 |
|
|
|
|
|
|
04-05-2006, 03:33 PM
|
#1 |
|
عـضـو
تاريخ التسجيل: Aug 2004
البلد: Qassim
المشاركات: 2,842
|
ابو لجين الكنيسه صارت إيش ..؟!!
__________________
إذَا أَنْتَ لَمْ تَعْشَقْ وَلَمْ تَعْرِفِ الهَوَى*** فَقُمْ واعْتَلِفْ تِبْنَاً فَأَنْتَ حِمَارُ |
|
|
04-05-2006, 06:56 PM
|
#2 |
|
عـضـو
تاريخ التسجيل: Mar 2006
البلد: سنـام نجـد (بــريـدة)
المشاركات: 322
|
السلام عليكم ..
أخي / أبولجين .. مشكور على هيك أحداث وصور ومواقف .. فبارك الله لك في حلك وترحالك .. وإلى الأمام .. وترجع إلينا سالماً غانما .. دمتم بحفظ الله ورعايته .. |
|
|
|
05-05-2006, 03:00 AM
|
#3 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
هلا والله وغلا بحبيب ألبي أبو لجين لا عمرك تحسر بالعجيز مهب حبن به لكن عشان أنت يا خلفهم ما تبطي علينا ايييييييييه يا أبو لجين أنت بأمطار وخيرات وحنا أنواع الغبار تصدق يا أبو لجين قبل أمس العصر الساعة 5:20 تقريباً وفي خلال دقيقة صارت بريدة كلها ظلام دامس من الغبار قسم بالله لو تشوف بريدة بعينك كان تقول قامت القيامة إدخل على الصور ومقاطع الفيديو وأنت تشوف والساعة 12:30 تقريباً وصل الغبار للرياض وأبشرك أسعار البنزين رخصت اللتر بـ (60) هللة الله يردك سالم غانم والله يوفقكنا وإياك بالدنيا والآخرة لاتنسانا من دعائك في سجودك والسلام عليكم ورحمة الله وبركاته محبك أبو عبدالرحمن فيه أنواع روابط الفيديو بس هذا واحد هذا رابط فيديو الغبار بس المشكلة إنه طويل 6.37م هذي بعض صور الغبار         ودمت بحفظ الله ورعايته
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
05-05-2006, 07:53 AM
|
#4 |
|
عـضـو
تاريخ التسجيل: Apr 2006
البلد: بريدة
المشاركات: 292
|
صور رائعه يابو لجين والله يسهل ارنا وامرك وتاصل بالسلامه؟؟؟
|
|
|
|
05-05-2006, 07:53 AM
|
#5 |
|
عـضـو
تاريخ التسجيل: Aug 2003
البلد: بالرياض وزحمة الدائري
المشاركات: 277
|
الحمد لله على سلامتك
__________________
 محبكم أبو سلمان |
|
|
|
05-05-2006, 07:55 AM
|
#6 |
|
عـضـو
تاريخ التسجيل: Dec 2005
المشاركات: 79
|
فعلا حتى في الرياض وصلنا الغبار
صح انه اقل من القصيم لكنه كان كثير حسينا طعمه في حلوقنا ودخل على بيوتنا الحمدلله انه عدى على خير والله خفنا تمتلي المستشفيات لكن ربي ستر والله يحفظك ويرجعك سالم لاهلك وربعك اخوي ابولجين ويحفظك من كل سوء يارب العالمين |
|
|
|
05-05-2006, 07:56 AM
|
#7 |
|
عـضـو
تاريخ التسجيل: Jan 2002
البلد: حيث أكون
المشاركات: 2,585
|
أنا بالإنتظار يابو لجين ياغالي
لموافقك وقصصك الجميلة محبك أبو سليمان |
|
|
|
11-05-2006, 05:33 AM
|
#8 |
|
عـضـو
تاريخ التسجيل: Mar 2003
المشاركات: 1,871
|
السلام عليكم ورحمة الله وبركاته
