 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
04-05-2006, 07:15 AM
|
#11 |
|
عـضـو
تاريخ التسجيل: Mar 2003
المشاركات: 1,871
|
السلام عليكم ورحمة الله وبركاته
سلام للي يرفع الراس طاريه مشهود له بالطيب والطيب ساسه . . . وش أخباركم يا شباب .؟؟  اليوم معنا سالفة طااااااازجه .. سالفتنا بموضوع :- أسبوع الغضب  <<< أفااا  والله يانا تكرنت بعد من هالعجوز  أنا لي الحين معهم حدود الشهرين .. وما قصرت معهم في كل شي وهم كذلك ما قصروا معي ولا أحلى ... بس مدري وش سالفة هالعجيز .!!! مره من المراريت قمت الصبح ونسيت أطفي الدفاية ... والدفاية من النوع اللي تسمى دفاية الزيت ... يعني بإذن الله آمنه .. ومع ذلك هي دايم تدخل غرفتي يوميا تنظفه ... يعني مهما كان الخطأ بسيط .. لأنها تشيك كل يوم بعد ما أطلع وخاصة إني مهوب بالعادة أنسى .. ومع إنها تشوفني أطفي الأنوار اللي مالها حاجة (لأن الكهرب غالي عندهم) ومع ذلك زعلت علي وأعتذرت منها وإنتهى ... وبعد هذي بمده طويله ... وبالتحديد قبل كم يوم .. نسيت أطفي الدفاية مره ثانيه ..  ويوم رديت للبيت ... لقيتها كاتبه لي رساله تقل صك إعسار أنا يوم شفتها ... إنسدحت على بطني ومعي كاس شاهي ومترجم وووو << من القهر :D وطبعا ... الهيتر لقيته مطلع من غرفتي ... وحركتها هذي تبي تربيني وتعلمني قيمته ومن هالكلام ... لأنها توقعتني حبيب وعلى نياتي وبطلب منها الهيتر مره ثانيه ...فالحق إني زعلت منها مرررررررررره والصراحه كأني بزر على هالعقاب فنمت ولا أخذت الهيتر ...  <<< ما يدري إنه في القطب الجنوبي وفصل الشتاء دخل عليهم الحين :D وكان في السرير حقي هيتر يعني أنام على سرير حراري ... بس ما يكفي أبد وصرت أتقلب بهالليل أبي أدفي جسمي تقل شبك دجاج ع الشواية  عاد يوم قمت الصبح .. ولا الدنيا مهب اللي أنت تبي ... موووووووووووووت برد  وشوي إلا والله مفنقس <<< سخن هالشين عاد يوم سخنت جلست في غرفتي ومقفل على نفسي ( مضرب عن الخروج  ) طبعاً مهب القصد أبين إني زعلان .. بس ناوي لهم بنيه تدرون بعد شوي  ... وصرت أتختل في أوقات ما يكونون فيه علشان أتوضأ ومن هالقبيل ...طبعا المسخن دايم يحب ينام 24 ساعه ولا يحب يروح ولا يجي ... علشان كذا بتلت وأنا في الغرفة ... ويوم حست هالعجيز إني مريض صدق << بدري صارت تحاول تعطيني الدفاية ولا فيه أمل أفتح الباب ( من باب إني مريض وأنا فعلا كذلك بس ابي أخقل قلبها شوي ... لأن عليها مسئولية كبيره لو صار لي شي ) وصارت كل شوي تدخل الدفاية ( كلما حصل لها فرصة ) وإذا شفتها طلعتها علشان تطول السالفه <<< رايق  وأنا حاجرها بورقتها لأنها كاتبه ( إني طلعت الدفاية علشان تدري عن قيمته ولا تنساه )وصارت تحاول بي توديني للمستشفى ولا طعتها من باب إني أبي أنام ( علشان ما أخليها تعتقد إني زعلان ) وعاد ياحول ياهالعجيز .. ما غير تحاول بي ولا فيه أمل .. ومره قمت الصبح على دقت الباب من هالعجوز ... وقالت لي ( فادي قد مورننق ) ورديت عليها رد زين لأني ما بينت لها إني زعلان ... وقالت لي أبدخل  يوم دخلت قالت وش مشكلتك .؟  ( لأنها حست إن الدعوة مهب بس مرض وبس أكيد فيه زعل )قلت لها مافيه شي بس أنا تعبان شوي وحزين على إني نسيتها والدفاية أهم من صحتي << ..!! عاد قالت لي فووووووووووووووورقت فووووووووووووورقت يعني إنسى هالسالفه وحتى إنها قالت خذها وخلها شغاله دايم بس إنسى  قلت لها ولو ولو آخر شي قلت لها بحاول ومره بغيت أطلع للمعهد وأنا مسخن .. قالت لي لا تنسى تراني بنتظرك ع العشاء اليوم .. قلت لها طيب وبعد ما خلصت من المعهد .. رحت للدكتور وكشف علي والحمدلله خذت العلاج وخفت الحرارة بعدها بفتره بسيطه ... وبعدها ... ما بغيت أروح لها علشان ماتنتهي السالفه بسرعه باقي شوي من الشر قلت لآبد من التبهير شوي علشان تضبط الطبخه ... أرسلت لها رساله إني تعبان وفيني برد وأنا بجلس عند خويي أشرب لي حليب ساخن ( علشان أكبر هم تعبي عليها ) .. <<< طبعا هي فحطت من الخوف :D ورحت عند خويي وجلست معه لين ساعه متأخرة من الليل علشان أضمن إنها نامت <<< الله من الذراقه :D لا والله مب ذراقه بس أبي أكمل معها شوي علشان تدري إن الله حق ويوم وصلت للبيت في آخر الليل ... وبمشي خفيف علشان ما أحد ينتبه لي وتقوم على صوتي ... قربت لباب البيت ... (( ووزت )) من دريشه الصاله أبي أشوف فيه أحد ولالا .. ولقيت الدنيا خرمس .. مافيه أحد حي كلهم يشخرون ...رحت لباب البيت .. ودخلت يدي في جيبي وأدور أدور أدور ..!!! مهب معي المفتاااااااااااااااااااااااااااااح أثري ناسيه في غرفتي والله ياللورطه .....!! وش اسوي ... رحت لفيت يمين ويسار مافيه أمل ... تذكرت الياباني خوينا رحت لدريشة غرفته وطقيت على دريشته << مدري ليه تذكرت القطاوه اللي تحوم ع البيت :D عاد تحسبون هالأصلي قام .؟ طقيت عليه وطقيت ولا قام ( طبعا بصوت خفيف علشان ما يقومون هالشيبان ) ولا حياة لمن تنادي آخر شي ... سلمت أمري لله وقلت يالله ... لعبتنا وإنتهت رحت لدريشة الشيبان وطقيت عليهم :o ويوم سمعت حس واحد منهم ويوم قام طاح قلبي <<< ويقول ما خفت :D رحت أنتظر المصير يفتح لي الباب ... لقيت شايبنا هو اللي قام .!  أنا طرت من الفرحه .. أثر العجوز سهرانه تنتظرني عاد تربيت بعدها ... وقمت على دقت العجوز الصبح ورديت عليها ورحت آكل معهم ولا فتحت السالفه ( طبعا هي ما تبي باب السالفه تنفتح مره ثانيه ) هذي آخر الأحداث  ==================== وعلشان هالتأخير ... أبعطيكم كم سالفة على خفيف وبعدها الصور لعلها توفي بشيء من حقكم علي ... ==================== >>>>>>>> يبتبع
__________________
 اللهم أنت ربي
إلى مــن تكلـــني إلى بعــــيدٍ يتجـــهمني ام إلى عـــدوٍ ملــكته أمـــري إن لم يكن بك غضبٌ علي فلا أبالي غـيـــر أن عــافــيـتـك هـــي أوســع لـــي آخر من قام بالتعديل (<*أبولجين*>); بتاريخ 04-05-2006 الساعة 07:23 AM. |
|
| الإشارات المرجعية |
|
|
النمط الأحادي