[أبو الفتح]

تدري يالحبيب إنك إذا دخلت النفق في طريق الملك عبد الله من جهة الجنوب أو الشمال

راح تنحجر تحت النفق !!!.

وزارة النقل ما كلَّفت نفسها تحط مخارج مع الأسف ..

حتى لو على الأقل مخرج إلى طريق الملك فهد للي جاي من شمال .
لأنه مضطر يكون فوق حتى ما يعدي طريق الملك فهد.

وعدم وجود مخارج يسبِّب زحام في الطرق العلوية وهي ضيقة أصلاً.
زيادة على هذا الإشارات .!!

عموما الله يكون بعون اللي أوَّل مرة يجي للديرة .

[أبو الفتح]

اللي جاي من عند جامع الراجحي يبي طريق الملك فهد لازم يصير بالخدمة فوق ويمسك إشارتين .

واللي جاي من مستشفى التخصصي يبي الصفراء أو النخيل لازم يصير فوق . ويمسك إشارتين .

إذن الطريق مُشكلة . لا يخدم حي الصفراء والفايزية !!!

وتزيد المشكلة إذا أغلقوا إشارة جامع الراجحي .!!!

[أبو الفتح]

نفق طوله كيلو ونصف . لا يوجد فيه مخرج . الحقيقة جناية .!!!!

لا قدَّر الله . وقع حريق . أو غرق . أو حادث متعدَّد !!!؟

كيف الطريق إليه إذا كان ممتلئ سيارات . وهو في الأصل ضيَّق .

مع الأسف مشاريع غير مدروسة . المقصود تسكيت المواطن لا غير .

سيكون أضرار كثيرة على المدى البعيد .

الله لا يقدَّر .. لكن مع الأسف هذا الظاهر .

[أبو الفتح]

لكن ممكن تدارك هذا الخطأ بوضع مخارج للإنسان كالسلالم أو الدرج كل عشرة أو عشرين متر .

حتى يسهل الخروج منه عند أدنى طارئ لا قدَّر الله .

فالنفق هو في الإصل (( مجرى شعيب )) وهذا معروف عند كل أحد .

وسيمتلئ من الماء في حالة وجود سيل كثير . وستكون المضخات عاجزة عن سحبها كلها .

فأين يذهب من كان داخل النفق .. !!!

سؤال لأمانة بريدة ..