حيالله الشباب ...  اليوم عندنا سالفتين ... الأولى هي عن ( الإرهاب في نيوزلندا ) والثانية عن ( إرهاب امريكا الحقيقية وحقد الشعوب ) بسم الله نبدأ ... . . . الإرهاب في نيوزلندا وصاحبنا مره واحد من الشباب طالع من بيته الصبح وهو متجه لموقف الباص كان يكلم أميمته الله يخليها له ويطول بعمرها المهم .. وهو يمشي مر على واحد نيوزلندي شكله يوحي بالجنون أو شي من هالقبيل ... المهم .. صوت عليه وقاله كلام ما ينقال وباسلوب غضب وكأن فيه شي بينه وبين صاحبنا ( وخوينا أول مره يشوفه ) .. المهم .. أوقف الإتصال ورد عليه شوي ( تلاقطوا بلسان :D ) <<< ما يدري إن فيه شي اسمه يا غريب كن فادي  المهم قاله هذاك ترى والله لأرشك بالرشاش وترى عندي قنابل ووو .. خويي قاله أعلى ما براسك أركبه << خل عنك البهارات فادي  سم سم ..  المهم .. قاله خويي أتحداك ومن هالكلام .. المهم لعله سحب عليه لأن حس إن الرجال يبي ينفلت عليه خاصة و إنه مجنون << أيام يالمغولي المهم يوم تعداه بشوي طلعت عليهم دوريات من كل جهه ونزلوا وطلعوا مسدساتهم وقالوا له لا تتحرك وهذاك زبن في بيته << حلوه زبن  المهم مسكوا خويي وإحتفظوا به شوي وهو يقول والله ماسويت شي  قالوا له أن اللي شفت شكله ونبيك توصف لنا وجهه  قالهم وشلون .. قالوا تعال .. وحطوه عند واحد يرسم وعطاهم وصف شكله ورسمه ... بعدين قالهم يالله تامرون على شي :D قالوا له أجلس مهنا روحه  قالهم المعهد  قالوا نوديك بعدين ..  المهم بعد لف ودوران يالله يالله تركوه ... وراح للمعهد بسلام ... طبعا تبي تسألون وش سالفة هذاك ... هذاك طلعت صدق عنده قنابل ومتفجرات وأسلحه ووو ... يعني بغى خوينا يروح وطي .. بس الحمدلله على سلامته ... سالفة أعمال أمريكا وحقد الشعوب ... مره جالس أشوف التلفزيون مع هالياباني والعجوز ... وشفت صور اطفال أعوذ بالله .. شي ما تتصور ... وش السالفة .؟ هذي لها قصه ... فيه منطقه ( غير مسلمين ) مدري وينها المهم .. جتهم أمريكا وقالت نبي نرش على الغابات ومناطقهم شي من المواد لحماية من أشياء معينه مدري وش هي بالضبط ... المهم .. وجابوا لقطات الفيديو للطائرات وهي ترش المواد واللي يعملون فيها لآبسين لباس كامل يعزلهم عن المواد هذي ... طبعا طلبوا منهم سبب هاللبس الخاص بهم وهم لا .. وطبعا عطوهم من هالكلام ( زحلقوهم ) ... راحت عليها فتره .. وصار كل من ينجب منهم يطلعون عيالهم أشكال توحش .. مثل واحد عيونه ( بدون مبالغة ) كبر كرة التنس تقريبا وراسه صغيير من تحت وكبير من فوق ولا تسألني عن جسمه .. وغيره عيونه صغاااااار يالله يالله تشوفها وراسه كبير .. يعني لو تشوفونهم تقولون هذولي من كوكب المريخ ... والله شي يهول .. عاد أنا ما أدري وش صار عليهم بعدها لأن جاء وقت العشاء ورحت أتعشى ... بس قلت للعجوز ليه هالأعمال كلها .؟ قالت أنت تدري عن أعمال أمريكا ..!! قلت لها : طيب وش رايك باللي صار لهالشعب المسكين ... قالت : شعب مسكين خاصة إن أمريكا طغت وصارت تتعدى على كل شي ... عاد وقفت السالفة .. حرصا على بعض الأمور ... بس تبين لي .. أن مب حنا يالمسلمين حاقدين على القيادة الإمريكية .... . . . هذي سوالفنا الخفيفه .. والحين صور من بعض هواة التصوير ... والذين صوروا لنا خفايا نيوزلندا .. خاصة أنها حبلى من الأماكن الجميلة << وش رايكم عاد بحبلى ومع الصور هذي صورة للحظة