[خوي السرور]

السلام عليكون ورحمة الله وبركاتوا ..
حياكون الله في هالموضوع الطويل .. مشان هيك بالله صرفوا اللي عم يحكوا معكون بالمسنجر وأئقطعوا الإتصال ..

نفصخ ثوب اللهجة السورية ونلبس ثوب اللهجة البريداوية <<< يقلد بعض نااس هههه

قبل مانبدأ القصة من توليف الخيال


وانتظروا تحميل الرموز .. حتى يطلعن
.................................................. .........................................
في يوم من أيام الصيف البارد !! طلعت من بريدة متجهـ(ن) نحو الرياض ..

وأنا طاير(ن) بالموتر يعني أمشي (180 كم ) بهالمحاري (( المحاري : يعني حولك قريب او بمعنى أصح تقريبـ،(ن) .. ))

وأنا أمشي قزّيت رادار !! وأثر اللي يبلغ بالرادار هو ( أبو محمد النجدي ) والله ويبلغ عن ..

يوم وصلت التفتيش وأثر به مسارين .. المسار الأيسر به ( بريماكس ) والمسار الأيمن به ( النهيم ) عاد فاتكم ( النهيم ) اللي مامعه عوايل يمشيه واللي معه يوقفهم
هههه كل ذا نجاسة !!

رحت لم مسار ( بريماكس ) ويقولي أسفط !! سويت روحي ما أدري وأفضخ كوت كان علي وأسفطه .. (( الكوت هو الجاكيت أو الفروة أو ...))

قال لي تستهبل علي ويقعد يهوشـ(ن) ..

بعد حوار طويل وجدال وهواش وقفّـ(ن) ..

حوّلت من السيارة ورحت لم مقرّهم وأثر ( الصمصام ) هو اللي يكتب المخالفات ..

(أسد العقيدة ) هو الضابط والرئيس عليهم !!

عاد فاتكم ( المتوهج ) موقفينه ويقوله ( اسد ) وراك مسرع ؟ رد ( المتوهج) : ما أسرعت نمت وأنا أسوق ومادريت ألا وأنتم موقفينـ(ن) .!.

يقاله بريء هالعصل !!

عقب ما أخذت مخالفة كملت طريقي .

وأنا أمشي لقيت واحد(ن) يأشر بالطريق متعطلتـ(ن) سيارته ومعه واحد(ن) فااااااااااضي قاعدن يصور !!

يا ولد ؟ آقف ولاّ ما آقف ؟؟ تدري خل آقف لهم ..

فتحت الدريشة وأثره ( السعودي ) لابسـ(ن) نظارات ومعه كمبيوتر محمول . وأثر اللي معه ( أسامة ) <<<< مشرف قسم التصوير .

أركبوا وأثرهم يبون الرياض كملنا الطريق وحنا نسولف ونتكهكه <<< ؟؟

يوم وصلنا لرقية ( طلعة ) الغاط ويرن جوالي ترن ترن !!

ناظرت من المتصل طلع ( مدحت شوقي .. الخ ) رديت ويقولي أننا كاشتين حول الحسي .
(( منطقة الحسي تبعد عن الرياض 90 كم من جهة القصيم )) .


قلت (( أبو حمّاد )) مهب معكم قال لا <<<< هذه الفقرة خااااااصة لبعض الشباب اللي يدرون وش السالفة ..

أخذت منه الوصف وقلت للشباب ( السعودي ـ أسامة ) عندكم مانع نروح لمهم بمكشتهم قالوا : ميخالف نروح لمهم .

وصلنا للمكشت وأثر اللي كاشتين هم :
( ليث الغاب ـ المنخرش ـ مدحت ـ الشجاع ) نزلنا لهم ..

( مدحت ) و ( المنخرش ) يلعبون أونو .. ( مدحت ) لاعبن على ( المنخرش ) أنواع الغش و ( المنخرش ) مادري يدربي راسه !!

( ليث الغاب ) جايبن معه كتاب ـ رياض الصالحين ـ وكل شوي يقول : شباب ماتبون درس وكلمة وعظية ؟

( الشجاع ) أنواع الخكاااااارة ـ الخكري : كائن حي لطيف وناعم مرهف الأحساس يحب لبس القصير من الثياب والشعر يلق ـ ..

أقولكم ( الشجاع ) بغا الحمام ـ الله يكرمكم ـ حسرااااااان قال أبي الحمام . قلت له أقرب شجرة رح لمه وطيّر ..

قال : إيش تبغا هذاك الحبل ـ يعني الثعبان ـ يقرصني ؟!!!!

وأحفر له حفرة وأحوطه بالرواق قال يوووووه مافيه شطّاف ؟؟

قلت أقول يالله بس أنزلع ( أي طس ) الشرهة على اللي مطلعك معنا ..

( السعودي ) طول الوقت يطقطق بالكمبيوتر أمّا ( أسامة ) كل شوي ينعوي ( يسفط جسمه ) وينسدح ويصور !!

