووووووووور
|
|
|
|
 |
| الإشارات المرجعية |
|
|
النمط المتتابع