الغروب << لا يا شيخ   وطلعت الشمس  أزين ما في هالمكان الهداوة   أقلب هالصورة ما تلاحظ فرق   ما أجمل الماء إذا ركد << خطمت  هذي إذا عجت عليهم الضباب :D  هذي يبيلها جلسة مصارحه عند ضوية اللي عليها بريق شاهي أسوووود  وغابت الشمس مره ثانية :o  هذي مدينتنا ... وشوفوا الحديقة ( هاقلي بارك ) أكبر حديقة بالعالم  وهذي حديقة الأزهار << من راسه هالأسم  هذي صورة للنهر اللي يقص المدينة  هذي طعوسنا :D  هذي صورة مكرره .. لكن من زاوية أخرى  أشعة الشمس وهي تغرب ع الجبال  منظر للي يبي يهوجس كثير  هذي صورة الترفليك في أجمل لحظات الغروب  هذا الشاطىء حقهم الله يرزقنا مثلهم  وهذي بعض الصور ... وعندي لكم مفاجأة ..!!! بس شوفوا .. لا أحد يزعجني بعدها زين .؟ ولا أحد يقول عندي الليلة كذا ولا من هالهرج باقي لي 26 يوم وأرجع لديار الحبيبة السعودية ^ ^ ^ أشين شي لا صدق واحد عمره .. زين إن لقيت احد يستقبلك في المطار :D تهقاه .؟ أجل يا شباب .. عندكم رقمي لا تنسون تحجزون :D وبالأخير .. أعتذر ع التأخير .. بس لا كمبيوتر في البيت ولا عندي وقت كافي .. فمنكم السموحه ع القصور ... وإنتظروني في الحلقة القادمة بإذن الله محبكم في الله أبولجين
__________________
 اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي آخر من قام بالتعديل (<*أبولجين*>); بتاريخ 11-05-2006 الساعة 05:44 AM. |
|
|
|
11-05-2006, 05:58 AM
|
#9 |
|
عـضـو
تاريخ التسجيل: Mar 2003
المشاركات: 1,871
|
ابن الإسلام
تسلم يالغالي .. وأبشرك الحين خليتها تمشي عدااااال يا حليله . ما ناقصها إلا إنها تسلم .. الله يعيني عليها .. ويوفقني على تحبيبها للإسلام << إي هين تسلم بعد هالتخقيل :D ^ ^^ ^^^ ماعلى الله شي بعيد يالوح << تلاقط مع نفسه ========== المتحرك هلا ألبي ... الكنسيه صارت مطعم عش رجب ترى عجب <<< مالها دخل بس ميخالف ========= المنعنع الله يسلمك من كل شر وجزاك الله خير .. وبإذن الله جايكم خير ... والصور عندي تتكبكب من كثرها لا هنت يالغالي ========= مخاوي 7 الصمت أعوذ بالله .. وش هالضبااااااااب << نسى العجاج :D الله يعينكم ... الحمدلله إني ما نيب معكم ولا كان فنقست ولالا يالمستشار تسلم ع التغطية .. والله يحفظكم من كل سوء ومكروه =========== راحل الله يسلمك من كل سوء ومكروه يالغالي .. والله لا يهينك على ردك الطيب .. وبإذن الله الجديد قادم << يسمع بالدعايات =========== ستايل الله يسلمك ... بس ما بعد رجعت الله يجزاك بالجنة على هالرد الطيب =========== كشتات اللهم آآآآآمين عاد تصدق لو أنا في الرياض كان الوعد مقبرة النسيم ... الصدر مهناش .. الحمدلله على كل حال تسلم ع الرد =========
__________________
اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي |
|
|
|
11-05-2006, 06:36 AM
|
#10 |
|
عـضـو
تاريخ التسجيل: Oct 2005
البلد: Buraydah
المشاركات: 9,519
|
::::.... حمداً لله على السلامة ....::::
وينكـ وين أيامكـ ننتظر المفاجأة ,,,,,,,,
__________________
أستودعكم الله الذي لاتضيع ودائعه ..