قلت له وش تسوي قال : أختار زاوية مناسبة .. بتشششششششششششششش


............. نكمل في الجزء الثاني بإذن الله .................
اللي ماطلع أسمه يسامحن لكن غدي يطلع أسمه بالجزء الثاني واللي ملّزم يطلع أسمه يرسلي بالخاص ..



/ـ/ـ/ــلامـ،

[الـصـمـصـام]

ههههههههههههههههههههههـ

يالك من منسم
الله يرجك
و يخلف على اميمك
أجل ليث الغاب معه رياض الصالحين هههههههههههههه
و المتوهج ياحول يقول ما دريت <<يحسبه قدام الهذلول >>>الهذلول ذا احد وكلاء الثانويات المرعبين في مدينة الرياض
.
.
و ابو ابراهيم السعودي هو و المحمول ..
الصراحة شي شيشي
يالله ننتظر الثانية ....

يا مومياء

[al7nooooon]

هههههههههههععععععععععع


حليلةَ

ننتظر الكمالة،واللي جازت لي أسامة وهو يتصفط خخخخخخخ

ياويلي إثر الإدارة مصيخك ماقلت بهم شي هع هع>>>ماأقصد المشرفين أقصد الراس التسبير...هع



بإنتظار البقيه

[خوي السرور]

اقتباس المشاركة الأساسية كتبها الـصـمـصـام ههههههههههههههههههههههـ يالك من منسم الله يرجك و يخلف على اميمك أجل ليث الغاب معه رياض الصالحين هههههههههههههه و المتوهج ياحول يقول ما دريت <<يحسبه قدام الهذلول >>>الهذلول ذا احد وكلاء الثانويات المرعبين في مدينة الرياض . . و ابو ابراهيم السعودي هو و المحمول .. الصراحة شي شيشي يالله ننتظر الثانية .... يا مومياء

أنت ياويلي إلى هالحين متعقد من الهذلول :D

أشكر لك دعائك ان الله يخلف على أميمتي :D
وبعدين أنا متعلم الهبال منك يالمشرف :D

/ـ/ـ/ــــلامـ،

[خوي السرور]

اقتباس المشاركة الأساسية كتبها al7nooooon هههههههههههععععععععععع حليلةَ ننتظر الكمالة،واللي جازت لي أسامة وهو يتصفط خخخخخخخ ياويلي إثر الإدارة مصيخك ماقلت بهم شي هع هع>>>ماأقصد المشرفين أقصد الراس التسبير...هع بإنتظار البقيه

من قال أني خايفـ(ن) من الإدارة المسألة أن المشرف العام مالقيته بالطريق <<< كز يكز كزن ..

شيكرن على هيك رد حلو كتير تؤبر جاري ..

/ـ/ـ/ــــلامـ،

[مفتاح القفل]

اقتباس أمّا ( أسامة ) كل شوي ينعوي ( يسفط جسمه ) وينسدح ويصور !! قلت له وش تسوي قال : أختار زاوية مناسبة .. بتشششششششششششششش

هههههعععععععع
والله يانا تسفطت من الضحك

ننتظر البقية
سـلامـ

[الفارس الملثم]

هههههههههههههههههههههههههههههههه ..
أجل الشجاع قال به بوسط الرواق ..

ما هقيته منك يابو خطاب ..
الله يهديك بس ..

نحتري الجزء الثاني ..

[الـمـتـوهـج]

هههههههههههههه


الله يقطعك أجل مسرع .

صراحه يوم قلت لي إن ليث يقرى كتاب الصالحين ضحكت حتى بكيت :D :D
من قوة إني ضحكت كني اشوف ابوعاصم يتطلبهم :D :D .


مشكوووور خيو خوي.

[المسفهل]

هههههههههههههههههه

تنسيييييييييم ..

اقتباس رحت لم مسار ( بريماكس ) ويقولي أسفط !! سويت روحي ما أدري وأفضخ كوت كان علي وأسفطه .. (( الكوت هو الجاكيت أو الفروة أو ...))

أيه خلّ عنك يقالك تسوي نفسك ما تدري وفصخت الكوت

لا والله من الذراقه أختبصت وضاعت بك الدنيا من الخوف

المهم عطنا من ذولي وأنا أخوك الله يعطيك العافية

["الكاتم"]

الحمدلله على السلااااااااااااااااااااامة

صباااااااااااح الخير بالليل

[خوي السرور]

مفتاح القفل : سرني مرورك ..

لي عودة لبقية الردود ـ إن شاء الله ـ ..

[الفارس الملثم]

ذبحتنا هالعودة ..
الواحد يقول لي عودة ويموت الموضوع ما رد ..
تسيف تسذا ..

[الفارس الملثم]

تشش .. تحطم أنت هالحين ..
رحت تعلم التحطيم أول ..

الله يعين ضيده ,,

[خوي السرور]

أقول ماتبي توت ..