|
|
|
|
11-05-2006, 12:55 PM
|
#11 |
|
عـضـو
تاريخ التسجيل: Aug 2003
البلد: يحول ياللي ماله [بريد5]..!
المشاركات: 3,881
|
ماشاء الله الف الف الف الف الف مبروك :26: يوم فقط
ماشاء الله ترجع لأهلك ووطنك بالسلامة يالغالي  والله يانت بجنة بعد تخيل لو بالسعودية تسذا!! أولاااايييييييييه بعد عموماً ياعزيزي بإنتظار حلقاتك القادمة أخوك/ إبراهيم
__________________
°•.?.:GooD ByE:.?.•° |
|
|
|
12-05-2006, 03:07 PM
|
#12 | |||||||||||||||||||||||
|
عـضـو
تاريخ التسجيل: Mar 2003
المشاركات: 1,871
|
الغالي ( الفتى أحمد )
جزاك الله خير يالغالي ولا هنت على مرورك وتعقيبك الطيب بالدعاء .. والمفاجأة قلتها وهي باقي لي الآن على العودة للديار الحبيبه 25 يوم فقط بإذن الله ^ ^ ^ شكلك تحطمت وش جابه :D ياحبيلك والله .. ترى قلت مفاجأه من باب المزاح .. لأني أدري محد يحبني <<وين فلم مصري
لا أبشرك باقي 25 يوم بعد يا حبيلك والله يالغالي .. تحسب هذي جنات .؟ والله ياهي مالها طعم مثل ما أنت تتصور ... لو هي سياحة صحيح .. بس الغربة تغير الألوان .. << عاد تخير يصكك بعين الحنون وأنت بلياش ما تهنيت :D يا حبيلك والله ... وتسلم ع المرور والتعقيب الدائم ============= أستأذنكم اليوم ما فيه شي لأني مجهز العدة لرحلة إلى (west coast) وبإذن الله اجيب لكم تقرير الرحله لعلها تكون ممتعه وتشيل شي من هم الغربة ... محبتي لكم في الله جميعاً أبولجين
__________________
اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي |
|||||||||||||||||||||||
|
|
|
12-05-2006, 03:36 PM
|
#13 |
|
عـضـو
تاريخ التسجيل: Dec 2001
المشاركات: 25
|
تكفى عطني معلومات الدراسة
ارغب بأخذ كورس لغة برا بالجازة
تكفى علمن كيف وكم وكل شي شوقتن |
|
|
|
12-05-2006, 04:19 PM
|
#14 |
|
عـضـو
تاريخ التسجيل: May 2004
البلد: عشقـــي بريــــدة
المشاركات: 1,746
|
واللـــــــــــــه انهــــــــــــا خياااااااااااااال
ياللــــــــــــــه نعيــــــــــم الجنــــــــــــه ااامين ,, ابو لجين انت بهذه الصور تحااااااااااااارب السياحه الداخليه هههههههههههه الله يستر لا يبزعوووووووووون الشبااااااااااااب ويرحوون الى نيوزلنـــــدا .... الحمد لله على السلامه ,,
__________________
المدحدر منكم وإليكم ... |
|
|
 |
| الإشارات المرجعية |
|
|
النمط المتشعب
